Para sa mga bugoy

[freesoul]

---

BUGOY-BUGOY

Daghan mga Bata gusto magBugoy-bugoy
Mu-apil og Frat, Gang, mga grupong Liguy
Inom diri, inom didto, standby bisag asa
Wala magdahom, gipangita na diay sa Mama

Dili musulog sa eskwelahan kay mukuyog sa Grupo
Atang2x sa eskina, magyop-yop og sigarilyo
Bisag ang kwarta puros nalang piso-pisong sinsilyo
Hingi diri, hingi didto, gahi pa ang ulo sa martilyo

Dili makuntinto, magpagalgal sa ginadiling bisyo
Shabu, Marijuana, Extacy gusto tilawan
Kung dili matagbaw mahimo na hinoon kawatan
Nagsiga ang mata, mahimo na hinoon kataw-anan

Mga Bugoy-bugoy isog lang kung daghan
Kung mag-inusara mukaratil diay og dagan
Mga Bugoy-bugoy isog lang kung naay Pusil
Kung mano-mano, talawan diay ang mga inutil

Walay kahadlok bisan sa ilang ginikanan
Dili mu-too sa tambag sa Amahan og Inahan
Didto mu-too sa ilang Grupo na pasaguliro
Kung ma-priso sa Pamilya ra diay muhangyo ang Tonto

Unsa may makuha ninyo sa pag Bugoy-bugoy?
Magtoo mo na kung apil mo sa grupo, kamo tisoy?
Musikat mo kay nagpanun mo Bugoy na Pinoy?
Kung naay gubot, mubahag inyo ikog murag itoy.

Mga Bugoy, nag-too mo na dili mu mamatay?
Mga Bugoy, awahi na raba ang pagmahay.
Maypa mu-eskwela mo og tarong para sa kaugmaon
Para inyong Pamilya puhon naay tarong makaon.

Igahin inyo oras sa mga buhatonon na tarong
Dili man gud ta kabalo kanus-a matapos ang panahon
Mintras sayo pa, likayi nalang ang grupong Bugoy
Basig mapariho mo sa gitangkal na mga Unggoy



-FREESOUL


Just share your thoughts on this matter.

Thank you!

[manchiecute]

nice.... maayo unta maka.amgo ang uban... nice composition.. CONGRATZ!!

[KASAAC]

sakto jud na bro...nay sa amoa naay daghan kiat lang ang nawong
kasagaran mga bag-ong tubo, naa sad mga tiguwang na, naa sad mga 25-30s kala man ang among tawag ana nila, maayo lang sa kala2x ba

[Tirong-say]

Kulang na sa disiplina sa ginikanan, maayo unta katilaw na ug tagam para mabut-an.....

[samsungster]

nice one.. thanks for sharing!!

[m.garz]

sakto gyud bro.. isog lag daghan..lelz!

[dexlimp]

correct jud..nice composition

[xkenikensx]

tumpak,, but wala sad ko ga basul ug nganong ga bugoy2x ko sauna, its all part of growing up, and it made me who i am today, dili sad kabayran ang kalingaw nga naagian sa akong pag bugoy2x..

[smictague]

hahay. kanus.a pa kaha na sila maka amgo sa?. .
nganu kasagaran , kosog man kau magpa sikat?
lami rabang panitan. . paet ning mga bogoy. . mayng hiposon sa kalibutan

[munkyboi]

nice! +1000!!