P2.50 nga umento alang sa pletihan giduso sa Citrasco

[supermarionism]

---

NANGAYO ang Cebu Integrated Transport Service Cooperative og P2.50 nga umento sa pletihan alang sa mga dyip pasaheroan sa Sugbo.
Sa giduso nga duha ka pahina nga petition, ang Citrasco nihangyo sa Land Transportation Franchising and Regulatory Board nga himuon nga P10 ang minimum nga pletihan sa PUJ nunot sa pagsaka sa presyo sa mga spare part ug ubang panginahanglanon sa pagmintinar og sakyanan.
Sa kasamtangan, P7.50 ang minimum nga pletihan sa PUJ sa Metro Cebu.Si Ryan Benjamin Yu, chairman sa Citrasco, niingon nga dili lamang ang presyo sa mga produktong petrulyo ang ilang gibasehan sa pagpangayo og usbaw sa pletihan kondili ang maintenance ug abangan sa sakyanan.
“Wa mousos ever since ang prices sa engine oil, lubricants, ligid ug ubang spare parts. Kami mga operator, we need to increase ang abangan so that we will be able to give a descent public utility vehicles sa mga pasahero,” pagpasabot niini sa pakighinabi sa Sun.Star SuperBalita.
Matod ni Yu ang presyo sa mga produktong petrulyo mosaka ug mousos sama sa gipatuman sa mga kompaniya sa lana bag-uhay lang nga nipakunhod og 30 sentabos sa ilang presyo.
Kon maaprobahan ang petition, pananglitan ang pletihan sa Pardo sa ka*samtangan kay P8.50, mahimo na unya kini nga P11.
Si Yu niangkon nga bug-at ang ilang gipangayo nga umento apan nangayo siya og pagsabot sa publiko aron makahatag sila og insaktong serbisyo sa mga sumasakay pinaagi sa pagpanindot ug pagpaayo sa ilang mga sakyanan.
“We need to do this so that we will be able to give sakto nga service sa katawhan. Kay kung dili ta mangayo, wa tay ika-support eventually sa dilapidated nga mga sak*yanan,” dugang niya.
Suma pa ni Yu hugot sila ningsuporta sa kampanya sa LTFRB ug Land Transportation Office batok sa gubaon ug kagangkagang nga mga sakyanan nga magbiyahian sa kadalanan sa nasod.
Si LTFRB 7 Director Ahmed Cuizon nikompirmar nadawat nila ang petition sa Citrasco niadtong Pebrero 28 ug napahibawo na ang ilang ulohang buhatan labot niini.
Personal niya nga gihatod ang kopya sa petition sa Citrasco atol sa ilang tigom sa kaulohan kagahapon.
Matod ni Cuizon dunay laing mga petition nga giduso sa ubang transport groups gikan sa ubang probinsya ug rehiyon sa nasod.
“After sa meeting, diha nato mahibaw-an kon i-consolidate ba ang tanang petitions or maghimo og laing public hearing diri sa Cebu,” asoy sa director ning mantalaan.
Ang Citrasco kataposang nangayo og usbaw sa pletihan niadtong 2011 nga nihangyo sa LTFRB nga himuong P8 gikan sa P7.50 ang minimum nga pletihan, apan wa uyoni sa ahensiya.
Ang maong grupo adunay 1,000 ka PUJ units diin 80 porsiyento niini magbiyahian sa Metro Cebu samtang ang uban sa ubang bahin sa lalawigan sa Sugbo.

P2.50 nga umento alang sa pletihan giduso sa Citrasco | Sun.Star

[kevitzrey]

bang, mahurot mn sd atong bawn nga 30 sa plete lang, wa nakoy pang pungko2 ani kng madayun na. tsk

[ingkiang]

kamahal na ba sa pletehan oi...may pa mg train nalng ta ani

[M.A.D.]

Bwahahahahahahahahaha katawa.a nako ani oi.

OK ra na oi, masagop bitaw na sa atong high GDP growth. Hahahahahahahaha.

[4s gadgets]

lisuda na ani ue, 3 rides bya perme wala pay apil ang habal2x ug tricycle ani. Mayta naay increase sa sweldo...

[rickflag]

Mayta mosugot na mga companies nga wa nay dress code mag work para puede na uban mag bike nalang. Total uso naman folding bike puede ra nimu itapad sa imo desk.

[batangyagit_20]

whew..geh ahahak na..

ka dako buh aning umentoha,,

tsk3...

[4s gadgets]

murag nice ang bike dah, pagamay pud ug hapit sa bil2x.hahaha

[MrTuthaus]

murag nice ang bike dah, pagamay pud ug hapit sa bil2x.hahaha

sakto jud bro if lang jud safe ang agianan kanindot ibike going to office, mangumpra bisana sa..

[aljy]

Dli pajud na mahimong 2:50 ky tikasan bya ni sila...I round of pajud an ug 3.Pareha gud ron ang 7:50 ky long forgotten na ky 8 na daw matud pa sa mga driver.