What a loss

[jntio]

---

condolence noy kulas... grabe gyd ka kiler

[cebulifer]

condolence noy kulas.


mao gyud. naigo na ko dengue. critical ko. 11,400 na lang akong platelet count. confine ko icu sa heart center that time. 48 bags of blood ng gitubil sa akoa. grabe. mao ng paranoid kaayo ko. katong nagka fever akong duha ka anak na taas kaayo, wa na namu gipadugay. confine dayon. bahala na asa ko mangutang. para lang gyud i-rule out ang dengue. pneumonia diay ang duha.

last nako nag ka fever nag pa bloodtest ko 6 successive days para makita nako ang movement sa akong platelets. maayo na lang on the 4th day ning saka na. dili diay to dengue. but i just wanted to be sure.

[bbnescia]

gahapon lang jd ko kabasa ani,gipadad an kog email kahilak jd ko sa storya ni noy kulas.as a mother ny 2yrs old pa jd akong baby,mura pud magsakit akong dughan.lisod kayo ni dawaton sa mga ginikanan labi na gasugod pa jd unta sya ug explore sa world.pero basin naa jud d i lain plans ang Lord nilang noy kulas mao ng gikuha na si baby heart sa ilaha.dugay jd ko katulog ani gabii kay ma feel nako ang pain sa suwat.

[sassy_gurL]

hala luoya

[bbnescia]

Nagbangutan lang gihapon ko ug ang akong pamilya sa kamatayon sa akong 5 anyos nga anak tungod sa sakit nga dengue. Mao nang mangayo kog pasaylo kaninyo nga di pa ko makasuwat sa naandan kong tambag.
Sakit kaayo alang kanako ug sa akong pamilya ang hitabo kay kalit kaayo. Wa mi makapangandam nga moabot diay kining mao nga trahedya sa among pamilya. Lisod kaayong dawaton apan wa na kamiy mahimo gawas sa pagdawat sa kamatuoran nga wa na uban namo ang prinsesa nga gihigugma sa tanan tungod sa pagkamahigalaon, caring ug manggiluy-on.Wa may silingang wa makaila kaniya gani. Wa nay modug sa akong senina ug picture ug magsigeg kiss kay gimingaw sa matag biyahe nako. Wa nay magsigeg pangutana kon ako ba gyung love ang iyang Mama. Wa na say molaban kang Dominic kon awayon. Wa nay mosabak kanako kon magpasalida ko sa DVD. Kay si Heart toa na sa langit.
Di na nako mahikap, magakos, mahagkan, mahungit, mailisan para sa eskuwelahan. Di na nako maligo ug mashampohan.
Di na nako masungog kon kinsay akong love kay aron pasuk-on.
Matag piyong nako, ako siyang madunggan ug makit-an uban ang mga hitabo sud sa pamilya dihang amo pa siyang kauban. Sama lang kining tanan sa usa ka damgo, nga ang ending sakit kaayo.
Bisan sa kasakit pilit nga dawaton kay ang kamatayon mao man ang sinugdanan sa kinabuhi uban sa Diyos nga Tag-iya niini. Masakit man ang tanan, apan kini angay nga dawaton kay kitang tanan mobalik man sa atong Amahan.
Taliwala sa among kasakit, mibaha ang grabeng simpatiya ug pagduyog sa mga pagsuway nga among naagian karon. Gawas sa grasya sa Ginuo nga naghatag og kusog kanamo, ang simpatiya sa among mga kauban ug kahigalaan nakadugang sa pagpalig-on namo ning grabeng bagyo nga among nasinati karon. Kaninyo, daghan kaayong salamat. Di namo hikalimtan kining tanan nga kaayo nga inyong gipakita ug gihatag kanamo. Migaan ang tanan tungod kaninyo.
Baby Heart, bisan kon gimingaw nimo si Nicnic ug kaming tanan, padayon sa imong biyahe. Among ipabawon ang among gugma nga di gyud mohupas, sama sa imong pagmahal kanamo sa dihang amo kang gikauban sud sa lima ka tuig. Daghang salamat sa imong pagtudlo kanamo sa tiunay nga pagminahalay ug pagpaambitay sa pamilya.
Baby, among isaad nimo nga di namo pasagdan ang imong Pangga.
Amo gihapon siyang mahalon sama sa imong pagmahal kaniya. Bye, Baby Heart. We will always love you.
Noy Kulas (Papa Roger)




sumpay ni sa suwat ni noy kulas.haaay gabasa ko ani hibung akong ugangan ngano gahilak ko while ga read sa newspaper ako giingnan ako ugangan sus kami na nuon duha gahilak. tua na to sa heaven si baby Heart.

[cute_6423]

condolence noy kulas..

grabeh jud ang dengue karon oi..limpyohan jud ang mga canal2 pra way lamok n mbuhi..palit sad kog long sleeves oi..

[bbnescia]

sus, maghunahuna ko sa kahimtang ni noy kulas ba mura lisora jd dawaton ana oi.maghilak jd ko maghunahuna sa iyang anak.

[tiny|tin|toys]

ive had this fever twice. first time was the hardest. thought it was just an ordinary fever but when i started bleeding thats the time i went to the hospital and there i found out nga padung napud ko isulod sa ICU. my parents looked for all medicines to combat this even to the point of having alternative medicines. (mangagaw, papaya leaves turned to juice, and finally, which i liked the most, apple juice). I thought i was gonna die then. Maayo ra pud nga naka recover ko, pero the recovery part also is a nuisance coz i had rashes all over and wasnt able to sleep for 4 days (i had 8 bags of plasma transfused).

