Goat Raising

[jru_120]

---

Bro jru_120 tagpila sad ang average timbang sa imong kanding?

sorry mtawason wala nako natimbang pero murag naa sa 3-4 kilos/ kid sa upgraded doe ug 2-3 kilos/kid sa native doe. masdako gyud sya kay sa native ug maspaspas mudako compare sa native. Dapat palit gyud ka pure breed buck na dili native ug ipa breed lang dayon sa native or upgraded does kay masdako ang kids pag gawas ug mugawas gyud ang liwat sa buck parehas ani na pix:



1st 3 kids from left front, triplets. ang male kanang brown na pinaka-una ug kanang mga puti-on kay females. ang mga brown na naa sa right most part front ug back kay male twins ug kanang naa sa second row right kay female single. mga native lang tanan dam ani ug ang amahan katong anglo-nubian nako na si THOR.

[jru_120]

Mga bro? ok ra ba ang bagaso ipakaon sa kanding? asa sad ta kapalit ana dri cebu?

daghan diha cebu. naa kang ketti chua of simon enterprises. naa pud association dha cebu. si bro dmands5 kabalo. Please read the thread mentras taman page 93 pa.

[jru_120]

kani native na doe ug iyang mga kids male and female. Sire is also THOR.

[mtawason]

Salamat kaau sa info bro. Actually naa sad ko mga kanding pero mga bisaya lagi. Plano ta ko mo upgrade bisan laki lang nga boer or nubian pero nadiscourage ko kay dali kaau mga sakit ang anak. Last month naa koy kanding nanganak ug tulo pero nahurot sad ug kamatay. Kinahanglan jud ni vaccination ang kanding para dili masakit?

[jru_120]

wala ko hatag ug vaccination sa akong mga kanding. dewormer lang na valbazen. tanan goats akong purgahan every 3 months except sa buros. ang kids, 1 month after birth.

unsa type sa imong housing? elevated ba or dili? tanawa pud ang surrounding sa imong goats basin naay nakaon like plastic or fertilizer ba.

ok kaayo kung mu-upgrade ka. dili man sakiton ang anglo-nubian ug boer.

[mtawason]

Nagduda lagi ko bro na tungod cguro kay walay sawg ang among tangkal atop ra dayon semento. Anha ra sa semento nga flooring higda ang mga kanding, naay usa ka anak nihubag ang tiil.

[jru_120]

Dapat dili cemented imong flooring. dapat elevated ang house ug ang flooring naay spacing para mahulog lang ang ilang wastes. ang spacing sa akong flooring kay 1 inch.

last year lang ko nagstart ug goat raising. nagstart ko 2 bucks (1 anglo-nubian & 1 boer na junior buck), 1 upgraded anglo-nubian doe ug 6 na native does. as of karon naa na koy 25 goats =) dali ra mudaghan ang goats. magpabuhat na pud ko another goat house. namatay na to akong boer buck kay gipaak ug askal.

ang una nakong goat house kay cemented pud ug flooring. samok kaayo kay everyday ta palimpyo sa floor ug anso ug baho. dako na akong nagasto sa 1st house sayop pa gyud. nagpabuhat ko sa 2nd house ug abi nako dako na to, gamay paman diay gyapon pag sunod2x ug anak ang mga does.

[mtawason]

Nindota na ana bai oi, ako lang nya to pahimuan sad balay. valvazin imong gamit sa pag purga? nag gamit ba sad ka vitamins? Unsa sad paagi sa imong pagpakaon? diin man sad ka kapalit ug pure na boer na laki bai?

Pasensya bai daghan kaau ko pangutana. Salamat diay medyo nalamdagan ko gamay sa imong tubag

[jru_120]

valbazen akong gamit kay lain2x na worms iyang matatang. semi-confinement akong style. sa buntag kaon sila sagbot dayon sa hapon pakan-on ug pellets or wheat polard sagulan lang dayon ug powdered vitamins na mapalit sa mga agri vet.

saanen na buck akong next na gusto paliton bai kay daghan na kayo ng boer.

ok lang ng mangutana ka kay in-ana pud kos una. mao bitaw naa ning thread diri para share2x ug knowledge about goats

[jru_120]

mao ni akong cute goat house. magpabuhat pa ko ug mas dako2x ani kay murag crowded na sila. dali ra kaayo mudaghan ang kanding. ako ng lahion ang male ug female pag mahuman.