Kining style ni Del Mar ba nga ipamugos ang iyang gusto iya ra unta ni buhaton sa iya Distrito. Bahala na sya uban sa iya mga ig-agaw or paryente nga mga Osmeņa ug ila na pun-on ug fly-over na ila dapit ky sakop man sa ila balwarte. Pero ang pagpanghilabot niya sa affairs sa laing distrito para nako usa ka dakong tampalasan ug pag abusar sa gahom.
Ang akong gipasabot mao ang pagpanghilabot niya sa renewal franchise sa MECO sa Lapu-Lapu. Kay kuno naglantaw lang daw sya sa kaayohan sa lumulopyo nining maong syudad. Kaanindot paminawn sama sa usa ka maanindot nga awit alang kanamo nga mga Oponganon.
Pero Taym pa!! Mangutana lang ko sa halangdon nga Kogresista sa North District:
1.) Nahibaw ba sya giunsa sa pagharass sa taga Meco (empleyado or contractor or sub-contractor) ang mga lumulopyo sa Lapu-Lapu sa mga Polisiya nga dili makiangayon? Labi na sa pagpamutol sa flying connections apil ang main meter unya pabayaron ug dili mominos sa kinse ngad sa 40 mil ang tag-iya sa meter kay multa daw?
Ako 40 ka tuig nko nagpuyo sa Lapu-Lapu ug sa akong nasayran kaniadto, gi-allow ang flying nga dili molapas sa 5 meters gkan sa main nga meter. Pero karon maski magsikit na ang balay basta dili sumpay ang atop dili na pwede.
Dili sa ingon nga nisupak ko sa mao nga polisiya kay unsaon ta man ilaha mana so sila magbuot. Pero ang ako lang unta, nipahibaw unta sila daan. I mean, warning ba or maski advisory man lang. Dili kay sama sa ilang brown-out nga kalit kalit lang. Naapa nay ilang tigputol nga murag contractor or sub-contractor nga murag mga gutom nga buaya. Makakita gani ug flying connection magkadagma-dagma ug naany peso sign ang mga mata.
Kung naa man gani kalapasan ang flying koneksiyon apan dili ni Krimen nga pamultahon ug ana kadako nga kantidad. Bisan pa ug flying, nagpatak baya sa meter ang kunsumo ug nagdugang sa kadatu sa MECO. Dili sama sa nangawat ug kuryente ug sa mga opisayales ug mga trabahante sa MECO nga nangawat ug nagpalibre unya ang nagbayad ang mga lehitimong kunsomidor, apil na niini ang mga flying connections.
2.) Nahibaw ba ka noy Ral sa huwes de kutsilyong pamaagi sa pagpamutol nga giimplementar sa MECO sa mga kunsumidor nga wala kabayad sa takdang panahon ug dili makiangayon ug makatarunganong pag patung ug mga charges ug pagpaningil ug balik ug meter deposit?
Dili man nato sila mabasol ug pagpamutol dayon sa mga wala kabayad kay basin maibanan nya ang ilang kadatu ug mohatag silag konsiderasyon or paghatag ug pipila ka adlaw nga lugway una mamutol, PERO dili sad ta anang bisag nagkabaiwas lang ang nagbayad ug ang mamutol, ila lang gyapon putlon kay kuno naanay order. Unya ingnon lang nga ipaadto lang sa ila opisina dala ang resibo. Apan ig-abot sa opisina, kwentahan dayon ka ug charge didto ug charge diri unya naa pay pabayron ka ug meter deposit pagbalik. Monas ginhawa na gani ug pagpangutang didto pangutang diri sa konsumidor aron dili maputlan, unya di pa igo nga putlan, TIWASAN pa jud.
Karon, ASA man nimu makita ang kaayuhan nga imung gipasiaatab halangdong Raul? Or, ingnon tang punga...PILA?
Ang kasamtangang MECO gidigwa na sa katawhan sa Lapu-Lapu tungod sa ilang makasuka nga sistema. So maluoy ka, Halangdong Raul Del Mar, AYAW intawon pugsa ug dasok pagbalik sa among mga tutunlan ang butang nga dugay na namong gustong isuka aron lang sa imung kinaugalingon nga motibo.
Ug sa kagamhanan sa Lapu-Lapu, Mayor Paz Radaza ug Congressman Aileen Radaza, kamo ang labing nasayod sa mga mulo sa mga lumulupyo sa Lapu-Lapu isip imong mga konstituwente. Barugi ang inyong posisyon, ayaw tuguti nga kamo yanohon lang sa pagbully aning mga politiko nga naanad na lang ug tingal ug dasok sa tutunlan sa ilang kinaugalingong interest ngadto sa katawhan. Panalipdi ang among katungod ug interest isip yanong lungsoranon.
Ug ugaling duna man gani dayalugo nga mahitabo taliwala sa gobyerno sa Lapu-Lapu ug sa MECO ug dunay mauyunan sa isig ka bahig, Nanghinaut lang kaming yanong luomulupyo nga maprotektahon ang among interest.
Mensahe ngadto sa MECO...panabon pud tawn mo ug safeguard...Ngadto kang noy Raul.. BACK OFF!
Noy Raul...BACK OFF!
Originally Posted by crossramz
Posting Permissions
