Kini ang akong suliran

[ev_kelvz]

---

ang akong kwarta.

[*sludge*]

Oi diara maayong adlaw kanimo titing *sludge*: basi sa akong pagpakisusi sa imong pangutana titing ang tubag mao kini ang manok dili gayud nimo matudloan hilabi na sa imong gustong takna motoktuga-ok kay sa akong na eksperyensa dinhi sa akong bukirang bahin daw gipalibutan ako sa mga klase-klasing mananap ug apil na gayud ang imong gipadangat nga mananap mao gayud ang usa ka manok...sukad na sukad ang manok mo tingog gayud sugod sa takna alas 3 sa kadlawn kanang orasa mao gayud ang sagon-son sa pagtingog kai kana nagpa mato-od nga kabuntagon na nagpahibalo sa ilang mga kaubang manok nga pwede na manikay-sikay ug mangita na ug lagotmon, hilabi na gayud sa mga manok nga himonga-an or mga babaye nga adunay mga piso nga gi-agak nga nag sunod-sunod...titing sa akong paminaw dili man kini makahatag ug kahasol sa usa ka tawo siguro tungod lang sa tuga-ok sa manok dili kana matulog? o basin lang karon ka lang nakasuway nga adunay manok sa imong palibot ayaw kabalaka titing sludge maanad ra ikaw ni-anang mga tono o huni sa kahayupan, magpasalamat pa gayud ikaw kay tungod naka eksperyensa pa gayud ikaw sa tono ni-anang mga manok kay basin sa sunod henerasyon mapili nalang ang lugar nga adunay mga kahayopan nga daw ang nagala-um nga maka baton gayud sa susama sa imong gibati...Hina-ot naka hatag ako sa tubag nga imong nagustohan titing dili na ako magdugay daw ang akong kabaw murag na kasahos na sa kainit sa sinag sa adlaw, busa ako kining ipadangat ka nimo ang kanta ni Karl Roy "Yugyugan Na" aron makabaton kag igong kusog sa pagpanikay-sikay dinha sa imong dapit...

Daghang Salamat,
TTJ

sa kaniadtong bata pa ko, akong mahinumdoman nga inig ka kadlawon motok-tagaok na gani ang manok pukawun dayon mi sa among inahan kay buntag na, maglakaw pa ra ba sa pagskwela unya layo ang tubig moadto pa didto sa sapa, momata mi ug sayo para pangandam. Didto nako nakita nako ang kaimportante sa manok kay dili sama sa alarm clock nga inig tingog pwede nimo mapalong dayon ug balik katog. Ang manok dili hangtud nga ikaw makamata ug maka-pangandam ug sayo para sa inadlaw-adlaw nga trabaho. Sa imong sitwasyon kay dili man kaha ka gusto nga matampikaw ang hapsay nimong pagpahulay tungod ba kaha sa kakapoy sa lawas sa pagpa-narbaho sa hilawum nga kagabihion nan, sakto ka ug nasayod ta nga normal ra kini sa mga hayop labi na ang manok apan hinumdomi nga dili gyud na magpug-ngan nga kita matampilaw sa bisag gamay lang nga kasaba o ba kaha kasikas samtang kita nahinanok. Hinoun ang manok motok-togaok lang na mga pipila lang ka minuto ug sa akong nasayran sa amoa kaniadto didto sa probinsya, mga alas quatro sa kadlawun motok-tagaok na na sila dili moabot ug oras. Sakto si higalang ttj, basin ug karon pa lang nimo nasinati ang mga toktogaok sa manok. Mao ra nay akong ika-tampo agig tubag sa imong mga pangutana.salamat.

gikan sa lubas sa akong kasing-kasing ang pagsalamt kaninyo titing tatajhun ug titing pruce sa inyong mabolokon na tubag.. hinaot daghan pamo ug masulbad na suliran sa uma-abot na panahon ug madalit na kabilinggan sa ubang istoryan...

[marine77]

nice thread part! makalingaw.

[marine77]

PapaTa, daghang salamat sa pagtuboy aning atong naandang programa sa dagit-wanang nga nag-ulohan: Kini ang akong suliran.

Sa dili pa kita mopadayon sa unahan, ato unang pasalamatan ang atong mga sponsors.

