Karon na nisaka na ang plitehan sa jeep from P6.50 na minimum fare to P7.50, sure ko ang kuhaon kasagaran sa mga jeepney drivers P8 ug dili P7.50. Kay kuno walay tag 25 cents or kuno round off nalang na or unsa pang kuno-kuno dinha.
Pero ngano P7.50 man dyod ang akoa iplite? Or kung mobayad kung P10 dapat mangayo dyod kong sukli na P2.50 ug dili P2 lang? (hala kadaginutan, hahaha) Hilum! Hehehe Para magklaro ta, usa-usahon nako ang akoa tubag…
Nganong P7.50 dyod akoa iplite? kay kung sige ko’g plite ug P8 unya di mangayog sukli…
1)Mogara ang mga drivers ug kundoktor pangulekta ug P8 ug bisan naa pay tag 25 cents di naka suklian ug tarung. Mao nang gitawag abusar ug nanagko na ang sungay. Walay problema nako if moingon si manong na wala siyay tag 25 cents ok ra, pero if makit-an nako na gabaha ang imo 25 cents unya P8 imo kolektahon, ihanda na nang imo kaspang drivera ka kay rakrakan tikag yawyaw hantud kanang imong dunggan mosira na murag last full show na kurtina hahahaa.
2)Mawad-an nag respetar ang mga jeepney drivers sa iya mga pasahero. Kanang isyu na walay tag 25 cents ok ra na kung wala dyod. It doesn’t matter to me basta matinud-anon na wala. Kung padayon ang mga pasahero na anaron ang katunto sa mga jeepney drivers ako na gipanglantaw na ang mga jeepney drivers karong tuiga mokolekta nag P16 kung duha ug dili P15. Pareha atong P6.50 pa ang plite, if moplite kag P20 unya duha mo, ang kuhaon kay P14 na unta P13 raman ang duha kay P6.50 baya ang minimum. Nganong P14 man ang gikuka? Unya 25 cents gihapon ang isyu ngari or P1 na? Classic example kayo to unsay mahitabo if pasagdan ninyo ila katunto.
3)Mauwaw ang ubang pasahero mangayo ug saktong sukli kay abi sa tanang pasahero sila ray nireklamo. Well kung magkasakay ta aw duha na ta mangayo’g sukli. From there makarealize ang mga drivers na ang mga pasahero karun di na matunto ug handa na motubag kung tuntohon sila. Bitaw, istoryans gud patunto sad diay ta? Hahaha….
4)Di ta makarealize na sa usa ka adlaw ang 50 cents na wala nato gikuha na kuwang na sukli sa mga drivers, dili lang diay 50 cents kungdi dako-dako na na kwarta nila. Pila ka pasahero ang di manguhag 50 cents na sukli sa usa ka adlaw sa usa ka jeep? I-total tanan di ba naa nakay load pangtawag hehehe or di gani pang facebook usa ka oras . Pareha raman na gud na nipalit kag candy usa ra na tag 50 cents unya P1 imo kwarta, di ba ka matingala if di ka suklian? Tagsa raman ka mopalit ug candy pero pirmi ka mosakay ug jeep, unya sige lag ka di suklian ug sakto ok rasad nimo? Estoryaheeeee…..ok nalang kay natalaw man hahahahaa. Deep inside diay murag mosukmag na ug tawo haahahahaha. Ayaw ana, pangayo lag suklig tarong if gahi gani ug ulo ang driver or kundoktor ingna lang eyeball lang ta sa LTO noy hehehe kanang 50 cents na imo gidaginot maabot lagi nag libo if mamultahan naka hehehe.
5)Dili makarealize ang LTFRB na dako diay’g gubot ning waki-waki na pag set sa plitehan. Kung daghang reklamo, mokaamgo ni sila na di na magset ug plite na waki na involve pa ang 25 cents. Gamay lagi na na amount pero prinsipyo ning akoa gipabarug ngari. Kung way tag 25 cents ok raman, ayaw lang ko tuntoha kay bisan asa ta maabot di ko mohadlok mobali anang sayop na prinsipyo sa uban! Bantay lang ta kay naa bayay kundoktor na feeling action star kay manakit dyod ug tawo, aw…hinaot na di ta mag-abot dong kay basin makalihay ko sa imo sukmag unya ikaw na noon ang maigo sa akoa tadyak aw..hulog dyod ka sa jeep ba…starring paka sa youtube if nakadala kog video cam hahahaha.
Respetaray lang tag prinsipyo gud. Di man na taginot ang tawag kungdi prinsipyo, kung nay suklianan suklian. Kung way sukli ingon na wala. Natural moreklamo ta if kuwang ang sukli ug di ta maghilom na murag na-ban ta sa facebook hahahaha. Why makes life complicated? Magpinanggaanay kita ug padayonun ang mga matarung na buhat. Ayaw lagi anang minaro-maro dong kay basin kanang mga anak ninyo pila ka adlaw maoy maminaroan aw..di ba sakit sad na. Ang gaba raba triple kung moabot. Saludo kaayo ko basta tarung ang driver, or kung dako-dako akoa kita sa akoa legal na mga sidelines di na siguro nako kuhaon ang akoa sukli…ipanabi pa nako ang imo kaayo hehehe. Basta ayaw lag abusar basta makasakay ko sa imo jeep kay basin makalitok ka aning linya sa kanta na Father and Sons ni Cat Stevens na “It’s now time to make a change” heheehe
Di sayop ang mo-plite ug P8 pero dapat kung motabang ta dili sa mga abusado. Ipalit ra nang sigarilyo inyong mga 50 cents ug dinha mismo manigarilyo while nagdrive ang driver sa jeep na unta No Smoking man sa mga PUJ’s di ba? Mao rana akoa mga punto, ang mopalag, aw palag mo ngara ayaw lag pag drugs kay di na maayo hahahaha!
...
...
Sa Pagsaka sa Plite-Nganong P7.50 dyod akoa iplite ug dili P8?
Reply With Quote
