Bus gilabay og hugaw sa tawo, babaye nahilam-os

[radiostar]

---

NITUASIK sa lawas sa mga pasahero sa bus ang hugaw sa tawo nga gisulod og plastic nga gilabay ngadto kanila samtang nagdagan ang sakyanan niadtong Biyernes sa hapon.

Usa gyod ka pasahero nga babaye ang maayong pagkahilam-os sa iyang nawong sa hugaw atol sa hitabo ala 1:35 sa hapon sa Brgy. Asusina, lungsod sa Barili.

Ang ni-report ngadto sa Barili Police Station mao na ang inspector sa Librando bus nga si Henry Luagi.



Sigun sa iyang asoy nga gikan sa lungsod sa Badian ang ilang bus ug nagpaingon sa dakbayan sa Sugbo nga puno sa mga pasahero.

Apan paghiabot nila sa lugar, kalit lang nga adunay usa ka plastic nga gilabay ngadto kanila sa usa ka tawo nga wa nila makita.

Ang hugaw niigo sa nawong sa usa ka babayeng pasahero ug nipisik ngadto sa laing mga pasahero.

Samtang diha-diha nialisbo dayon ang baho ug nasuta nga hugaw kini sa tawo nga basa-basa ug init-init pa niadtong higayona.

Ang ubang mga pasahero niadtong higayona napiskan usab sa hugaw sa tawo hinungdan nga napugos sila sa pag-hunong ug gilimpyohan lang una ang ilang bus.

Human malimpyo ug nakapanghilam-os ang babaye nga mao gyoy naigo sa hugaw, nilahos ang bus pagbiyahe dinhi sa dakbayan sa Sugbo.

Samtang ang inspector sa bus maoy ni-report ngadto sa Barili Police Station.

Gipatik sa mantalaang SuperBalita Cebu Hunyo 05, 2011.

Bus gilabay og hugaw sa tawo, babaye nahilam-os | Sun.Star

[ShinToy117]

luod ba ani oi.hahah!

[BiKho]

nana existing thread ani....

[radiostar]

aw merge nalang

[kevin_0o]

haha ahaka ani

[peewee_toot]

maygani ni kaon na ko daan before ko naka basa ani. hahaha.

kuyawa na og trip sa mga tao rn sah? kung dili mo patay, manglabay na mn nuon og tai. faet!

pero grabe sd aning balita-a maka exaggerate oi. kani nga statement pa lang daan: Usa gyod ka pasahero nga babaye ang maayong pagkahilam-os sa iyang nawong sa hugaw atol sa hitabo ala 1:35 sa hapon sa Brgy. Asusina, lungsod sa Barili.

[uchiha_cute]

uuurrrrrggggghhhhh! kadiri...