SUGOD Lunes, P6.50 na ang pletihan sa public utility jeepney (PUJ) human giaprobahan sa Land Transportation Franchising and Regulatory Board (LTFRB) Board ang petisyon ni kanhi Cebu City Coun*cilor Augustus “Jun” Pe nga kini us-usan.
Ang maong petisyon gisang-at ni Pe niadto pang 2014 apan karong semanaha lang naaprobahan sa LTFRB.
Kagahapon sa buntag, gibutyag ni LTFRB 7 Reynaldo Elnar nga nadawat na nila ang resolusyon ug karong adlawa kini nila ipapatik sa mga mantalaan.
Matod ni Elnar nga mismo sa Lunes nga holiday tungod kay Chinese New Year magsugod ang pletehan sa jeep nga P6.50 gikan sa P7.
Si Winston Ginez, chairman sa LTFRB sa interview, nibutyag nga provisional kun temporaryo kining pagpaus-us sa minimum nga pletihan.
Ang P6.50 mao ang pletehan alang sa unang lima ka kilometros ug dugang 90 sentabos kada sunod nga kilometro.
Hangyo ni Elnar sa mga driver nga sundon ang maong mando. “I-honor gyud nila ang fare reduction, I-honor pud nila ang senior citizen, persons with disabilities (PWD) ug students.”
Kalapasan sa Joint Administrative Order (JAO) 2014-01 ang driver nga di mosunod niini diin anaa kini multa nga P5,000.
Giawhag usab niini ang publiko nga magdala sa sakto nga pletehan hilabi na ang 50 sentabos aron sakto ang pletehan nga ibayad.
Tungod kay P6.50 na ang bag-ong pletehan, P5.20 na usab ang bag-ong pletehan alang sa mga tinun-an, PWD ug senior citizen base sa 20 porsyento nga diskwento.
Si Plinky Gandiongco, kinsa usa ka office worker, malipayon sa maong pagkunhod.
Matod niya nga mas maka-save na siya sa iyang sweldo tungod kay kaduha sa usa ka adlaw siya magsakayan og jeep.
Ang call center agent nga si Elle Faith Cainglet nalipay usab apan nabalaka nga basin di unya P6.50 ang kuhaon sa konduktor o kaha sa driver.
“Nalipay, and i think nga mao sad jud na angay buhaton since barato na gasoline. But most likely, P6.50 ang ending ana kay P7 nasad na kuhaon sa mga driver.”
Matod niya nga maniguro na lang siya og sinsilyo daan para di siya alkanse kay bisan og P6.50 ra ang pletehan, makatabang na kini niya hilabi na nga dili lang siya ka usa mosakay og jeep sa usa ka adlaw.
Ang pag-us-us sa pletihan gipasubay sa grabeng pagtibugsok sa presyo sa lana sa merkado.
Dugay na ang pag-us-us presyo sa lana nga maoy nakaaghat sa pipila ka transport groups mismo sa pag-aghat na sa kagamhanan sa pagpa-us-us sa pletihan.
Important advice. Students, seniors, and PWD passengers can pay P5. You cannot expect drivers that students will pay P6, tagaan pa ug sukli na 75cents kay P5.20 man ang students fare. Sa mga regular na pasahero, if wala moy tag 25cents, observe lang daan sa mga pasahero na if moplite gani sila ug P7 unya di sad sukliansa driver o kundoktor. P6 nalang ibayad, if moreklamo ang driver, ingna lang na " di man ka manukli kung tagaan kag P7, karun moreklamo ka tagaan P6?
Reported by Herty Lopez
Sunstar Network / Cebu in Pictures
naay flyers na mas maayo ishare aron mokalat......
https://www.facebook.com/17489364592...type=3&theater
Starting Feb. 8, 2016. PUJ Fare is P6.50
Reply With Quote
