Titser 'mi-kiss, nanghulga’

[W.Axl Rose]

---

Titser 'mi-kiss, nanghulga’
Charmaine P. Lirazan Sun.Star Superbalita

MAGTUTUDLO sa Zapatera Nigh High School gireklamo sa 14-anyos nga tinun-ang nihawok kaniya sud sa principal’s office.

Gihilom lang unta ni Ana (gitago ang tinuod nga ngalan) ang maong insidente apan napugos sa pagbulgar dihang gisigihan na siya og hulga sa magtutudlo.

Gawas sa sexual harassment, duna say mga tinun-ang nireklamo og physical abuse batok sa mao nga magtutudlo, kinsang ngan gipugngan samtang wa pay formal complaint.

Ang magtutudlo giingong nanguyab kang Ana, usa ka 2nd year high school student.

Apan nasuko kini ngadto kang Ana dihang gisukmatan siya sa adviser sa biktima mahitungod sa insidente.

Ang suod nga classmate ni Ana maoy nitug-an sa ilang adviser sa nahitabo maong gipatawag ang maestro ug gisukmatan.

Apan sud sa ilang klase giingong gisingkahan hinuon sila niiini ug gipakauwawan.

“Iya ming gitulisok sud sa among klase,” nagkanayon ang classmate ni Ana.

Si Ana sa interview sa Sun.Star Superbalita nitug-an nga niadtong Septiyembre 10, nisud siya sa principal’s office aron magkuha unta og form.

Ang maestro nga maoy bugtong tawo sa principal’s office nihangyo kang Ana nga mohawok.

Apan una pa nakatubag si Ana, gihagkan dayon siya niini sa aping.

Ang inahan ni Ana nga usa ka kanhi maestra nitug-an nga nanguyab ang maong magtutudlo ngadto sa iyang anak ug kini ilang mapamatud-an pinaagi sa gi-save nga mga text message.

Matod ni Ana nga wa unta siyay plano nga motug-an sa insidente apan napugos nalang kay gisigihan na siya og hulga sa maestro.

Tungod niini, niundang na sa pagtungha si Ana ug nagplano ang iyang mga ginikanan nga ibalhin og laing tunghaan.

Matod sa inahan ni Ana nga gireklamo na niya ang insidente sa principal nga si Lolita Secuya apan giingong wa kini aksyon.

“Di mahimo nga wa silay buhaton kay na-trauma akong anak di na ganahang mo-eskwela,” matod pa sa inahan.

Niadtong Lunes, nikuyog ang Sun.Star Superbalita sa mga opisyal sa barangay Zapatera nga gipangulohan ni Kapitan Jomarie Benedicto nga niabag sa inahan ni Ana ug ang amahan sa gitulisok nga classmate alang unta sa usa ka dialogue sud sa tunghaan.

Matod ni Benedicto nga gireklamo sa iyang barangay ang insidente apan ila kining gi-refer sa Department of Education sanglit wa man silay jurisdiction sa kaso.

Gikuyogan lang usab nila ang mga nangreklamong ginikanan kay giingong di sab kini pasudlon sa tunghaan.

Matod sa inahan nga gusto niyang madunggan ang habig sa maestro ug masayran kon unsay lakang nga himuon sa principal sa maong insidente.

Ilang nasayran nga di lang diay si Ana ang giingong gi-harass ni Angeles kay duna say tinun-an sa 3rd year ang gihikap niini ug laing tinun-an ang gihangyo usab nga hagkan.

Duha sab ka mga tinun-ang lalake ang nipasangil nga giparok ug gipatiran ni Angeles.

Apan si Angeles nagdumili sa pakig-atubang kay gikatahong i-refer niya ang reklamo ngadto sa iyang abogado.


naunswa na man ning nga titser uy tsk tsk

[johnjob]

dapat tangtangan ni ug licensya sa pagatudlo..way batasan ....

[tingkoy13]

Gawas sa sexual harassment, duna say mga tinun-ang nireklamo og physical abuse batok sa mao nga magtutudlo, kinsang ngan gipugngan samtang wa pay formal complaint.

hehehe, nana man lagi gibutang apilido... dba apil manas pangan? hehehe....

[YJOB]

Nagtext si Ana nako, magpatutor na lang kuno siya diri sa amoa.

[realbee]

dapat ang mga ingon ana nga titser..silutan jud..para dle na managhan..

[blair]

@tingkoy13

apilido tingali to sa principal ug sa kapitan imong nabasahan..

[YJOB]

maybe he refers to "Angeles" ang apelyido sa maestro, which is also part of the case and must not be revealed until a formal complaint is submitted.

Gawas sa sexual harassment, duna say mga tinun-ang nireklamo og physical abuse batok sa mao nga magtutudlo, kinsang ngan gipugngan samtang wa pay formal complaint.

I'm not sure unsa'y ngan nga gipugngan, ang ngan ba sa mga tinun-an nga mereklamo or ngan sa magtutudlo, wa'y klaro ang pagka han-ay.

Ilang nasayran nga di lang diay si Ana ang giingong gi-harass ni Angeles kay duna say tinun-an sa 3rd year ang gihikap niini ug laing tinun-an ang gihangyo usab nga hagkan.

Duha sab ka mga tinun-ang lalake ang nipasangil nga giparok ug gipatiran ni Angeles.

Apan si Angeles nagdumili sa pakig-atubang kay gikatahong i-refer niya ang reklamo ngadto sa iyang abogado.

--------

Normal ra ni sa mga reporter nga bag-o pa or kanang mga reporter nga way klaro.
Sa una nakabasa ko sa Bandera report about gilugos, nagmention ug mga ngalan apil ang driver sa trisikad nga gisakyan sa biktima. Naunsa ba nuon nga sa ending na sa report ang driver na man sa trisikad maoy nahimong kapitan sa barrio nga gidangpan sa biktima, nagkailis ilang ngalan.

[tingkoy13]

@blair, basaha ug binata aron imung ma bantayan....

@YJOB, hehehe, mao jud bai, wai klaru reporter oi, ila jud diayng gitago ug maau... kanang wai maka kita!!!

[emnace09]

bikil nuon..naa pd ingana sa among skwelhan krn pero di pku xur kng mao b jud..hehe.. mgmaestro nya ko pero tarungon nku pgdskarte ba..ehehe

[keboks_x]

sus kahinumdum man ko pag elementary nako... naa pud miy titser nga touchy feely kaay.. c Sir Amaquin ba to?? limot naman kos ngan... hehehe