bastabisaya

Kon mangutana ka sa imong kaugalingon nganong daghan og paasa sa kalibotan, pangutan-a usa ang imong kaugalingon: nganong mosugot ka nga paasahon lang ka sa uban diha?

Walay paasa kon sa sinugdanan pa lang klarohon na ang tanan. Usahay feeler na paminawn pero mao ang solusyon sa problema. Define the relationship. Hangtod friends lang ba, naa bay chance, o unsa ba. 2017 na, panahon na nga atubangon nato ang kaugmaon. Dili mag-uwaw-uwaw kay kapoy paasahon rong panahona.

Naay mga tawo nga moingon hatagan tika og chance pero dili lang ko mo-promise ha. First sign sa mga paasa pero pwede sad basin na misinterpret lang. Dunay mga higayon nga lisod gyod ang kinabuhi maong kinahanglan klarohon. Klarohon kon unsa man gyod, kon nganong dunay ingon ana nga kabuang ang uban.

Karong Valentine's Day o season sa pagbiga-biga sa mga batan-ong buang-buangon, i-segregate og tarong ang feelings sa mga bodily desires for something pleasurable. Char lang. Bitaw, careful mo sa inyong mga desisyon ug siguradoa nga dili mo magbasol inig human. Walay problema kon unsa imong buhaton apan make sure lang jud nga klaro ang tanan usa ninyo buhaton ang buot ninyong sudlan nga pultahan.

Daghang mga paasa, dili na sila mawala. Naa na nimo kon mosugot ba ka nga paasahon lang ka. Kon kon ugaling, hala padayon!

Kon ganahan pa mo og yawyaw nga Binisaya, basaha ni: bastabisaya.com