Gwen Garcia, siya ba si Doling Kawatan sa column ni Leo Lastimosa?

[Ekim Amar]

---

Sa Column ni Leo Lastimosa nga Arangkada sa Freeman last June 29, 2007 entitled si Doling Kawatan, si Gov. Gwen Garcia ba si Doling?

Read the column below and tell me if "Si Doling Kawatan" is Gov. Gwen Garcia.

SI DOLING KAWATAN

Si Doling lab-asera. Kansang kinabuhi kalit lang nausab. Kalit lang nidako ang iyang bay. Kalit lang nidaghan ang iyang mga sakyanan. Kalit lang nanguhong ang iyang kabtangan. Kalit lang nilapad ang iyang mga patigayon. Sa laktod, mora siyang nakadaog og lotto.

Nga maoy iyang gisulti sa nanguryusong mga silingan. Apan way nituo niya. Way gidungog nga nakadaog og lotto sa ilang dapit. Bisan ang labing ungo sa sugal wa kapanimaho nga may silingan silang nakatsamba, o bisan nakapingis na lang og pila ka digits.

Maong si Doling gihabolan sa sibaw nga mga pagduda. Diin man gyod gikan ang dako niyang kuwarta?

Tungod sa iyang katigayonan, si Doling sayon rang nakadaog pagka barangay kapitan. Bisan giprotestahang iyang kadaogan, way nakapugong sa iyang paglingkod sa katungdanan. Nga maoy nakapatumaw sa tinuod niyang batasan.

Daan nang gikaintapan ang iyang kayawyawan sa lab-asera pa. Apan way nakapangandam sa kapintas niyang mamanghag dihang nakatumpi nag kuwarta. Labaw nang way nakahibawo unsaon pagsagang ang binaboy niyang kasaba, nga di makaon bisan sa irong buang, dihang nakahupot na og gahom sa politika.

Maong dihang nipasumbingay ang usa niya ka silingan nga kinawat ang iyang katigayonan, morang kilat sa udtong tutok ang kabangis sa pag-ulbo ni Doling.

Gikunis-kunis dayon niya ang nangahas sa pagpadayag og pagduda sa iyang kaligdong: Ginganlan niya og mga ngan, sa makantalitahong mga pung gipakauwawan, gipalihok ang tanang mga turutot aron mabuong ang kadungganan ug masuk-anong nipasaka pa gyod og kaso sa hukmanan.

Ang iyang mga saop ug mga binatonan, nga maoy iyang gidudahang nanabi sa gipanghimaraot nga silingan, wa pasayloa sa iyang kabagis: Gipanglungkab ang ilang personal nga kabtangan, gihulgang ipanglabay ngadto sa labing layo niyang mga baboyan ug gawas nga tangtangon sa trabaho bahala na kon ang ilang mga pamilya malunosan sa gutom taralon pa gyod sa hukmanan aron hingpit nga motagam.

Ang nasugamak nga silingan nagkapuliki og panagang sa iyang pagpanggukod. Inay pasidunggan sa iyang pagpangita sa kamatuoran, ang iyang pribadong mga negosyo giapil pag-utingkay kon duna bay bisan gamay na lang lama sa kahiwian. Mas makaluluoy hinuon ang wa intawoy mga nahot niyang mga saop ug mga binatonan.

Ang tibuok kasilinganan gibati og kalisang. Nangahadlok bisan sa pagpalandong na lang sa kalbaryo nga ilang tugpahan kon simbako sila say maduhig sa iyang kalampingasan. Maong bisan duna silay nahibaw-an ug bisan sa kamapalabilabihon na sa iyang binuhatan, tak-om nga nangiyugpos ang kadaghanan.

Dihang natino nga nagkuray na sa kahadlok ang kinabag-an sa kasilinganan, nga wa nay mangisog pagtabang sa pipila nga nibarug nga iya nang napiangan, si Doling, sa labing mapahitas-ong tingog nga hinukad sa nagdagtom niyang galamhan, niangkon:

"Kawatan bitaw ko! May mahimo diay mo?"

leo_lastimosa@abs-cbn.com
Posted by DYAB at 7:00 PM

[bossdak]

pangutan-a lang si pulpol bay.

[leo_trams]

@Ekim Amar - mikE ramA,
kawatan diay na si Gwen?



.

[peewee_toot]

si leo ra jd ang mka tubag ana.

[JezzyCalm]

wawan jud na c leo kung makasuhan npod na xa.. hahaha..

[disenchanted]

Hahahaha!!! Leo Lastimosa Idol!!! Si leo ra gyud maka tubag ana niya.. sa ma igo lang.......

[Ekim Amar]

ipa suspenso man kuno si duling nya ipahunong pud ang pagpatrabaho sa undersea kingdom para di maguba ang ebidensya sa iyang kaso.

Sa imo comment sa balili thread, you refer gwen as duling, so para nimo bro si gwen diay si doling kawatan sa colunm ni leo lastimosa?

[PEDR0]

bayota ani na issue oi.. pwede ipasaka nalang ang kaso sa courti para makita ang hustisya! kini si Leo ga sugnod² one sided kaayo! ataka...

[lestat1116]

mga tao kahibaw pero ang tubang nila kay SKEWETO PARA BEBO.

[windshock]

bato bato sa langit tama-an wag magalit.

naa ba d-i kawatan motug-an??


dirty politics