Kini ang akong suliran

[brackitz]

---

oi hala,. Online version ni ts ha.. kaw siguro si Dra. Lourdes Libres Rusaruso nuh?

[jhedmartin]

basta radio bombo!!! ^_^

[Zebastian rella]

dinhi siguro ibutang ang mga suliran kay kuhaan og mga pagtulun-an unya himoan og drama sa radyo.sige post mo..

[pruce]

kani maoy nindot, basin dinhi nako makita ang kasulbaran sa akong mga suliran. Pero sa ika-43 nga page sa akong pag-basa sa mga komentaryo, hilabihan nakong agik-ik katawa kay pwerte pud diay nga siawa ning mga tawhana. Makataw kag ahat, makalimtan ang mga problema..

[tatajhun]

hahaha maayong gabii kanatong tanan diri ani-a na ang alibyo ug kasulbaran sa inyong gipas-an dili sinakong bugas kung dili suliran ipadangat na matag karon ug unya...ato sang patukaron ang radyo pono ug ang plakang nag ulohan "Sip-on nga nigahi, laway nga nabahaw" hina-ot malingaw kamo niining akong napiling sonata.

[pruce]

aw, @tatajhun maayong gabii 'sab, bisag walay sonata bisan ug puro lang istorya pwerte gyud lingawa. Magsige lang kog agik-ik katawa diri.

[tatajhun]

aw, @tatajhun maayong gabii 'sab, bisag walay sonata bisan ug puro lang istorya pwerte gyud lingawa. Magsige lang kog agik-ik katawa diri.

ok rana pruce mawala nana ang imong panuhot sa lagos ug bahong otot niana ipadayon lang ug basa sugod sa sinugdanan.

[pruce]

ok rana pruce mawala nana ang imong panuhot sa lagos ug bahong otot niana ipadayon lang ug basa sugod sa sinugdanan.

ako lang gihinay-hinayan ug basa tatajhun, hinayhinay basata kanunay, lingaw sobra.

[yanong_banikanhon]

Mga higala, atong saw-an kining tampo ni Ramon.


Tinahud nga PapaTa ug sa iyang mga kauban sa buhat, maayong adlaw kaninyo.

Ako diay si Ramon, usa ka gwapitong mag-uuma nga nia magpuyo sa barangay Kato, ang kinatumyang baryo sa lungsod Bonhuk.

Sa dili pa nako isugid kining akong suliran, tugoti ako sa pagpanimbaya sa tanang nagsunod niining imong programa. Labi na gyud sa Salingasag Family, kang Eve Salingasag nga akong crush. Inday Eve, mosamut gyud kog ka-inlab nimo kun makakita ko sa imong ngipon.

Ug syempre sa akong minahal nga pamilya - ang Busngion Family, kang tatay Berto Busngion ug kang nanay Waning Busngion.

Kining akong suliran PapaTa bahin kini sa akong binuhi' nga kanding nga lima na ka adlaw nagsige og ihi-ihi. Murag gibus-aw. Wala kaayo ko nabalaka nga gibus-aw siya kay bus-awon man pud ko. Labina'g gikan kung nakainom og medya galon nga tubang bahal. Liwat siguro ni nakong kandinga (Hehe...sa tinuod mura'g mas niliwat ko sa akong binuhing kanding, labina kun tingtugnaw).

Ang akong gikabalak-an pag-ayo kay wala pa ko sukad makakita nga moinum og tubig ning kandinga. Asa man ni gikan kining iyang gika-ihi? Wala kaha ni siya gibarang or nabuyagan ba kaha? O di ba kaha gidautan og usa ka dili-ingon-nato' ?

Daghan ra bang taw-an nga puntud-puntod sa amoa. Naa daw mga duwende nagpuyo aning mga pungtora. Kadtong ganing kanding sa among silingan nga nakalibang sa usa sa mga pungtud, gitubol gud og usa ka bulan. Dayun nakalibang og taeng mura ka dagko og bayabas. Usa ka pungpung. Yataps gud ang kanding.

Mao ng nabalaka gyud ako og maayo niining akong binuhi nga kanding. Ania ang akong mga pangutana:

1. Duna ka bay nailhan nga mananayhup kay ako ning patut-huan ang kinatawo sa akong kanding? Basin diay maulian, di na mag-ihi2x.

2. Wala ni labot sa akong suliran pero mamasin lang ko. Pwede ba ko nimo hatagan og ka-teksmeyt? Kini man gud akong crush nga si 'day Eve Salingasag mo-smile raman kun ako pangayuan og number.

Palihug tabangi ug tambagi ninyo ako.

Inyong magtatampo,
Ramon

[Wynna]

mura man tag naminaw og drama ani sa radyo woi.. hehehe