Kini ang akong suliran

[pruce]

---

Maayong pag-abot niining kutay titing justinblake, sa imong suliran nga gipa-abot kabahin kini sa salapi daw sa akong pagasusi
kitang tanan gayud siguro ana-ay pagkuwang niining matang na butang, pero kung ikaw comportable sa imong pagpuyo karon kinhanglan sab kitang matagbaw sa kada-adlaw na gihatag nga gasa sa atong Makagagahom. Ug ikaw adunay trabaho pagkayod gayud ug taman aron madungag-dungagan ang imong salapi aron ikaw pwede gayud makalulinghayaw o mabaton ang mga mahalon nga butang nga imong magustohan susama sa lingkoranan de kuryente. Titing justinblake sa imong pangalan daw ikaw gikuha sa ngalan daw artista susama nila ni justin beiber ug ni justin timberlake daw sikat sa ilang matang sa musika o sonata. Siguro ikaw mahilig pud sa gina-asoy klasing sonata, ug ako gayud adunay kompyansa nga ikaw mahimong sikat susama ni Sikatsupoy,lol...diha na siguro nimo mabaton ang mga nagabugdong salapi aron gayud ikaw malipong sa tumang kalipayng imong gustong mabatonan, ug kong ugaling ikaw mahimong sikat sa pamantala-an, tv o sa radyo ayaw ug kalimot sa pagdalikyat dinhi aron imong itaho sa mga katawhan ug aron sab kami makapahulagway nimo.

Dili nalang kaayo nako tas-on titing daw akong tiyang galugnot nas kakutoy gikan pagayod ako nangumpay sa akong mga bakang nabaton nga gihagtag sa akong kompari pikas bungtod..

Daghang Salamat,
TTJ

kalmado ra kaayo ang imong kumpare (Pareng Rene) higalang tatajhun, mahinumdom man ko sa amoa ani, sa akong mga silingan sa probinsya.

[tatajhun]

@pruce: mao ra gayud kana ang among kalingawan diri luyos bungtod sa Kantoratoy titing ig human ug panguma tagay dayon ug bahal daw hinatag pud sa pikas silingan nga si Pareng Onyot usa ka banggiitang manananggut gitahud sa iyang pinakalaming tuba ug bahal nga adunay pasas nga galutaw-lutaw.

[yanong_banikanhon]

Sa pagkakaron ang akong suliran tungod sa kwarta...

Maayong adlaw, @justinblake.

Ang kwarta mao gyud ang kasagarang ugat sa suliran sa tawo. Inig abot sa panahon nga manginahanglan ta niini, kitang mga pobre makapangalot intawon sa dili katol. Kay maski ang mga singko sentimos dili man ganahan mopuyo sa atong bulsa o pitaka. Mamili man ni sila og bulsang sapian o datuon.

Sa laing bahin, ang mga datu, ma-mroblema gihapon ani. Tungod sa kadaghan sa ilang kwarta, ang mga mata sa mga holdaper, tulisan, mangunguot ug kidnapper nagsunod-sunod kanila. Inig ka gabii dugay sila makatulog, magsige huna-huna unsaon pagtago sa ilang milyones kay inig piyong sa ilang mga mata, ang mga mata sa kawatan naman pud ang mosiga.

Kini ra bang mga mata sa kawatan karong mga panahona, hi-tech na kaayo. Sa sige nila'g sud-an og asin, ginamos, tinabal, bulad lawlaw ug uban pang mga pagkaon nga parat, nisamot ka siga ilang mga mata. Bisan ngitngit, makakita na. Naa pa gyud x-ray vision ang uban. Bisan asa tagoan ang milyones, matultulan gihapon. Busa ang mga datu na-mroblema gihapon sa kwarta.

Ang akong masugyot, higalang @justinblake mao kini: Ayaw palabi og kaguol bahin anang imong suliran. Ayaw sundoga ang uban nga nasobrahan na og ka-obsessed sa kwarta. Wa na sila'y laing hisgutan, adlaw gabii kundili ang pulong nga 'kwarta'. Ilang dagway mura na pud og kwarta: ilang mata mura na kalingin og dyes pesos, mga lungag sa ilang ilong mura na kadako og byente singko sentabos kay dili naman halos mokaon aron makatigum lang og daghang kwarta.

Hinunoa, sama sa gisulti ni higalang TTJ, gamita ang talento nga gihatag kanimo gikan sa Kahitas-an. Kun nindot imong tingog, gamita kini. Kinsay nasayud ikaw diay ang mosunod nga Jukebox King sa Pilipinas. Ang problema lang ana kay kasagaran sa mga tawo karon wala naman makaila unsay jukebox.

