`Kalag’ sa bise-gobernador `mipakita’ sa 2 ka kawani

[RanChanChad]

---

DUHA ka mga sakop sa Office of the Provincial Secretary ang giingong gipakitaan ni anhing Bise Gob. Greg Sanchez pipila ka adlaw human siya namatay niadtong Abril 29, 2011 tungod sa stage four lung cancer.

Ang duha ka mga kawani nga nihangyo nga dili lang nanganlan niasoy sa mga tigbalita kagahapon nga niadtong ika-pitong adlaw sa haya ni Sanchez, giingong nagpakita kini nga naglingkod sa bangko sa presiding officer sulod sa session hall sa Legislative Building nga naka uniporme og puti sa Philippine Navy.

Nasayran, nga si Sanchez maoy commander sa 511th Naval Reserve Squadron sa Philippine Navy.

Mas nisamot ang ilang pagtuo nga si Sanchez ang nagpakita kanila dihang ilang nakit-an ang usa sa mga hulagway niini nga gibutang duol sa iyang lungon diin nagsul-ob siya sa susamang uniporme nga ilang nakit-an.

Nunot niini, nihangyo ang usa ka kawani sa mao nga buhatan nga pasigaon lang ang suga sa session hall matag karon ug unya.

Si Busay Barangay Kapitan Eleodoro “Yody” Sanchez, pag-umangkon sa bise gobernador nagtuo nga nagpakita ang iyang uyoan tungod kay duna pa kini’y gustong tiwason nga trabaho isip bise gobernador.

“Naa pay gusto nga buhaton si vice governor nga wala pa niya matiwas og buhat”, pahayag ni Sanchez.

Matod niya gusto sa iyang uyoan nga mahan-ay ang tanan sa iyang pagtaliwan sa laing kalibutan ug magiyahan si Acting Vice Governor Agnes Magpale nga manumpa na karong buntag sa katungdanan isip hulip ni Sanchez.

Si Magpale sa iyang bahin unya na mogamit sa buhatan ni Sanchez sanglit mokonsulta pa siya og Feng shui expert.

Matod ni Evangeline de Paula, chief of staff ni Sanchez nga sukad masukad way bisan usa ka bise gobernador sa lalawigan sa Sugbo ang nakatapos og tulo ka termino.

Sukad niadtong 1986, daghang mga bise-gobernador ang nanimpalad sa pagdagan pagka bise-gobernador nga wa na maghuwat nga moabot sila og tulo ka mga termino.

Apan nangapakyas sila sa ilang pagpapili sa labing taas nga posisyon sa lalawigan.

Ang labing uwahi nga bise-gobernador nga midagan pagka gobernador mao ang kontrobersyal nga si John-john Osmeña niadtong 2004, apan napakyas siya sa iyang tinguha.

Gipatik sa mantalaang SuperBalita Cebu Mayo 10, 2011.

`Kalag

[FAQ]

This is pure BS .

[Metz]

kung tinood naman lang magpakita siya, si Gwen iya pakita-an kay sila man nagdumtanay

[brandnewbien]

hype hype hype

[jumper_stage]

********* ilang mama..there's no such thing as soul nga mobalik..

[jangska]

kung naa pa nag pakita nata si ninoy aquino para mahibawan kinsa jud nagpapatay niya.
pero ganahan kos plano niya katong route nga himuon from bogo to santander.

[necrotic freak]

********* ilang mama..there's no such thing as soul nga mobalik..

tinuod walay soul nga mobalik.. apan wala paman sad makalakaw iyang soul. 40 days gikan sa pagkamatay naa pa ang soul diri sa kalibotan naglaroy-laroy.

[makie]

Kung makabasa si Kris Aquino ani, moingon pud na siya nga nagpakita ang kalag ni Ninoy ug Cory.

[jofox]

mau unta tinood ni magpakita oi...

[W.Axl Rose]

gikulbaan na siguro si Gwen ron basin siya isunod hahahahahahah............