New Taxi Fare is P40 but....

[graphicare]

---

Sugod karong January 15, 2011, ang bag-ong rate sa taxi fare kay P40 na para sa first half kilometer ug P3.50 para sunod na 250 meters.
Pero nagpasidaan na daan ang LTFRB o Land Transportation Franchising and Regulatory Board na dili pwede makapangulekta ug bag-ong rate
ang usa ka taxi kung wa kini nacalibrate ang iya metro. Autmoatic sad ang resibo na mogawas ug dapat mohatag ang usa ka taxi driver ug
resibo bisan dili mangayo ang pasahero. Sa mangayo ug dili ang usa ka pasahero, sa bag-ong metro automatic na kini mogawas sa makina.

Sa kadako sa gisaka sa pamasaher sa taxi, nagbagulbol karon ang mga labor groups na padayon nagdawat ug gamay na umento sa sweldo pero
nagkagrabe pasaka ang mga palitonon ug pun-an pa dyod karon na mahal na kaayo ang plitehan sa taxi. Gikahadlokan sad na mogara ug mosunod
ang mga jeepney drivers ug demand sa pagpasaka sa plitehan. Gani sa usa ka interview, mismo ang Mayor na si Mike Rama niingon na dili siya
uyon ug di pa panahon na pasakaan ang plitehan sa taxi. Aprobado sa LTFRB ang fare increase pero pwede pa mopitisyon ang kataw-han sa ila
gibati.

Ang akoa lang ani...kung pasakaan ang plitehan sa taxi, mangusog sad unta ug dakop ang kagamhanan sa mga abusadong taxi drivers ug ang multa
sa madakpan doblehon aron matagam sa ila kagago ang mga abusado .Sa Manila nilusad dyod ug special force ang kagamhanan sa mga taxi na mamili
ug pasahero pero diri sa atoa hilum raman bisan pa grabe ang pag-abuso sa mga gagong taxi drivers ngari sa Sugbo. Pun-an sad sa mga pasahero
na magtanga lang sa ila mga katungod ug dili magpakabana ug report sa LTO, mao nang giingon na hinay-hinay asenso ang nasud tungod sad natong
dili molihok sa dapat lihokon.

[mai138]

i think kelangan ni e.transfer sa news and announcement section brod...

[vahnhelsing]

sakto sakto.. may dakpon ang mga taxi driver nga abusado.. mangontata... kusog mobira ug mo plus pa ug pila ka peso sa ila byahe... kana sad mamili.. mahal na sila busa dapat de kalibre sad ilaha serbisyo..

[epoaxlan]

salamat sa info bro..pagka daghan rabang abusado nga taxi drivers..mamili pang mga kagwang ug pasahero mamili pod ug lugar..

[ambot101]

hala noh..nc info..

[samsungster]

40 is too much..

[cywizard]

ataka ani... 40 nya 3.50... la na lang jud gehumu nga 3 lang... kay dli man gehapon na manukli ug tarong ang mga taxi driver... pahimulos man ni cla ug au... nya kung muubos ang presyo sa gasolina dli munaog ang plete... parat!!!

[taurustippy]

kamahal na.........40

[GuyOfYourDreams]

lawgawa noh.. P40 na.. nya 3.50 pajud ang patak.. overrrr.r..!!! hahahah

[asobreh]

dili jud na maayo ilaha. mahal ra kau sad na ilang umento ue.