'Tagulilong' nga mga CITOM inihap nalang ang mga adlaw - Osmeña

[ceden_yu143]

---

Updated February 19, 2009 12:00 AM


CEBU, Philippines - Inihap na lang ang mga adlaw sa ligoy ug badlungon nga mga sakop sa Cebu City Traffic Operations and Management (Citom) partikular na niini kadtong mga traffic enforcers nga kalit lang mawagtang sa ilang pwesto panahon sa ilang duty.

Matud ni Citom Vice Chairman Rogelio “Jingjing” Osmeña nga makapila na nila pahimangnoi ang mga ligoy nga mga traffic enforcers ug karon giingong hatagan na nila sila og kinutuban.

Nagkanayon si Osmeña nga siya mismo nakamatikod nga dunay mga traffic personnel nga wala magtinarong sa ilang trabaho.

Gusto sa Citom vice chairman nga kini matangtang sa trabaho o masuspenso ba hinuon aron kini mahatagan og leksyon.

“Sige man ta kakita ug magwa-wa gud sa ilang pwesto, so, ato na nang sugdan pagsuspenso aron mahadlok na,” sumala ni Osmeña.

Nasayran hinuon gikan sa usa ka traffic enforcer nga dili gusto magpahingalan nga kasagaran nila dunay broken schedule (naa sa buntag, naa pud sa hapon, naa pud sa gabii).

Gipadayag ni Osmeña nga siya nasayod niini apan nagpabilin ang iyang pagduda nga dunay uban nga naglinigoy sa ilang katungdanan.

Sa susamang kalamboan gipahibawo ni Osmeña nga sugdan na usab nila ang pagpahigayon og training sa mga kwalipikado nga mamahimong traffic enforcer.

Tumong niini nga dunay dali nga mahulbot ang Citom sa higayon nga dunay taktakong traffic personnel tungod sa pagkabadlungon.

Nagkanayon ang Citom vice chairman nga posibling sa sunod buwan kasugdan na ang pagpahigayon og training niadtong gusto nga mag-traffic enforcer. - Elly Bolonos (BANAT NEWS)



nsa idea ninyo aning mga CITOM nga ing.ani....sakto ba kaning hukom ni Osmeña nga inihap nlng ang adlaw...

[666satan]

kuhaan og picture aron naa ebidensiya hatag kang osmeña...

[chaowix]

dapat naa citom til nyt time. hasola anang pag gabi-e sa land bank dapit dili na mo larga ang jeep maski go. himo0n ug terminal ahaka

[knight007]

Bitaw, maayo nga isuspenso ng mga ligoy nga enforcer. Pero unson kaha pagkasakop ani nila nga mga mat-an pa man na sila sa pinya.

[leo_trams]

Bitaw, maayo nga isuspenso ng mga ligoy nga enforcer. Pero unson kaha pagkasakop ani nila nga mga mat-an pa man na sila sa pinya.

Lisod gyud na sakpan.
Ilabi na ug ang ilang labaw, ligoy pud.

Dapat usa unta na sa responsibility sa ilang immediate head to check kung ni perform ba gyud iya mga tawo.
Mag roving pud unta na siya. Dapat random check.

Kung ligoy ang mga tawo, timailhan kana sa unsa ka ligoy pud ang nagdumala.


.

[Motownkid]

dapat naa citom til nyt time. hasola anang pag gabi-e sa land bank dapit dili na mo larga ang jeep maski go. himo0n ug terminal ahaka

usahay gani bisag adlawan kung naniudto pa ang mga CITOM,
himoong loading area dha dapita Land Bank. Bisag "green light"
paugat gihapon kaau mkasapot ang trapik...

[raphz]

pabutangi intawn ug CITOM dnha sa SM. ky naa na jud sa TUNGA ang mga BAGAG NAWNG NGA WALAY EDUKADO na mga BASTOS na dryver! naa pko pusil hutdon kuna cla tanan! ang tanan ila ligid! hahaha!

[prukutung]

hahahaha... kulbaan lang ta nimu bai dah.... kalma lang brad.... ako nimu ang reserba nga ligid imung pusilon!!! hahahaha... bitaw, kanang gabie nga citom call ko anah.... abusado man gud ang mga jeepney drivers, labi na ang mga 13C.... mayta unta dakpon pud tawn nila apil ang mga reckless nga 13C... daghan tawn kaau na cla, labi na ang mga elf...

[clarkhkent]

nganong karon pa man ni nila buhata....wa diay ni sa una...faets....

btaw hangtud unta gabie nang mga citom ba...

[tapsikret]

sus! sayang bag-o lang gyud nako na erase ang akong video sa 2 citom personel nga nag drive ug motor gikan sa emall - mango ave dapit nga wla gyud nag helmet.. tsk tsk tsk tsk