Mga PUJ Driver na Bantay Salakay sa mga Tanga na Pasahero

[graphicare]

---

Warningan nalang daan nako ang mga pasahero. Kay nisaka naman ang plite from P6.50 to P7.50 ngari sa Cebu, di gihapon makakolekta ang usa ka driver sa bag-ong fare rate kung wala kini nagdisplay ug certificate nga bag-o gikan sa LTFRB. Kung way certificate P6.50 ra ang minimum ug P5.25 ra ang students fare.

Kaning certificate mura nig pareho kadako sa bond paper short size, puti ang color na naay nakabutang na approbado na ang usa ka sakyanan mangoletkta ug P7.50 ug pirmado kini sa ni Ahmed Cuizon sa LTFRB. Naa sad kiniy gamay na shining seal na magpamatuod na orig ang maong certificate. Dili pwede ang photocopy ug dapat original dyod ang ila display sa ilaha mga puj. Nakabutang sad didto na ang student fare kay P6.00 ra, kay naa man silay 20% discount sa minimum na plitehan. Pagbantay lang mo kay basin daan ang certificate ang ila gibutang bawal sad na, dapat 2011 dyod ug di kadtong 2008.

Nakabantay na baya ko na kung mo-plite ang pasahero ug P20 unya 2 ang kuhaon. Suklian ra sa maro na driver ug P5 bisan wa siyay certificate. Meaning P7.50 ang kolekta sa kurimaw. Maayo lang gani kay naminaw nako ang driver samtang akoa gi-explekaran na bawal ang iya gibuhat ug mahal ang multa kung madakpan sa LTO. Mao to gipun-an niyag piso ang sukli. Kuwang gihapon kay P6.50 x 2 = P13 raman. mao to nitubag nasad kog balik na kuwang. Nakakawot lagi sa ulo ang driver. hahahaha...malas mo lang tsong! Graphicare is on board, ug di ko motugot na harap-harapan nimo tuntohon ang mga pasahero.

Naa say uban na jeep na bisan way certificate magbutang-butang na sila'g kartola na P7.50 na ang plite. Asus, ayaw dyod pailad. Nakasakay nako anang klasehang jeepa ug akoa giingnan ang kundoktor na maayong tangtangon na niya ang kartola kay kung di sa LTO dyod mi mag-abot. Maayo lang wa ko dunggaba sa kundoktor ug iya kitangtang ang maong kartola.

Ayaw dyod tawon mog sugot na kolektahan mog P7.50 unya wala siya 2011 certificate na nakabutang kay bawal kana sa balaod. Ayaw kaulaw pagreklamo na kuwang ang sukli kay inyo kana katungod. Kung di dyod maminaw, patabang ug enforcer kung naay maagian o kanang CITOM arom madakpan dayon ang abusado. Kung wala kuhaa ang plate number ug isumbong kana sa LTFRB or LTO aron mamultahan nang drivera.

Mga estudyante sad stand for your rights ayaw mo'g duko-duko bisan suklian mog kuwang. Maayo raman mo manyagit sa mga computer games unya wa moy tingog if di mo tagaan ug discount sa plite hehehe....maayo lang if magkasakay ta kay akoy bahala kasaba sa driver if tuntohun mo. But you must start defending what is right and fair. Matud pang sa idol nakong si Dick Gordon "Don't be a coward".
Bitaw ngano gud tawon matalaw kag maulaw na ikaw may sakto, di ba?

Ayaw balewalaa ang imo katungod, magdahum nya ang driver na tanga ang mga pasahero na pwede ta tuntohon.

LTFRB Hotline-254-3122 / 236-7366 / 231-7466
LTO Hotline- 2563766 / 254-3122





.....

[stagfive]

pero bro.. na.a jud mga gahi na driver or condoktor.. mo singil jud ug 7.50 even though wala silay certificate.

[brandnewbien]

nice post bro

[graphicare]

pero bro.. na.a jud mga gahi na driver or condoktor.. mo singil jud ug 7.50 even though wala silay certificate.

naa dyod kay naa man say mga pasahero na di moangal bisan di sakto ang gibuhat nila. mao gani ayaw na sila'g anara kay mogara! hinaot makasakay ko ana para diha-diha akoa ipadakop hehehe....wa koy patawad dyod!

[Jamznol]

mga jeepney driver nga nagbyahe ug Bulacao-colon mga baga kaayo ug nawng (dili lng pd nato i generalize) but mostly jd no ky P8.00 jd ilahang kuhaon.. one time nisakay ko from metro going to basak, ang fare ra diha kung naay certificate ky minimum ra.. akong kwarta ky 20, den iyang sukli 12 ra.. murag nisaka jd akong dugo atong tayma, ky murag abosado jd kaau. what i did was akong gihatagan ug 50cents nya naningil ko sa 1.00.. dili lng ni ky kaisa ra but kadaghan na jd nako na experience sa mga jeep nga byahe ky bulacao - colon..

...mas maayo kung mag andam jod ta ug 25cents ky lisod na kaayo ron daghan ug ABUSADO..

[s3xyp1nk]

nice post..

[PaYaSo]

^^ if you could at least like the post if you find it nice

nana pud c master graphicare on duty...pra sa rights sa mga pasahero

[weblizzer]

mao gud. ni... karon mga uban driver 8 ang kuhaon... nya paninglon nimo 50 cents wala daw.. bisan klaro kaau sa kahon ang uban panaguan ang 25 cents para dili ka sukli

[sanlinux]

tan-awa jud nnyo kung naay tariffa nga nka display sa jeep...

[lestat1116]

i only pay 7 pesos.