Kining atong programa gihatud kaninyo gikan sa maayong kabubut-on sa 'Bongbong & Dingding Construction Supply ' - ang nabantug nga supplier sa mga construction materials sama sa amakang dagko'g mata, hollow blocks nga see-through, mga lansang nga dumpol, tigib nga pulos tumoy ug gabas nga way ngipon. Aduna usab sila'y mga gamit sa balay nga hinimo gikan sa ugat sa tumoy.

Kun ikaw nangandoy pagtukod og payag luyo sa buntod, ang katumanan sa imong pangandoy dinhi sa 'Bongbong & Dingding Construction Supply' magsugod.

Bweno, samtang nagpaabot kita sa atong mga magtatampo, among idalit kaninyo kining awit ni Lady Gitikgitik nga nag-ulohan: "Nisudlot Nga Kalimutaw, Kanimo Nagtan-aw".

wahahahahha! okay kayo ka part yanong.

[tormentor_jack]

asa naman to si kwak doktor,abugado og huwes de kutsilyo, magtatambag TTJ

[tatajhun]

nice thread part! makalingaw.

Salamat sa makadaghan marine77: wala pa gani ikaw nitampo sa imong suliran daw mura na ikaw gibayaw sa kalangitan sa tumang kalingaw niining atong kutay ginama kini aron mahatagan ug alibyo ang atong mga kaigsoonan nga daw nag bagood sa tumang kalisod sa ilang mga balatian nga nagpangita sa kasulbaran. Hinaot titing marine77 sa imong paglawig nianang barko anaa kamo sa maayong mga kamot ug kon ugaling ikaw, anaa sa kasubo duaw lang ning inyong payag aron kana mapanas ug maholipan sa tumang katawa nga daw bahak-hak sa puting uwak....

[tatajhun]

Maayong hapon kaninyo dinhi sa atong payag nga daw mingaw na nga wala na gayud mi kisaw....

[yanong_banikanhon]

Paminaw titing Ramon ako nagalibog ning imong hisgot pangutana nangita kag mananayhup, apan manunutho diay imong punto unsaon gayud pagka-ayo ni ana imong kanding? Ana-a akoy kaila nga naka-ayo sa susamang matang nga sakit adtoa kini iyang lugar naa dapit sa Lik-anan Junquera ug Kamagayan pangutana sa pangalan Bentoy siya gayud ana-ay usa ka tulomanon nga mo-ayo anang matang nga sakit sa kahayupan kay kadaghan na sab ako nga gabalik balik didto aron akong gipatakalan ang akong manok nga bantam, kaysa ka dugay na gayud niini nagalom-lom wala pa gayud naka baton ug mga itlog. Busa mao niadto gayud ako sa walay pagduha-duha siya ra gayud ang nakapa itlog sa akong manok pina-agi sa iyang mga yam-yam ug totho-totho sa laway dayon takmag sa manok.

Maayong adlaw diha papaTa. Nagtugon diay si Ramon nga ipadangat ang iyang dakong pasalamat kanimo kay wala na kuno mag-ihi2x ang iyang kanding. Kuyaw gyud daw kuno nga manayhupay ug manut-huay kadto si Bentoy nga taga Junquera. Gipaapil kuno pud niya'g patutho ang iyang danlak (tampayak). Pagkahuman kuno og huyop ug tutho ni Bentoy sa iyang tuong itlog, hinay-hinay kining nikuyos.

Sunod semana, kun makalugsong daw siya og balik, iya na pud daw patuthuan ang wala nga bahin sa iyang itlog kay nihiyos naman ang tuo nga bahin. Aron daw mabalanse, dili na siya magtakilid inig lakaw. Unya mangutana kuno pud siya ni Bentoy unsaon pagpahunong og hiyos sa iyang tuong itlog kay gikan sa pagtayhop hangtud karon nagsige paman kuno og kuyos. Nahadlok siya nga basin mapareha na kadak-a sa liso sa monggos ang iyang bahandi.

Bweno papaTa, ato na lang ipanghinauot ang hingpit nga kaayohan sa atong magtatampo nga si Ramon. Ug alang sa atong mga higala sa dagitwanang nga nagpadayon sa pagsunod niining kutay, maayong pagpanikay-sikay kanatong tanan.

[Tristan25]

Noy Tiban mani si TS hahaha

[behemothharr]

higalang TTJ lugsong na tawon!!!!