::Mga Kaigsu-onan.....dinhi ta MAg Binisaya og lawom...

[Sovabon]

---

Buyno, nahala atong sugdan pagbatbat ang mga pulong gibilin niadtong mga apuhan ninyo sa kuko. Di matukib akong gibati pagkakita nako aning klaseha sa hilo sa atong usa ka igsuon tua karon nanimpalad sa layong dapit aron lang mahinumdom pirmi sa iyang pinulungan nga namat an.

[jugs_06]

ako nagpasalamat kaninyong tanan sa pag-ambit niining atong hilo dinhi sa kinatibuk-ang kalibutan sa mga mananap nga unom ang tiil (worldwide web spiders..char).

kung kinsa kaninyo ang anaay mga pulong nga inyong bu-ot nga ipaambit, ayaw kamo og kaulaw sa bsan unsang paagi..mahimo ninyong ipasundayag ang mga mahuloganong pulong binisaya para sab sa kina-iya og benepisyo sa atong mga kaigsuonan nga KATUTUBO nga nagpundok sa pkas hilo nga SOSYAL.... naka hibaw na kamo sa hilo nga akong bu-ot ipaibot..

uling...(charcoalness)

[miss tapya]

kulang og dli pa hingpit nga takos ang akong pag apil sa siminar sa LUDABI (Lumba Dagitabnong Binisaya) apan paningkamotan ko nga sa pag ambit ang uban nga nasilsil sa akong alimpatakan ....

pagka anindot handurawon ang pulong diin ga salingsing sa kinaraang kahugpungan....

[stradnus]

dili na ta makakita ug yamog dinhi sa syudad inig takdo sa tungang gabii apan ang usig ra ang madunggan pero inig lantaw sigbin na diay nga naglamoy na sa tagpod na dili mahibalo kun unsa kadto...
---
gi-asoy pa sa akong guyong nga lahi na ang urog karon ug ang kaniadto
--
duna nay utlanan sa mga tunghaan karon sa pag kat-on ug halawom na binisaya ug gisumpo sab sa mga kadagkuan na ikanonay ning hilo nga atoang gisunod...

[clarkhkent]

lisud na gyud kaayo pagtugkad kining inyung gihimong hilo alang sa mga laglum nga binisaya....pwede ba magsakayan na lang ko aron dili ko malumos sa mga balud nga nagtapsing tapsing niining inyung lugar? bitaw tungod sa kadghan na gyung mga pinulongan nga binisaya ba murag nagkalain lain naman lang ang mga pinulungan o ang pagkasulti pero kon bout huna-hunaon murag mao ra man gihapon ang kahulugan....mao nang bisan unsa pagkasulti ug pagkasuwat sa mga binisaya dire nga pulong ok lang gihapon kay susama ra man kini ug kahulugan...

kinsa may sakop dre sa LUDABI ba or dili ba kaha sa BATHALAD kay magpasagup kita kay sa akong nakit-an kining mga bag-ong henerasyun dili naman kaau kahibalo nga mo binisaya.....usa na ko ana.... nagsagul naman ang inengles, tagalog, bisayan nga mga pulong....naa pa kaha tay ikatabang ani nga murag lisud naman kaayu ni pugngan....paminaw ninyo...

[jugs_06]

sa akong pagbasa sa inyong mga poste (post), ako naka himamat og mga halangdon og malisud nga mga pulong nga naka desider ko nga mu palit og binisaya-iningles nga diksyunaryo..

apan wala koy igo nga kwarta haron hingpit nkong mapabatid akong buot nga mahitabo.. mao nga mas maka ayo siguro nga maga subay nalang ko niining atong hilo...

anaa akoy suhestyon para kaninyong tanan, og ako naka huna-huna nga angay cguro nga kita maga himo og ngan binisaya..
ibase nato kini sa lahi-lahi natong ngalan nga gigamit niining atong g-mahal nga porum..

ang inyong mahal nga ka-istorya,

pitsil-o (jughead)

[kyuusai]

hala! sa akong pagsuroy-suroy ngadto pinakluyuhan niining mga hilo, kalit nga natimala ug kung ngano ang hilo sa atong amigong juggy tua naman gayud sa kinaluyohan. ug mao kini nga ako kining ibalik kina-unha nga pahina. unsaon nga otor(author.. hehe) aning hiloha wala naman gayud nagpakabana. aron kita malingaw ani. mag inistorya kita ug binisaya.

