na programme na jud ta

[zenneo]

---

kabalo ba mo nga na programme na ta sa ato gobyerno ug sa ato ginikanan nga "kinahanglan eskuyla ta tarong aron taas ato grado unya makakita ta stable nga trabaho ug mutaas imu sweldo". nka programme na ta nga eskuyla ta aron ipadala ta sa gawas as welder, caregiver, yaya, electrician etc.. kadungog ba mo nga naay niingon nga eskuyla ta aron maka tag-iya ta kompanya diri sa pinas?

unsa inyo maka sulti ani? mdyo sensitive nga issue but this is reality..

[bronson]

tinuod gyud na bro. pero wala man tay dinalian na solusyon ana kay nanginahanglan man gyud ug panginabuhi para maka kaon ang pamilya. Mag depende ra gyud ni sa gobyerno kung unsa ang ila ipatuman na programa aron ma enganyo ang mga talented na pinoy mamahimong negosyante o kaha mamahimong lokal producer sa agrikultura o di ba kaha sa teknolohiya.

Hinuon, dili man sad pwede nga mamahimong negosyante tang tanan kay kinsa nalang nya imong trabahante kung mao na... Pero ang point siguro ani na ma supporta-an sa gobyerno ang potensyal sa matag Pilipino ug tagaan ug tinuod nga importansya ang edukasyon. Ang gihimo man gud sa gobyerno kay nag himo sila ug mga programa na sama sa gitawag ug Super Maid program na ga training sa pinoy mamahimong suluguon for export. Nya kung yagayagaan gani sa ubang nasud nga maid ang mga pinoy kay mu-react dayon. mura ra ba ug dili tinuod. Tan-aw nako dili ni mao ang pag palambo sa potensyal sa mga pinoy.

sa ako mga nabasahan sa mga balita sa pipila katuig na nako dinhi sa kalibutan, daghan kaayo ug potensyal ang mga pinoy sa pag palambo sa atong estado(as mga pinoy) sa kalibutan pero ang naka apan, ang gobyerno nato mahadlok gyud makipag kompetensya sa dagkong kabao sa kalibutan. Ug sa tan-aw nako ang usa na naka bira nato ug maayo pa-ubos mao ang mentalidad nato nga mas maayo ang mga butang na hinimo sa gawas(imported kung baga). Mao nga tanan native nato nga produkto ganahan sagulan ug imported. sugod sa atong bugas, sa atong programa na puro turismo, hangtud sa mga katawhang Pilipino, ganahan sila na mamahimong Fil-Foreigner kay para kuno musikat kay napiskan na sa pagka imported.

Kung mu-ingon mo na kailangan man nato ang dollars para sa ekonomiya, kay nganu ang paglambo sa ekonomiya adto ba mahapak sa mga katawhang Pilipino? adto ra intawn sa mga bulsa sa mga pulitiko na sige pangayo ug commission sa mga proyekto. Maypa palambuon nila ang matag lokal na sector nga dili na intawn sila mag huna2x na kung naa sila sa syudad mahayahay ilang kinabuhi maong mag squat nalang sila nya ang uban manglimos nalang intawn sa kadalanan.

just expressing my views. pasaylo-a ko kung naka distorbo ko.