Cebu local news (daily update)

[cobraKing]

---

parehason man gud sa ilaha na walay mga kawatan or mga snatchers..

[Burn Out]

unsa diay buhat ana mga pulis sa danao??ngupra pud na silatsk tsk tsk

[Dark-Knight]

Mosikat jud ang Pilipinas ani sa mga tourist na usa sa mga kuyaw na country kay daghan kawatan. Paka-uwaw ra man ni sila oi. Maayo ra ba kung masikop dayon.

[cobraKing]

^^ mao ni giingon nila na ang kawatan sa pilipinas lisod sikopon..hehehehe

[cobraKing]

------------------------------------july 20,2010---------------------------------------

Gibuwagan sa uyab milayat sa 2nd bridge


CEBU, [COLOR=blue ! important][COLOR=blue ! important]Philippines[/COLOR][/COLOR]
- Usa ka lalaking giingong gibuwagan sa iyang uyab ang milayat sa Marcelo Fernan Bridge sa habig sa dakbayan sa Mandaue kagahapon sa hapon.
Ang maong lalaki (ngalan gipugngan) 24-anyos, residente sa barangay Ibabao sa dakbayan sa Lapulapu naluwas hinuon sa mga nangaligo human kini molayat.
Si PO2 Antonio Discarte sa Mandaue City Police Office sa Opao Station mitug-an nga kaadlawon pa kagahapon nabantayan sa mga residente nga nagtungtong sa maong taytayan ug nagpunay og singgit.
Kagahapon sa hapon nahibaw-an nalang nga ang maong lalaki midayon og layat apan naswertehan nga dunay nakakita ug miluwas kaniya dayon gidala sa tambalan.
Nasuta human sa pagsukit-sukit nga gibuwagan diay sa iyang uyab ang maong lalaki.

[cobraKing]

Taxi drayber gitulis gipatay

CEBU, [COLOR=blue ! important][COLOR=blue ! important]Philippines[/COLOR][/COLOR] - Naabtan pang nagtinga ang [COLOR=blue ! important][COLOR=blue ! important]usa[/COLOR][/COLOR] ka drayber sa taxi apan namatay gihapon human kini gigulgol pasado alas-7 sa miaging gabii sa Honey Homes Subdivision barangay Kinasang-an ning dakbayan.
Ang biktima nailhan nga si Alberto Resus, 55, driver sa Catz Taxi nga adunay plate number nga GWY-669 molupyo sa barangay Gun-ob syudad sa Lapulapu.
Base sa imbestigasyon sa kapolisan nasayran nga usa ka Isilino Dignos nga nahiagi sa maong dapit nakabantay sa gi-parking nga taxi ug sa iyang pag-agi sa kilid niini nakit-an niya ang nagtinga nga drayber.
Tungod niini iyaha gisusi og maayo ang sakyanan ug nakit-an niining pwerteng sirit sa dugo gikan sa liog sa drayber hinungdan nga mikaratel siya og dagan ug nangayo og tabang sa barangay. Ang Barangay Pardo Emergency Rescue team nga gipanguluhan ni Kapitan Dave Tumulak maoy daling miresponde sa maong panghitabo apan sa dihang ilang gihiling ang drayber nakabsan na kini sa kinabuhi.
Ang mga sakop sa Homicide Section nga miabot diha sa crime scene ug misusi sa sulod sa taksi mibutyag nga wala pa silay nakitang timailhang adunay nawagtang sa mga butang o kinitaan sa biktima.


Sa pakighinabi sa Banat News ni SPO4 Alex Dacua mibutyag kini nga duha karun ang ilang gitutukan kini mao ang personal grudge ug robbery.
Si Dacua nagkanayon sa report sa ABS-CBN News Central Visayas nga posibleng wala mosugot o misukol ang biktima ngadto sa mga gikatahapan maong gidunggab.
Midugang si Dacua nga ila pa karun nga gipalawman ang ilang imbestigasyon ug ila usab nga gisuta kun wala bay kaaway ang biktima nga maoy posibleng mamahimong suspetsado.