[kiat_kaau_kusion_beh:-)]

dako kaayo akong bahakhak sa dihang gitagsa-tagsa ko gayod pagbasa ang mga napatik dinhi.

;D

[tolstoi]

mo tayp sa ko ug balak ha..diara

Dunay Bayle Sa Tugas

Makatarantar ang akong gibating kahinam;
Makabungog ang pitik sa akong kasing-kasing
Ug morag may kabakaba nga napriso sa akong kotokoto!
Dili tiaw ang singot nga naglumbag daligdig sa akong agtang
Hasta pa ang gansal-gansalon kong mga palad
Nag unong ug nagkurog na sa tumang kabalaka
Kining tanan gumikan kay
Dunay bayle sa Tugas.

Inig dayong sawop sa adlaw ug sugdan nag
ilog sa kangitngiton ang nahabiling
bidlisiw sa kahayag, modali kog patighulog
sa buhat ni inko Nardo sikbit sa patayng sapa
didto ko magsikretong pa-atak og tulo ka
bulig nga lahing lubi aron ibaligya kay
dunay bayle sa Tugas.

Sayohon kog hipos ang kabaw
Gikan sa iyang lunangan
Ug taga-an dayon sa iyang kumpay
Nga ako nang na andam.
Ang mga manok saburan sa ilang
Tok-tokon ug magkawos dayon kog
Tubig sa atabay aron maligo kay
Dunay bayle sa Tugas.

Karon nga nasudlan nag halin
Ang mabawng bulsa sa akong karaang karsonilyo
Buntogon ko ang akong kauwaw
Pinaagi sa pag dimdim ug
Duha ka hungot nga tuba;
Mao ra kini bugtong sulbad
Sa kulang kog kaisog pag bayle ni
Inday Dolor nga taga sitio Tugas.

O kahitas-an! Taga-I kog igong katakus
Pag harong sa binuhat nga akong gipakabathala;
Hinaot unta nga dili ko niya yam-iran,
Kataw-an o biay-biayon
Dihang magsugod nag kagapos ug
Kapandol ang akong dila sa pagbatbat
Ko kaniya niining kabos kong mga damgo
Nga dugay nang nagdila-ab
Sa kinapusoran sa akong kalag.
Ug kon ugani ako ma pakyas o ma palpak,
Isa-ad kong dili na gyud manulong
Pa ug bayle sa Tugas!

-bow-

[tolstoi]

g ania pa gyud..

Baki

Sa mga higayong sama niini:
Maglagasak ang alindahaw
Sa mga dahon, unya mohapyod
Ang kabugnaw sa amihan,
Madungog na usab ang mga hudyaka
Sa mga sungogang baking kanunay
Nga mosauy-saoy sa akong
Pag-inusara. Unsaon, mibiya
Ka’ng wala ganiy pihong mobalik.

Di man nako tuyoon, ang ilang awit
Manuktok sa atong kasingkasing,
Mosuhot sa balatian aron hilantan
Ang akong galamhan sa kamingaw.

Bisag halos kada-gabii kong
Nangandoy nga hulipan
Ang sauy-saoy nilang hudyaka
Sa kainit sa ato unyang katawa,
Ayaw ko’g ingna nga kutloon
Ko na usab ang lain pang gabii
Ng ikaw handumong moabot?

Ugma, dakpon ko’g kan-on
Ang tanang mga baki.