Rhyme2x

[Lamusika]

---

agoy! @peacetalk wa ko raba jud panumbalinga,
Nga ang akong angga maapil ug maabot dinhing dapita,
Wa ko man gani gayod mahinumdumi pa,
ang katapusan kong pagbisita diria.

Apan kanang negosyo nga imong gikahisgutan,
Hala sultii ko ug atong sugdan.
Mapa gmail, sa text o sa asa paman,
Ky kanang butanga atong pagasabutan

Mahinaot lng unta nga inyo kining mahisabtan,
Kining pinulongan kong kinabisay.an,
Mga pulong nga gipambansay-bansay,
Aron lamang kaninyo mkasabay...

hehehe

[peacetalk]

@Lamusika salamat nadunggog nimo akong tawag
Tungod sa dakong pasalamat, regalohan takag bag
Dili lang nako kuhaan ug price tag
Mo.ingon pa lang ka dili bag.o akong hinatag

Sugdan nato igka Sinulog ang negosyo
Mamaligya tag ice water ug pangbisyo
Ilimnong makahubog ug sigarilyo
Joke lang bitaw basin dukdukon unya ko nimog martilyo

Padayunon lang nato tung atoang plano
Katong sa Emall, katong giistoryahan nato kuyog tung Amerikano
Dili diay Amerikano kay si @rics zalved man diay tu, usa ka Filipino
Nagkawala na jud ni klaro akong posts...Happy New Year na lang ninyo

[keen]

hi hello maayong adlaw kaninyo nga tanan
taud taud na jud ko wala kaapil ani nga kalingawan
unsaon nahutdan ug nahubsan
ang akong kaban sa bisaya nga pamulong laglum wala pa ko ma-master, ai pastilan
.
@Bonito4U me amegong wa pa makakita sa iyang da-wan
@2nderemperror ang talentado sa pamulong, pag-rap ug pagkaon (matod ra pud niya haha) nga istoryan
@peacetalk akong prend na wala sa listahan
ako nalang kay magroll call pagkat akong reply puerteng bahawa naman
.
@volatile8 aka flor nga isog kaayo kay nagpa-tatak
ginhawa lang ug lawom, maporma ra kadugayan ang balak
@princize @Lamusika myprends maayo kay naa mo diri nitabang ug attack
dili jud lalim ning magporma ug pulong bisaya, makapangita ta sige ug isnack

[2nderemperror]

@keen pasencya kung karon pa ko nibalik ug tunga
niining dapita kung asa anaa ang mga gahing bida
atoa kining buhion ang langob nga wala na duawa
sayod akong anaa napud kamoy mga ngilngig nga birada

@Bonito4U kumusta kana akong halandong higala
sa imong profile pic, nagapangita ka gayud diay sa gugma?
hapit na raba ang buwan nga magsul-ob kita ug puwa
pangita na dayon ug madagit aron di ka mag-inusara

@peacetalk boss, asa na imong mga daghang pakatok?
ang imong mga banat nga lisod gayud mayarok
mahimo bang sa makausa imoha napud nga idasok
ang imong mga linya nga grabe kaayo makadugmok

[bizz_dakk]

aw! naunsa ba diay ning threada,,
kadaghan bang maayo ug laglum nga bisaya,,
ako rasad gisuwayan ug post ug makaya ba,,
pero dili lang sad nako tas-on basig magkayamukat na,,

[2nderemperror]

@bizz_dakk pulong nga laglom daw dili na kinahanglan
sanglit ang pag rhyme2x raman ang atong pagaambitan
maong okay ra kana bastag imoha lang maparehasan
ang tumoy nga mga words, imoha lang matunohan

[browniies]

liki lagi ning dapita?
ma.expand man atong mga pinulungang bisaya diria
di paman ko hanaw ani pero testingan ko lang ug naa ba.
makahilak man pod ta😂😄

[keen]

hahaha dating gawi ta @2nderemperror?
kinahanglan napud moandar ang utok nga pina-motor
para masanay sa pagsumpay pati sa pag-gama ug metaphor
wala jud ni klaro busa hinaut okidoki ra sa mga mods ug kang sir BeoR

pagkalisud sa rhyme2 ni @peacetalk labi kay pulong bisaya
mga terminong angay isumpay matagbaw pa ako ug pangita
diin-diin na lang intawon maabot ang akong huna-huna
pero maayo na lang ni kaysa mag-rhyme2 gamit ang pulong kastila

kanindot ba nga sila @bizz_dakk ug @browniies nihapit diri nga kutay
dali kamo sisters and braders, ari ta magsinabwagay
ug mga sinultihang bisaya nga bahalag hilaw basta kita lang magkasinabtanay
lingaw-lingaw lang ni ato mintras ang oras atong gipatay

[bizz_dakk]

hahaha! mayha jud aning @2nderemperror ug @keen mo rhyme2x,,
mora mag nakainom ug Gilbeys nga gisagulag lime,,
bahalag magkayungit na ug mahubog ta,,
basta ari lang ta diring dapita mo post sa atong mga istorya nga naay sagol tsamba,,

[browniies]

kalisid isumpay ug di maglihok ang utok,
makapanghinoktok.
unta naay mutoktok
para maukay ang gi.ok-ok nag tinarbaho nga pangutok
unsa nanee-ok hahaha😂😂😂