MATAG gabii, magsalimoang ug mag-uwang ang mga iro nga mag-umbaw ngadto sa pangpang sa C-Road sa Transcentral highway sa Barangay Cansumoroy, lungsod sa Balamban.
Mao kini ang makapanglimbawot sa balahibo nga namatikdan sa pipila ka lumolupyo sa duol sa C-Road kon panahon nga mosawop na ang adlaw ngadto sa lawom nga kagabhion.
Sa maong dapit nahug ang usa ka bus sa JD Rent-a-Car nga numero 666 niadtong Hunyo 13 diin nikalas sa kinabuhi sa 21 ka mga tawo nga sagad Iranian national.
Tungod sa ilang naobserbahan, pipila ka mga tawo nga nahitabi sa Sun.Star Superbalita nagkanayon nga di na sila magpagabii kon mangumpra sa merkado sa lungsod tungod sa kahadlok.
Apan ang mga lumolupyo way tawong makita nga gipangpaghot sa nagsalimoang nga mga iro. Nagmulto kaha ang mga nangamatay sa dapit?
Si Kano Sarit, 50, American national nga nagpuyo sa Balamban nitug-an sa Sun.Star Superbalita nga ang iyang na obserbahan nga lahi ang iyang bation kon moagi na sa C-Road samtang magmaneho sa iyang sakyanan.
Matud ni Sarit nga niadto pa siya nakahibalo nga hilan ang maong dapit tungod usab sa unang nangamatay human sa disgrasya ug ang presenya sa dakong kahoy nga dakit diin gituhoan nga gipuy-an sa mga ingkanto.
"Dunay dakong agta diha sa una nga nagpuyo sa dakong kahoy nga "Dakit" ang maong kahoy kalit lang namatay human mahuman ang transcentral highway, dunay mga driver usab nga nakakita nga molandong ang dalan kun hayag ang buwan inig labang sa dako kaayong tawo," sumala sa Kano nga nakasagop na sa kulturang Pinoy.
Apan karong mga panahona kon moagi siya grabe kaayong mamugmaw ang iyahang kalawasan, dili lang tangkugo, nga morag dunay pwersa nga mobira sa sakyanan paingon sa daplin bisan kun hinay ang dagan sa iyahang gimanihong sakyanan.
Niadtong Biyernes sa gabii sa iyang pag-agi sa dapit, murag siyag maglutaw nga nagsakay sa iyang sakyanan ug mahadlok na siyang molingi sa tuong bahin sa dalan sa maong lugar sa iyahang pagpauli sa Balamban.
Hadlok ko kay niadto makakita lang mi og babaye uban sa usa ka batang babaye nga magsul-ob og puti, mokalit lang og labang unya mahanaw duol sa pikas pangpang nga bato.
Si PO3 Eugene Macapaz sa Balamban police station nga nahinabi sa Sun.Star Superbalita nagkanayon nga tulo ka gabii human sa disgrasya dihang nagbantay sila sa maong lugar duna na silay nabantayan nga timailhan.
Sa ikaupat nga gabii sa ilang pag-bantay sa bus, nakabantay siya nga dunay lahi panghitabo samtang nag-estoryahanay sila sa uban sa mga sakop sa 78 Infantry Battalion.
Matud ni P)3 Macapaz, way hangin nianang 7:00 sa kagabhion niadtong higayona, bugnaw ug mingaw ang kagabhion apan natingala siya nga ang 'yellow police line' nga gibutang sa daplin sa dan diin didto gitapok ang mga patay sa wala kuhaa nagpunay kinig tay-og.
"Pwerting kusoga sa tagyo dihang nananghid mi sa among mga kauban nga mouli na sa lungsod, wala may hangin kay ang yellow line didto sa bun-aw wala maglihok, lahi gyud siya murag nibabay to sila nako ug sa akong mga kauban". sumala ni PO3 Macapaz.
Dugang niya nga iyang giingnan ang iyang mga kauban ug ang mga army nga dili ni sila manghilabot nako kay upat gyud ka kauban nilang patay ang akong gitabang sa pagdala sa ospital ug dihadiha nihunong sa pagtabyog ang yellow line.
Bisan pa man, dason niya, nanglimbawot ang iyang balahibo sa pagtabyog sa yellow line.
Dugang niya, nagpabati lang seguro sa pagpasalamat ang mga biktima kay amo gyud nga gitipigan ang ilahang mga butang nga gisulod sa mga sako aron ma turn-over sa ilang mga pamilya.
Una niini, si Emell Montecello, barangay kapitan sa Cansumoroy ang nikompirmar nga hilan gyud ang maong lugar sukad pa niadto sanglit kapin na sa 20 ka disgrasya ang nahitabo sa nahisgutang lugar.
Samtang, ang Sun.Star Superbalita napakyas sa pagkuha sa komentaryo sa mga psychologist o awtoridad sa simbahan bahin sa namatikdan ug gibati sa pipila ka mga tawo sa C-Road.
Gipatik sa mantalaang Sun.Star Superbalita Cebu sa Hunyo 21, 2010.
Nagmulto ang mga nadisgrasya sa Trancentral high way
pamisahan dayon unta sa simbahan
Originally Posted by joan624
idol?? nabalik na ka?
Reply With Quote
Posting Permissions