Yes, prayers for this little girl and also for their family. You can always find strength and comfort in God, in times of grief and despair.

Angay sab ta manglimpyo sa atong mga gipuy-an. Kay ang dengue dili magsaba nga naa ra diay na sa atong tugkaran.

[KASAAC]

ka luoy ani wui

[miss istorya.net]

Nakabasa namo ani?
Reference: Tambagi ko Noy Kulas: Alang kang Heart | Sun.Star Network Online


DEAR Reader,

Maayong adlaw kanimo. Di una ko manambag karong adlawa. Nagsuwat ko kalabot sa sakit kaayong kamatayon sa akong 5-anyos nga anak nga babaye. Pinaagi sa pagpasawo kanimo niini, matibhangan gamay ang among kasakit.

Namatay siya mga ala una pasado sa kaadlawon kagahapon (September 14) sud sa Chong Hua Hospital samtang nagsud-ong ming duha sa akong asawa gawas sa iyang lawak sa pediatric intensive care unit (PICU) diin siya na-confine. Sakit kaayong tan-awon nga nagsud-ong ka sa imong anak nga gitabang apan wa kay mahimo, igo ka lang sa pagtan-aw.

Nadala siya niadto lang Sabado sa hapon human makita ang mga timailhan nga dengue ang nakaigo kaniya. Bag-o lang sab siya naayo sa chicken pox mao nga huyang ang iyang immune system dihang niigo na ang dengue hemorrhagic fever niya. Bisan pag nasayo pagdala, matod sa doctor nga posibleng mao ra gihapon ang iyang dangatan kay luya man ang iyang lawas.

Sud sa tulo ka mga semana, tulo namo ka mga anak ang nangaigo sa dengue, ikatulo si Heart. Siya ang labing grabeng naigo

Si Heart among ikaduhang anak nga babaye ni Chelo. Mary Heart ang iyang ngan kay February 16 man ang iyang adlaw nga natawhan ug alang usab kang Mama Mary.

Nagtungha siya sa Kinder II sa tunghaang publiko sa Bacayan.

Una pa lang kadto niyang pagtaak sa tunghaan, nakat-on na siya sa pagsuwat sa alphabet ug kahibawo nag gamay nga mobasa. Sa ilang klase, siya ang usahay mangu sa class prayer. Mahigalaon ug malipayon nga pagkabata bisan medyo may pagka maldita kon awayon.

Dunay mga higayon nga kon maglalis mi sa akong asawa, siya dayon ang magpatunga ug hiluton ang away bisan sa kalinghod pa niyag salabutan. Siya pay momandar nga say og “I love you” timailhan sa panag-uli sa among maayong kabubut-on. Ingnon pa gyud ming “Kiss” as a proof nga nagkauli na mi sa iyang inahan.

Mangutana sab siya pirme if we really love each other sa iyang mama.

Gawas niini, kon duna siyay makaon o magpapalit ini, magpasobra gyud siyag palit alang sa iyang mga igsuon o manghod nga lalake. Ingon niana siya ka thoughtful.

Tabian sab siya ug maayong mangatarungan. Manggitahuron ug di gyud mauwaw nga motimbaya. Sa espesyal nga okasyon, di gyud makalimot, sama sa birthday. Mo-greet gyud siya ug motagana og something. She was so caring and loving bisan kinsa pay pangutan-on. Ingon pa sa among pediatrician, maayo sab og abstract reasoning o logic.

Matag biyahe nakog layo ug di mauli og pipila ka days, iya gyud nang bitbiton bisan asa ang akong seninang gisul-ob sa wa pa ko molakaw. Iya ning idug isip puli nako kay magdug man gyud mi sa pagpangatug sukad pa siya sa gamay pa hangtod ning uwahing mga adlaw sa iyang kinabuhi.

Samtang didto pa siya sa ospital, bisan di na siya hapit motubag kon pangutan-on, nangutana ko kaniya kon kinsa ko. “Si Papa” maoy iyang tubag. Dihang akong gipangutana kon kinsa ang akong pinaka love siya nitubag “Ako.”Hapit ko mohilak apan ako lang gipugngan kay diha pa man ang mga doctor. Samtang naa siya nag-ungaw sa kamatayon, magsige siyag tutok namo sa iyang mama.

Pipila ka mga oras sa wa pa siya mamatay, gusto siyang magpakugos sa iyang Mama Chelo.

Apan gidid-an siya sa doctor kay kritikal ang iyang kahimtang.

Mao diay, usa na kadto sa mga sinyales.

Baby Heart, naa ka man karon sa langit, dako kaayo kaming pasalamat nga amo kang gikauban sa pipila ka mga tuig. Hamubo man tuod, apan imong gipakita ug gipaambit kanamo unsa ang tinud-anay nga gugma sud sa pamilya.

Baby, we love you so much. Naa ka kanunay sa among panumdoman ug kasingkasing.

NOY KULAS (Papa Roger)




So "Dengue is such a killer disease, so don't take any chances. It's better to spend lots of money for prevention than losing a loveone."

Looya sa bata ni nuy kula noh. Let's just pray for her daughter og manghinaot ta nga anaa na cya krn sa kilran sa atong Amahan nga makagagahom sa tanan.

She's such a sweet li'l girl. Poor kid had to die too young Condolence, Noy Kulas. My heart goes out to you and your family.