***..

Ikaduhang Bathala

Rate this Entry

7 Comments

, 10-21-2012 at 02:32 PM (2682 Views)

Pagkapanas sa akong gilaktan naglaroy-laroy nga walay padulngan.Hagip-ot ang gisubayang balilihan. Naputos sa samad ang mga bukton, pagkahapdos apan ako lamang giantos. Milabay ang pipila ka adlaw naalim ang mga samad apan nagpabilin ang mga timaan niini.Ulat sa pipila ka higayon nga nahiagom sa kabangis sa kapalaran. Kinarwasan sa kamangtas sa mga kanhi hinigugma nga nakaako pagtusak-tusak sa pagsalig ug pagpangga kanila. Dili man sa tanan higayon ang pagpangga sa gikahilambigit nagmadasigon apan sa matag gutlo gihatagan ko ug bili ang pagminahalay.

Pipila na ang katuigan ang nilabay apan ang gihandum nga ikaduhang bathala wala ko pa mahikaplagi. Pabiling naglaroy-laroy ning kalibutan ug nanghinaot nga sa umaabot nga pakighilambigit ang bugtong binuhat nga makapaalim sa mga samad ug makapapas sa mga ulat mahisalaag ning bukton. Magpuyo na ning dughang sa dugayng panahon naghinam hinam kaniya. Pagbating tiunay ug ligdong lamang ang halandong ikahalad. May mantsa man sa kagahapon apan nagpabiling putli sa katuyoan.

Ikaduhang Bathala, alang kanimo lamang.

Updated 10-21-2012 at 07:31 PM by vahnhelsing

Categories: Uncategorized

Email Blog Entry

Main panaad »

Comments

Dorothea - 10-21-2012 02:36 PM
vahn, puede explain? naglisod ko'g sabot hehehe ka lawom ba sa bisaya oi
vahnhelsing - 10-21-2012 02:45 PM
ang paglatagaw kana sa binuhat nga nakasinati sa mapait nga kapalaran. Nagahandum nga sa umaabot nga adlaw may binuhat nga andam mokupot ug hugot ning mga kamot bisan paman sa nahiagoman nga mga samad niini kaniadto.
Dorothea - 10-21-2012 02:49 PM
Hahaha! hasta ang explanation lawom dili matugkad
ethzneuron - 10-21-2012 06:32 PM
vahn, tan-aw nako naa kulang. "nakaako pagtusak-tusak sa pagsalig"

@dorothea, mahitungod ni sa usa ka taw wala pa kakita sa iyang hinugugma.. sakto ba vahn? pwedi sad wala siyay ginoo, tud nangita pa..
vahnhelsing - 10-21-2012 07:26 PM
Originally Posted by ethzneuron

vahn, tan-aw nako naa kulang. "nakaako pagtusak-tusak sa pagsalig"

@dorothea, mahitungod ni sa usa ka taw wala pa kakita sa iyang hinugugma.. sakto ba vahn? pwedi sad wala siyay ginoo, tud nangita pa..

salamat sa pagkorehe...
sakto ka ethz.. hangtod ning takna nag hulat pa sa hinigugmang
pagapanggaon hangtod sa ulahing gininhawa.
cebu.opportunities - 10-21-2012 08:17 PM
Sometimes, we don't need to wait for it to come. There are existing friends and/or acquaintances that may have the qualities you are looking for. What's important is that both of you genuinely love each other. If there is no love at all, everything will be difficult. When you love someone, you are capable of doing anything that could keep your relationship grow stronger. When you are working together, you will have the strength to surpass all the challenges and tests in life. Good luck.

Updated 10-21-2012 at 10:07 PM by cebu.opportunities
grimbyte - 10-22-2012 12:10 AM
dugay2x nako wala kabasag balak na binisaya, sa Bisaya Magasin rako magbasahan. kahinumdom nuon ko sa unang mga katuigan na naghimo sad kog balak na binisaya, pero gisunog lang sa walay duha2x tungod lang sa usa ka away na walay hinungdan. huhuhuhuhuhu ka maayo na naa pa diay mga balaknon na bisaya diri.