[cobraKing]

Payroll, Kabtangan Nadala Sa 5 Tulisan

CEBU, [COLOR=blue ! important][COLOR=blue ! important]Philippines[/COLOR][/COLOR] - Payroll money ug kabtangan sa mga empleyado sa [COLOR=blue ! important][COLOR=blue ! important]usa[/COLOR][/COLOR] ka kompanya sa pagkaon sa barangay Tungkil lungsod sa Minglanilla niadtong Domingo sa alas 3:45 sa hapon nasakiyo sa lima ka tuligan.
Ang mga biktima mao sila si Jennybee Pardillo, 25,cashier sa nahisgutang kompaniya, May-ann Ubas Gotang, 18, operator, Maricel Melgazo, 28, inventory control operator, Theresa Cañete Taypin, 22, supervisor sa maong kompaniya ug ang gwardiya nga si Jurex Reyes nga kawani sa Ming Food World Company.
Matud ni PO1 Raymund Hortezuela sa Minglanilla Police nakasulod ang lima ka wala mailhing tulisan human ablihi sa gwardiya ang gate sa pagtuong dunay tuyo ang lima diha sa ilang kompanya.
Sumala pa ni Hortezuela sa Banat News nga unang nakabantay ang gwardiya og mga empleyado diha sa gawas nga padulong sa sulod pinaagi sa ilang close circuit television (CCTV) camera hinungdan nga iya na untang ablihan.
Apan aduna diay usa sa lima ka tulisan nga nanuktok diha sa gate ug dihang iyaha nang giablihan nangutana pa kini kun naa ba ang cashier nga si Jennybee, wala pa siya makatubag kalit gitukmod sa maong lalaki ang gwardiya.


Dihang natumba ang gwardiya misulod dayun ang tulo ka suspek nga armado og wala matinong kalibre sa armas ug ang duha nagsilbing lookout ug gitionan og armas ang gwardiya.
Ang tulo daling mitulis sa kahera sa P40,230 nga payroll money, laing cash nga P4,854 personal nga kwarta sa mga kawani, tulo ka cellphone ug usa ka digital camera sa kompaniya nga mokantidad og P40,000.
Ang mga tulisan daling nakasibat pahilayo sakay sa duha ka motor nga nag-angkasay,ang kapulisan padayon pa sa ilang operasyon pag-ila ug pagsikop sa mga tulisan.

[cobraKing]

Tag-iya'g labakara gipusil

CEBU, [COLOR=blue ! important][COLOR=blue ! important]Philippines[/COLOR][/COLOR]
- Tungod lang sa face towel o labakara napusilan og pugakhang ang usa ka lalaki sa iyang silingan didto sa sitio Laurente, barangay Tejero ning dakbayan sa Sugbo sa miaging gabii.
Ang biktima mao si Marjorie Domo, 28, nga nagpuyo sa Tejero, apan lumad nga taga barangay Guadalupe, syudad sa San Carlos Negros Occidental.
Samtang ang suspetsado nailhan usab nga si Eggie Reynes nga silingan sa biktima.
Nasayran nga nakig-inom ang suspek sa iyang mga barkada unya taud-taod miduol kini ngadto sa hayhayan duol sa ilang giinoman ug gipanarapo ang labakara nga hinayhay sa biktima.
Busa gibadlong kini sa biktima, apan imbis mangayo og sori, mihiwasa hinuon ug mikuha og pugakhang ug dihadiha gipusil ang biktima .


Nasabak sa walang paa ug walang bukton, ang biktima gihatod dayon ngadto sa Cebu City Medical Center samtang gipangita pa ang suspetsado.

