Kinatawo naigo pagpusil; banay mibawos

[timoyans]

---

Ni Guam P. Logroño

Wednesday, June 25, 2014

KINATAWO sa chief tanod posibling maputol human naigo sa bala sa kalibre .45 nga pistola human siya gipusil samtang natulog sulod sa balay kagahapon sa alas 3:20 sa kaadlawon sa Barangay Papan, Sibonga, Sugbo.
Si William Fernandez, 33, minyo, chief tanod sa lugar, gipaubos sa operation sa usa ka pribadong tambalanan dinhi sa dakbayan sa Sugbo.
Si PO2 Ederlino Bacusmo, imbestigador sa Sibonga Police nga nahinabi sa Sun.Star Superbalita nagkanayon nga nahinanok ang biktima uban sa iyang asawa ug anak.
Apan nakamata siya human nadunggan ang usa ka sipang buto sa armas.
Iyang gidali sa pagsusi ug gitan-aw sa gawas kun si kinsay nagpabuto dihang nabantayan niya nga naigo diay siya.
Sa pagtan-aw niya sa iyang bugan, maayong pagka-igo sa “punoan sa iyang kinatawo,” matod ni Bacusmo.
Ang biktima nagping-it niini sa kasakit nga nangayog panabang sa iyang asawa.
Ang biktima gidala sa iyang asawa ug kabanay sa tambalanan sa dakbayan sa Carcar, apan wa magla*ngay, gibalhin sa usa ka pribadong tambalanan sa dakbayan sa Sugbo.
Si Ederlino niingon nga usa ka kabhang sa kalibre .45 nga pistola ang ilang nasakmit sa sa crime scene nga maoy gigamit sa wa mailhing gunman.
“Ang ingon sa asawa nga punoan gyud sa kinatawo sa iyang bana nasentro sa pagka-igo! Pwerting pagkatumbaha. Depende na lang unya to sa doktor kon putlon o sumpayon,” dugang ni Bacusmo.
Nagtuo siya nga dakong kadaut ang namugna sa bala ngadto sa kinatawo sa biktima sanglit ang kalibre pusil high-powered.
Gipadayag niini nga way kontra ang biktima sa lugar hinungdan nga naglibog ang pamilya nganong gipusil nga gipaagi lang sa bintana.
Matod ni Bacusmo nga naigo ang kahoy nga bintana unya milapos ang bala tumong ngadto sa punoan sa kinatawo sa biktima.
Subay niini ang barangay konsehal nga ig-agaw sa biktima gisikop sa kapulisan human kuyog sa iyang mga pag-umangkon nanimawos, namusil sab kagahapon sa alas 8 sa buntag sa Barangay Cagay.
Ang Barangay Cagay sunod nga dapit sa Papan, sa bukirang lugar sa Sibonga.
Si Joselito “Undo” Fernandez Labella, 36, barangay konsehal sa Papan, gibalhin sa detention cell samtang nakasibat si Randy, igsuon sa chief tanod, ug ang pag-umangkon nga si Bebe.
Silay gitumbok ni Michael Caballero, 26, ulitawo, taga Barangay Cagay, kinsa grabi ang kahimtang human natusaktusak sa mga bala sa kalibre .45 nga pistola.
Si Bacusmo niingon nga panimawos ang motibo sa krimen.
Apan ilang gituohan nga naangin lang si Caballero, kinsa naratol dihang gipangutana sa higalang konsehel.
Ang biktima didto matulog sa higala niining si Misael Rocel dihang naabot si Labella uban sa duha ka mga pag-umangkon nga pulos nagdalag motorsiklo.
Gipangutana nila si Caballero kon kinsay nipusil kang William, apan naratol hinungdan nga gipusil.
Nadakpan nila ang konsehal sa balay niini, apan nanghimakak sa krimen bisan tuod kon ang biktima nakasulti, ingon man dunay mga saksi sa lugar.





Kinatawo naigo pagpusil; banay mibawos | Sun.Star

Sa kadaghang pwedi maigo, nganung kana paman? heehe

[raissah]

Bang! kuayawa modalag tira! Bulls Eye man jud

[cheztong]

Pak! looya uy unsa kahay hinungdan nga kana man jui g igo.. hehehe

[sammedriano]

Gi sniper guro to oie kay sa point of origin man jud na igo. Pastilan. Sorry parts, wala na imong junior for the rest of your life. I pity the wife LOL

[stew_griff]

maayong pagka headshot XD

[michtiza]

wala jd gi ang2x. maayo jd pagka igo-a

[jntio]

tabla ramag patay ug wala si junior

[luff101]

Siawa aning balitaa oi!!...

[salbahis]

bahalag maputol ang mga kuyamoy ayaw lang jud tawn ang tumoy.... pagka looy!!!

[7DMM]

Maka ingon tingali ni siya may pang matay.