Unsay pinaka worst na experience nimo while riding a jeepney?

[lecreigh]

---

i'll never forget that day. gikan kog NSO nisakay kog 01k. naabot mi sa colonnade dapit. nakuyawan ko kay tanang pasahero ninaug ako nalang na bilin ug 3 ka lalaki. mao to pag abot sa my uc dapit kay gi tutokan kog pusil then gi ukay akong bag. nakuha jud akong 300 na gisuksok nako sa akong libro. may na lng gani kag ang 1 ka 100 ako na giplete so naa sa driver. giuli tawn sa driver nako. na shock jud ko ato sige kog hilak. tungod ato nga panghitabo, basta mag lain na akong feeling sa jeep kay monaog jud ko, bahala na.

[2nderemperror]

kanang halos di ka kalingkod -_-)
naahat nlng kag sakay sa sulod imbes mo kapyot ra ka
kay pasudlon jud ka sa driver kay napa daw lage bakante
unya himan2x, budlay nalang..

ug kana pud naa kay makasakay nga isog ra kaayo
ug pahumot nga siya ray nakauyon sa baho -_-)

[<SMILE>]

Nangotot ug kusog kaayo akong tapad,
kaingon gud nako ug nabuslot ang ligid sa jeep.

[bitchybutsweet]

kanang makatapad kog buotan kaayo na babae, di pa gani mi kaila pakan-on na ko niyas iyang buhok..napay pakapin lusa

[wajamu]

nakatulog ko tapos embes mag head-bang akong ulo pinaduko, ni head-bang siya pinahangad... nigawas jud akong ulo sa bintana sa jeep.. kuyawa nako.. abi ko natagak nako.. wagtang gud ang duka

unya kato pud 2 years old pa akong manghud.. iyang atbang sa jeep kay iya g.ingnan, "Kuya, ayaw cgeg nga-nga"! AHAHHAHAHAAHAHAHAHA... wa jud me kapugong katawa bahala isog na ayo nawng ang laki..

[RayGunz]

pauli na ko gikan school.. (01K).. front seat.. left nako ang driver unya right nako si girl USC uniform..
Lugar lang boss.. hunong na ang jeep.. si USC girl kay nipa-ok-ok sa iya tuhod.. so nili-ot na lang ko para makatikang pagawas, haskang lisora, nalusot na akong left foot sa gawas pero nagtungtong gihapon sa jeep, akong right leg nahibilin pa sa may tuhod dapit ni USC girl, morag lisod na man jud ako posing, mao to nihunat ko lukso, sa mid-air na-feel nako nga ma-outbalance ko if ulahi makagawas ako right leg, so gi-wisi-wisi jud nako maayo ako right leg (bahala na ko USC girl ka, kaysa ma-mo-mo ko sa karsada hahaha) nakalusot jud tawon. Ingon sa driver , ayaw pam-blocking inday dayong katawa, si USC girl kay nanap-ong sa iya baba ug panyo, dili nako maklaro kun nikatawa ba siya, or, gibaho-an sa akong otot kay di na man gyud kapugngan sa dihang nihunat ko ug lusot.

[buknoy24]

Ako giaksyonan ug sukmag ang konduktor kay sige ko niya pasibugon maski wa nay lugar.. lagot kaayo ko kay guot na kaayo naa pa daw bakante..

Naa pod kausa naay lovers nga showy kaayo sa jeep gioccupy nila halos ang jeep kay agbay2x hadlok mataparan iya uyab musandig ko di kasandig kay toa iya kamot sa akoa likod.. ako siya giingnan " kwaon nimu na imo kamot kay ako na putlon ron" harsh kaayo ko, wag tularan si buknoy

[lowel]

naa sa luyo sa driver naglingkod....perting pugong para di mugawas Kay layo pa destinasyon ug sa dihang nibuhagay jud.......nakaIgit.... damn..... paasif lng way nahitabo......wahahaha

[iyoshi]

Kanang duha mo nya naa sa tumoy sa jeep nya imung tapad mamalihug pajud ug plete nga layo na para nko ang driver. Laki pjd ang namalihug. Laking dako dili nlng ka lahos sa driver.

Ug kana sd bakakon nga kondoktor, ingon naa pay bakante pero pag lingkod nimu 1/16 nlng sa imu lubot mka lingkod. Astang tagbaw tawn ko pangusog sa tuhod.

Kana sd arte kaayo dili idunol ang plete sa uban pasahero, ako nlng tawn mukab.ot. Nya if sila muplete kusog keu manugo.

[lecreigh]

just happened earlier. naka ingon jud ko nga wa najuy pag-asa atong kalibutan. a bunch of kids (i mean college kids) nisakay sa may tonyos dapit. mga 6 to nga mga girls. klaro kau nga mga hubog gud kay saba na kau. ang ilang gihatag nga plete bitaw kay 30 ra nya 4 sila kabuok, 3 ninaog sa colon. ka mga bagag nawng. lami kau ingnon nga hoi, tuga2 mog inom2 nya wa diay moy kwarta i-plete! ulbo jud ang kaspa sa driver. sila pay naay guts mosulti nga isumbong sa ltfrb. pag shur mo mga dai. nanginabuhi na si manong driver ayaw'g apila sa inyong kaboang dira. na high blood jud ko. pa as if2 pa nga wa sila kadungog. haskang!!