::Mga Kaigsu-onan.....dinhi ta MAg Binisaya og lawom...

[Baroy]

---

usa ka adlaw, didto ko sa lapyahan sa baybayon ug duna akoy nkita nga langkara nga nag tuk.ong sa bato.. ako kining gi abi-abi sa mangingis kong tingog ug gidalitan ko kinig byota nga dunay sulod nga subra sa mga kinan.an apan dali kining ni tikwang ug nipating hulog sa gamayng tubig....

[shaxyra]

ug karon ra ko kamatngon ana! pastilan! salamat gayud sa nagpasiugda ani ug ako na usab ma masukod ang akong bokabularyo sa bisaya! haskang galisud paman intawn ko busa taga-i ko ug dyutay na pasensya buhan puhon inyo na ju'ng mapamati ang akong laglom na pagbinisaya

[bongjo]

Dan-ag lamang sa takdul ang nigimaw sa imong kaamyon sa nagkanaas nga inalisbo hingsilib ang imong katigson nga maoy nakapahinam niining galot kong galamhan nga sa laktud akong makumkum hinuon nahadakin-as dungan sa imong singgaak nga natugaw sa paghinanok.

[clarkhkent]

mga kaigsuonan kung lumad nga bisaya...nag pasalamat ako ug dako nga nabanhaw kini ug balik....wala lang....wala na koy masulti...toinks!

[kyuusai]

susmaryosep! abi ko ba ug wala na kining hiloha (thread) kay sa panahon paman ni ni mampor ni eksis (exist) wehehe.. si dodong juggy nga hain na kaha ni gibutang ni lord ron. nga siya raba ang responsibilidad nganong naa ning hiluha...

ako usa ka-bisayang dako. sa kasing-kasing. sa pinulungan ug sa buhat! apir!

[christa]

ug sa akong pagdayon dri karong gabhiuna..wa nako damha na mao kini ang akong makita..

akong giableha ang kani nga istorya ug gibasa ang mga nakasuwat dri..

daw murag naay kalipay na mitumaw sa akong dughan, na naay ing-ani na storya na namugna karon panahuna..

kini man gung pinulungan na bisaya mao ang usa sa mga pinulungan, suma sa akong nahibaw-an, na lawm kaau ug duot..

mao na usa kini ka maaung kulokabildo para natong mga sugbuanon..

pung pa sa mga katiguwangan, kinahanglan a2ng panggaon ug mahalon ang ating kaugalingon pinulungang bisaya..

[isaac95]

Kaanindot sa Bulan karong gabhiuna
Lab-as nga hangin sa dagat gibuga
Niining mabugnaw nga hangin nanuhotsuhot sa akong kalawasan
Ug mibati ako tumang kabalisa tungod sa akong nabatyagan

Mga dagkong barko nga gigama sa akong gialagaran
Nagkalainlaing hulma ug mga sugang dagitabnon
Makapahupay sa tumang kamingaw
Dinhi sa lugar nga dapit sa dagat mga tubig pagkatin-aw

Kanus-a ko ba mabati ang tumang kamalipayon
Diin mga minahal ko sa kinabuhi sa Pilipinas nagbaton ug kamagul-anon
Nga ako mismo sa kanunay naghandom nga makauli dayon
Niining Pasko nga kami magkatapok sa Ginoo magpasalamaton



diri lang ko kutob kay makahilak ko sa kamingaw diri sa Bansang Hapon

[jooni]

wla koy laing masulti kundili astang pagkamaayuha jud ninyo mag estorya ug magsulat sa atong kaugalingong pinulungan oist...pagkawayuk man lng jud...bravo-bravo!

[crush_23]

maayong hapon mga kaigsuonan ko nganhi sa istorya.net.........ug tuod man nalingaw kaayo ko samtang nagbasa sa inyong mga ambit.....sanglit maayo nga inyo kining gibanhaw nga thread.....nahimuot gayod ako sa mga nagkadaiyang pinulungan nga inyong giyagyag.....hinaut nga aduna pa akoy laing makat-unan.....

lain pay atoa, tugoti ako sa pag ilaila sa akong kaugalingon, ako usa ka dalaga nga lumad sa halayong dapit ning syudad sa sugbo, baynte kwatro na katuig nga naglaroylaroy ning yutang natawhan.........



heheheh...toinks

[isaac95]

lain pay atoa, tugoti ako sa pag ilaila sa akong kaugalingon, ako usa ka dalaga nga lumad sa halayong dapit ning syudad sa sugbo, baynte kwatro na katuig nga naglaroylaroy ning yutang natawhan.........

heheheh...toinks

hahahaha........ diba gipamulong mo na nga naa nakay kapikas sa kinabuhi? Ug sa wala damha dako nakong kahikurat nga ang imong minahal sa kinabuhi usa sa akong suod nga higala ug kauban sa buhat nga diin kadungan nako ug sulod sa trabaho.... bali ka-BATCH nako siya kun sa English pa...heeheehehehe.......

ug sa kataposang patik nako dinhi hinaot nga imo akong ikumusta sa imong kapikas sa kinabuhi......walay lain kundi si NOLEX....



:mrgreen: