Help about MVIS

[t2y]

---

kinahanglan ba gyud ang MVIS kung mo renew ta ug rehistro karon? Ug asa gani ta moadto para ani?

[friedrich]

Kung private imong sakyanan, adto nalang derecho sa imong preferred LTO branch. No need na ka muadto sa LTO MVIC sa Subangdaku ky gipa-stop sa LTO ang centralized MVIS. Balik na pod sa manual check as of now.

[Kristiano]

abi nakug tanang sakyanan sa cebu ipa.adto sa MVIC subangdako... gi.outsource ni dba?

[necrotic freak]

Grabeng kahuot sa sakyanan sa MVIS sa LTO sa Mandaue

Wednesday, March 30, 2016
Ni
HERTY B. LOPEZ
DAGHAN ang nagbagulbol karon nga mga motorista hilabi na kadtong magparehistro o kaha mo-renew sa lisensiya sa ilahang sakyanan tungod kay gibalhin ug nag-inusara nalang sa Sugbo ang pagproseso sa Motor Vehicle Inspection System (MVIS).
Nakamugna og kahuot sa trapiko ingon man taas nga linya sa nagkadaiyang sakyanan sa Land Transportation Office-Mandaue City Office sa Wireless, Brgy. Subangdaku, Dakbayan sa Mandaue tungod kay anaa ang MVIS ug wa na sa district offices sa maong ahensiya.
Sa Facebook post ni Mike Perez, siya nipahimangno sa susama kaniya nga motorista ka*bahin sa kahasol sa bag-ong pamaagi sa ahensiya.
Matod niya nga Marso 21 dihang nagsugod pagpatuman ang LTO nga tanang mga sakyanan kinahanglan na nga moagi sa LTO MVIS building sa Mandaue City.
Siya mismo nibisita sa maong buhatan niadtong Martes alang sa rehistro sa sakyanan niini.
Siya nitataw nga gra*be ka samok ang maong bag-ong pamaagi ug wa nalang siya midayon.
“Ang linya niabot na sa Parkmall dapit! Nag-ugtas na ang TEAM (Traffic Enforcement Agency of Mandaue) sa epekto sa traffic sa area, apilan pa sa mga sakyanan nga mo-double park,” tipik sa iyang Facebook post.
Kagahapong adlawa, grabe gihapon ang kataas sa linya sa mga sakyanan bisan og gipatuman na ang single lane parking.
Aduna’y uban nga alas 2 sa kaadlawon anaa na sa maong lugar aron sila ang mag-una sa linya.
Samtang anaa’y uban nga tulo na ka adlaw nagbalikbalik paglinya tungod kay maabtan sa cut-off.
Giingon nga 11 lang ka mga kawani ang mo*buhat sa MVIS diin dili kini mahimo sa kadaghan sa sakyanan sa tibuok lalawigan sa Sugbo.
Si LTO 7 Regional Director Arnel Tancinco nipasabot nga gipatuman kini nila human sa mando ni LTO Assistant Secretary Roberto Cabrera nga iuswag usa ang pagpatuman sa memo sa ahensiya niadtong Pebrero 22, 2016 kabahin sa administrative order ACL 2009-018.
Sa direktiba ni Cabrera, giuswag kini hangtod mahuman ning buwan “or until a rationalized and classified conduct of inspections which will be issued within the next 5 working days,” tipik sa text message nga gipadala ni Tancinco ning mantalaan.
Gisuwayan pa ning mantalaan pagkuha sa habig ni Tancinco kabahin sa mga reklamo apan dihang gitawagan di pa siya mahinabi tungod kay aduna pa siyay giasikaso.
Samtang laing Facebook post usab ang gipadayag ni Eric Labrada diin gisaway niini si Tancinco nga “the most incompetent government officer I have ever known,” kabahin sa maong lakang.
Dugang ni Labrada nga dili usab kini kahibawo mopatuman og simple nga pag-inspeksyon sa sakyanan diin niresul*ta sa mas huot nga trapiko sa mao nga dapit.
Gipatik sa mantalaang Superbalita Cebu Marso 31, 2016.

Grabeng kahuot sa sakyanan sa MVIS sa LTO sa Mandaue | Sun.Star

[alwaysdrunk]

mao pud reklamo sa ako kauban dre, ikaduha na niyang balik wa jpn abtan jpn cut off... nganu gud twn usa ra kbuok tig MVIS tbuok sugbo? asa man ila utok gibutang? hahahahasola

nice man unta ni MVIS pero sure ko ig human eleksyon, balik npud nis "no show". dagan nasd mga kagang kagang. ang gi initan kato rabang mga Honda fit, mga cube kao dili oficial release dre pinas.ka faets

[friedrich]

Gi-lift na man daw ang memo nila nga tanan MVIS ky adto sa MVIC sa mandaue. As far as I know back to its district offices na pod tungod sa kadaghan sa vehicles. Ang public vehicles and trucks na lang adto sa MVIC gyud.

[t2y]

thanks sa tanang info ug reply...kta bitaw ko ani sa Mandanue nga pirti ka taas ang linya mao to nabalaka ko kay hapit na ko mag renew karong May...

[indie]

Unsay mga bantayanan/andamon kung magpa MVIS ug sedan?

Unsa mga requirements nga kasagaran masangu o masangit o mahagbong ang sakyanan sa MVIS ?