Thursday, November 4, 2010
CASE closed na ang kaso sa pag-gang rape sa usa ka dalaga sa Barangay Pajo, dakbayan sa Lapu-Lapu human ningtahan kagahapon ang tulo ka mga suspek sa Lapu-Lapu City Police Office.
Gihulagway ni acting Police City Director PS Supt. Mariano Natuel Jr. nga case closed na kini human nga anaa na sa ilang kustodiya ang upat ka mga suspek.
Mga alas 12:30 kagahapon sa udto ningtahan sa kapulisan sila si Jarden Rex Canales, alyas Alok, 19, taga-Sangi New Road; Ronelo Abendan, alyas Yeye, 18, taga-Ihawan, Barangay Pusok, ug ang graduating sa high school nga si Ryan Ramirez, 19, taga-Seawage gate, dakbayan sa Lapu-Lapu.
Nag-iyahay og pasangil ang tulo ka mga suspek ug ang unang nadakpan nga si Christopher Antig, 19, taga-barangay Pusok, nga maoy ningbulgar sa tulo niya ka mga kauban. Unang nadakpan si Antig human giila sa biktima sa rogue’s gallery. Nagkadaiyang version ang gitug-an sa mga dinakpan apan pulos sila ning-angkon nga maoy ninglugos sa 28 anyos nga beauty consultant sa usa ka mall sa dakbayan sa Sugbo.
Matod sa mga suspek nga ilang na-tripingan ang dalaga gumikan sa ilang kahubog. “Nagkasabot mi nga mo-surrender kay basin ipa shoot-to-kill mi,” pasabot ni Abendan. Gisumbalik ni Canales ang pasangil ni Antig nga maoy kursanada nga molugos sa biktima ug maoy tag-iya sa gubaon nga .38 paltik rebolber nga gition ug gigamit sa paghapos sa agtang sa dalaga.
“Naghigal man to siya (Antig) gud kay gidugo man ang iyang uyab,” pasangil ni Canales. Giangkon niya nga siya maoy nilangkat sa underwear sa biktima sa pagtuo nga didto gitagoan ang cellular phone niini.
Gitug-an ni Canales nga siya ug si Ramirez nagtago-tago sa Antipolo, lungsod sa Medellin, lalawigan sa Sugbo samtang si Abendan didto mitago sa Barangay Punta Engaño, Lapu-Lapu.
Ang biktima nagdumili sa pakig-atubang sa mga dinakpan kay matod niya nga di siya makaako sa pagsud-ong sa ilang panagway nga maoy ningguba sa iyang pagkatawo.
Kasong robbery with rape ang gisang-at sa kapulisan batok sa upat ka mga suspek.
Sa sayo pa, gitabangan paglugos ang biktima niadtong kaadlawon sa Nobiyembre 1 samtang nagsubay sa skywalk sa Barangay Pajo sa dihang gitionan siya sa usa ka suspek dayon nideklarar og tulis sa wa pa gitabangan paglugos.
Original article: Mga mi-gang rape mingtahan | Sun.Star Network Online
--> uso na jud gang rape karon duh.. daghan na kau mga higal ug manyak ron. hahah.. be careful and vigilant mga girls..
Mga mi-gang rape mingtahan
Posting Permissions
