Milikay sa BUANG, Midaro sa laing sakyanan

[lodyl]

---

CEBU, Philippines - Maayong pagkagusbat sa usa ka kotse human daroha niini ang usa ka sakyanan nga nagparking sa daplin sa karsada ug milahos pagdaro sa gate sa usa ka balay kay milikay sa usa ka liso og pangisip nga lalaki sa N. Bacalso Avenue, barangay Lawaan I, dakbayan sa Talisay kagahapon sa kaadlawon.

Ang drayber sa Toyota Altis nga nagtangag sa plakang 7CZ-543 nga nagusbat mao si Jemuel Jay Pasco, 23, nga taga 130 Villa Mangga, barangay Bulacao, Pardo, dakbayan sa Sugbo. Ang tag-iya sa Kia van nga nagtangag sa plakang YFM-596 nga nadaro ni Pasco mao si Felipe Wenceslao, 61, taga dalan Cabreros, Basak, dakbayan sa Sugbo.

Ang tag-iya sa gate sa pinuy-anan nga nadugmok usab mao si Teonila Secretaria, 56, taga barangay Lawaan I, Talisay.

Base sa imbestigasyon sa kapolisan sa traffic division nasayran nga si Pasco gikan sa lungsod sa Minglanilla nga nagpaingon sa dakbayan sa Sugbo apan pag-abot niini sa maong lugar nga nahitaboan, si Rolly Dela Hente, hingkod , kinsa adunay deperensiya sa pangisip, ug taga barangay Lawaan I, kalit lang mitabok sa karsada.

Si Pasco milubag sa manobela aron makalikay kang Dela Hente apan iyaha gyud kining natapsingan ug natumba kini sa karsada. Unya ang kotse ni Pasco milahos ngadto sa walang bahin sa sakyanan ni Wenceslao nga giparking sa daplin sa karsada.

Si SPO4 Henry Obiso, hepe sa traffic division nga nahinabi sa Banat News kagahapon nagkanayon nga si Pasco daling mipaatras sa sakyanan kay nahadlok sa mga tawong nagpadong kaniya apan milahos siya ngadto sa gate ni Secretaria.

Unya si Pasco mideretso og padagan sa iyang sakyanan sa kahadlok nga tabangan unya siya og kulata sa mga tawo sa maong lugar. Pag-abot ni Pasco sa barangay San Isidro nangayo kini og panabang sa tanod ug nagpatudlo sa police station.

Ang kotse ni Pasco gibiyaan didto sa atubangan sa barangay hall sa San Isidro ug nagpahatod sa mga tanod ngadto sa Talisay City Police Station sa barangay Poblacion. (BANAT NEWS)

[yiennahs]

mau jud ni giingun nga, "naamong sa boang"
ang hunahunaun nalang sa naka-among ani kay dili siya makonsenxa nga nakadasmag siyag taw

[Blackbeard]

unsa mn diay gamit sa break? ngano pugson mn jud.

[Big_Nito]

Maski pa ug mubreak ka, kung kalit lang mugimaw ang buang wa jud kay mahems... Charge to experience nlang...

[roy2x]

jemuel na?or jewel? simbaka intawn dili xa.

[carbrill]

ngano kaha wa may gibuhat ang cuidad nga ma wala ni ang mga buang sa dalan kay kuyaw man ni cla sa uban tao kung mo tukar ang ilang pag kabuang...

ang ako ra jud ma pasanginlan ani kay ang goberno kay way pakabana sa mga igsoon natong na buang nga naa sa dalan... tsk.tsk.tsk....

[Blackbeard]

Maski pa ug mubreak ka, kung kalit lang mugimaw ang buang wa jud kay mahems... Charge to experience nlang...

kung mura pod tingali ug buang ang gadrive na gapakusog sd, aw wa jud mabuhat bisan break.

23 anyos na driver, sus gapakusog jud tingali ni kay bata pman.

[roy2x]

aw kosog goro xa kai naa man xa sa high bro hehe! high baya na n bacalso ug ako mo agi diha mo dagan jud kog 60 kapin or 50 paspas nanah pero kun naay mo agi na tawo di jud na malikayan.

[lodyl]

Ana diay na? Mayta limpyohon ni nila ang mga buang sa? Aside sa samok sila sa panan-aw, ug ma timingan nga motukar... wala na..... mabuang hasta ang naa duol sa buang... MAGKABUANG ug panagan...

[roy2x]

hahahahaha maboang jud sa boang kai naboang naman