[cobraKing]

Bombay Gipatay sa Carcar

CEBU, [COLOR=blue ! important][COLOR=blue ! important]Philippines[/COLOR][/COLOR] - Usa ka Indian nga tigpatanto og kwarta ang gipusil patay sa duha ka lalaking luwan og motorsiklo samtang naningil sa mga utangan kagahapon sa alas 12:45 sa udto sa sitio Lumboy sa barangay Liboron siyudad sa Carcar.
Si SPO4 Ruben Renes, imbestigador sa Carcar City Police Station nga nahinabi sa Banat News sa telepono kagahapon sa hapon miila sa biktima nga mao si Malinder “Michael” Comar, 39, kasamtangang nagpuyo diha sa sitio Luwan-luwan sa barangay Poblacion 2 sa nahisgutang siyudad.
Sa pasiunang imbestigasyon sa kapolisan naningil sa mga kabalayan ang biktima ug sa paggawas niini sa karsada diin gi-parking ang iyahang motorsiklo kalit nga miduol ang [COLOR=blue ! important][COLOR=blue ! important]usa[/COLOR][/COLOR] ka lalaki ug gipusil si Comar makadaghang higayon.
Ang biktima nakaangkon og daghang samad pinusilan sa walang bahin sa ulo, bukobuko, dughan ug liog nga milapos sa pikas bahin nga maoy gituuhang nakaingon sa iyang hinanaling kamatayon.
Ang kapolisan nakakuha og pito ka kabhang sa wala pa matinong kalibre sa armas sa crime scene nga gituohang gigamit sa wala mailhing mamumuno nga gidudahang mga gun for hires.


Si Renes miingon nga dili pa nila matumbok kun tulis ba ang motibo sanglit ang kwartang kapin sa P18 mil sa bulsa sa biktima ingon man ang mga alahas ug relo wala kuhaa.
Apan gibutyag ni Renes nga usa sa ilang gitutokan sa imbestigasyon mao ang posibleng koneksyon sa nahitabong away tali ni Comar ug laing Indian niadtong Hunyo 26 nga ilang girespondihan.
Niadtong adlawa ang asawa ni Comar nga usa ka Filipina maoy nangayog tabang kanila dihang usa ka Del Harender Singh nga nagdala og armas ang miabot sa ilang balay ug nangita kang Comar, dihang nahibaw-ang wala si Comar sa ilang balay gihulga niini ang kapikas sa biktima.
Si Singh ilang nadakpan ug napasakaan og kasong Illegal Possession of firearms tungod sa nakuhang kalibre .45 nga pistola.
Niingon si Renes ilang giadto ang gipuy-an ni Singh aron imbitahon apan wala kini sa pinuy-anan niini.
Kini maoy ikaduhang gipusil nga negosyante sa maong siyudad diin sa miaging Lunes sa gabii gipusil patay usab si Eric Uraca nga usa ka negosyante, hinuon nadakpan sa kapolisan ang duha ka gunman ug nailhan usab ang mastermind ug napasakaan na og kaso.

[cobraKing]

Suspetsado sa lugos nasikop


CEBU, [COLOR=blue ! important][COLOR=blue ! important]Philippines[/COLOR][/COLOR] - Usa ka ulitawong gipasanginlang misuway og lugos sa iyang pag-umangkong menor de edad gisikop sa kapolisan didto sa sitio Mansinitas, barangay Tisa, ning dakbayan sa Sugbo kagahapon sa buntag.
Ang suspetsado giila sa kapolisan nga si Ronald Amad Guadiano alyas “Onat”. 27, ulitawo nga taga Tisa.
Si SPO1 Jeffrey Diola sa Special Operations Group (SOG) maoy nanguna sa team sa kapolisan nga misikop sa suspetsado dala ang orden de aresto nga giluwat ni Judge Easter M. Veloso, presiding Judge sa Regional Trial Court Branch 6.
Si SPO1 Diola, mibutyag sa Banat News nga dihang giposasan nila ang suspetsado misuway og babag ang uyoan niini nga si Rocardo Guadiano alyas “Dada”, kinsa pasakaan usab nila og kasong obstruction of justice.
Ang suspetsado nagtingkagol na karon sa prisohan sa kapolisan sa Punta Prinsesa Police Station.