Bitaw, padayon sa imong paningkamot. Kay ang paningkamot ug kalamposan mura ni sila'g kaluha, pirming mag-uban.

Alang kanimo @justinblake, among ipahinungod kining awit ni Christina Agwanta nga nag-ulohan: 'Gi-agay-ay nga Dagway'.

[yanong_banikanhon]

@TTJ:

Kaila pud diay ka ni Onyot Manananggut nga taga-Kantoratoy? Lami gyud bitaw tong iyang tubang bahal. Sakto gyud kaaslom, tanlas kaayo imnon. Paresan dayon og kusahos unggoy, kalderetang kagwang o di ba kaha kinilaw'ng butete, solb na!


Ang tuba ug...


ang pulutan.

Lingaw na kaayo ang mga barkada samtang nagtagay2x sa lantay. Ubanan dayon og panagsang pagpasiplat sa gwapang inday nga nanglaba sa atbang nga atabay. Ayay! Pagkanindot ug pagka-yano ra gayud kining kinabuhing banikanhon.

[jhappy]

kini si teban daan

[tormentor_jack]

sugdan na nato ang tagay TTJ samtang maghuwat sa laing magtatampo ning imong sugilanon.

[joylove]

makahilak man sad ta ani..ganahan unta ko pero murag private ra kaau..

[tatajhun]

@Yanong: Kaila pud diay mo titing? wala man sad gud kaayo mi makakukabildo ug dugay dinhi sa akong putling lagkaw nga gamay kay gadali-dali man sab tug uli tungod ang iyang misis nga si Conching bag-o daw nahuman ug kaligo didto daplin sa atabay daw nagtulo-tulo ang laway nga gi-abot ang sugong nga ang sulod mao ang bahal ma-ong wala gayud ka namo mahisgoti ni komparing Onyot ting Yanong sa sunod nalang namong panaghimamat siguro kay mobalik paman to diri aron sa pagkuha ug balik sa sugong ug hungot nga iyang gidalikyat dinhi...sa akong pagkahimamat sa imong litratong nahipatik sa ita-as titing Yanong matay pwerti gayud nakong gusla-a ning higayona daw nisampak sa akong alimpatakan daw murag lami kaayo ho-ongon ang bagtik na kaayong bahaw sa akong abuhan pero ako lang gayud kining gipugngan kay basin unya ang akong kabaw makasahos sa akong pagbalik daw ang init dili gayud palupig dinhi sa akong umahan, sa pagkakaron titing nipasilong ko sa ilawn sa nag-inosarang puno-an sa byatilis ug nagsima-sima sa mahumot nga ug malami nga bunga sa otot-otot ug akong gihuna-huna nga daw litrato nga imong gipatik diha sa ibabawng bahin, nagpanglad-ok sa tumang kalami ni-ana....dili na kaayo nako tas-on mga higala kay mo lugsong pa ako sa sugbo aron mopalit ug sardinas kay magsaulog na sab sa adlawng natawhan sa akong amahan nga daw mipanaw na sa laing kalibutan...Daghang Salamat sa inyong pagsugyot sa nakadaiyang suliran nga dili ninyo mapas-an nga ikaw ra, nangita kitag kaabag aron kini matambalan...TTJ

[tatajhun]

joylove Inday...unsa mana klasing pagka pribado ang imong suliran pwed na nato dinhi saw-an kung ikaw ganahan.

[pruce]

@TTJ:

Kaila pud diay ka ni Onyot Manananggut nga taga-Kantoratoy? Lami gyud bitaw tong iyang tubang bahal. Sakto gyud kaaslom, tanlas kaayo imnon. Paresan dayon og kusahos unggoy, kalderetang kagwang o di ba kaha kinilaw'ng butete, solb na!


Ang tuba ug...


ang pulutan.

Lingaw na kaayo ang mga barkada samtang nagtagay2x sa lantay. Ubanan dayon og panagsang pagpasiplat sa gwapang inday nga nanglaba sa atbang nga atabay. Ayay! Pagkanindot ug pagka-yano ra gayud kining kinabuhing banikanhon.

kaning tuba, mahinumdom ko ani sauna nga high school pa mi. Tungod sa ka-pobre, among baklayon ang unom ngadto sa pito ka kilometro gikan sa among balay padulong sa tunghaan, lugsong-tungas matag adlaw gikan sa lunes hangtud sa biyernes. Kada hapon, mohapit dayon mi sa among silingan nga mananggiti ug tuba kay pwerte katam-is ang iyang dawat. Wala pa mabutangi ug tungog. Parisan dayon sa among silingan nga gikan nanagat naay tamban, aw kinilaw , bahaw ug ang paborito tuba ni manung otoy.