P8 pletihan sa PUJ sa Sugbo, iduso na karon grupo sa transport

[[Avenging PIRANHA]]

---

GIPAHIBAWO sa chairman sa Cebu Integrated Transport Services Cooperative (CITRASCO), Ryan Benjamin Yu, nga karong buntag na niya isang-at ang “amended petition” sa ilang grupo ngadto sa Land Transportation Franchising and Regulatory Board (LTFRB)-7.
Tinguha sa CITRASCO nga himuong P8 ang minimum nga pletehan sa mga dyip pasaheroan sa Sugbo.
Si Yu nga nahinabi sa Sun.Star Superbalita niadtong Sabado niingon nga mapugos sila pagpangayo og umento sa pletehan sa PUJ gumikan sa sunod-sunod nga pagsaka sa presyo sa mga produktong petrolyo sa nangaging mga adlaw.

Niadtong Martes lang, gipausbawan na usab sa mga kompaniya sa lana dinhi sa nasud og P2 ang presyo sa matag litro sa diesel ug kerosene, P1.50 sa unleaded gasoline ug .75 sentabos sa regular gasoline.
Matud niya nga P1.50 ang pangayuon nga usbaw sa ilang grupo nga kun maaprobahan sa LTFRB mahimo na unyang P8 ang minimum nga pletehan sa PUJ dinhi sa Sugbo.
Sa pagkakaron, P6.50 ang minimum nga pletehan sa PUJ apan gumikan sa kanihit sa mga sinsiyo sa tag .25 sentabos, P7 ang kolektahon sa mga drayber.


Si Yu nangayo sa pagsabot sa publiko labi na sa mga sumasakay og PUJ tungod kay dili na maagwanta sa mga drayber ang kamahal sa presyo sa mga produktong petrolyo.
Nakapuno usab sa sagubangon sa mga PUJ drivers ang kamahal sa abangan sa sakyanan ug sa mga pisa ingon man ang maintenance niini.
“Kami mismo maapektuhan usab niini bisan ang among mga pamilya kay mosakay man sab mi og dyip. We are left with no choice but to ask for an increase.” suma pa ni Yu sa pakighinabi sa Sun.Star Superbalita.


Lakip ang Alyansa ng Nagkahiusang Drayber-Operator Alang sa Reporma (ANDAR) ang mangayo usab og P1.50 nga umento sa minimum nga pletehan.
Suma ni Boboy Belarmino, consultant sa ANDAR nga moduso usab sila og petition for intervention aron hangyuon ang LTFRB nga i-apil ang ilang grupo sa gipangayong umento sa CITRASCO.
Ang CITRASCO ug ANDAR pulos mga sakop sa Cebu Confederation of Transport Operators and Drivers Association Inc. (CCTODAI) diin si Yu usab ang chairman.
Niadtong Augusto 2009 giduso ni Yu ang petisyon nga naghangyo nga P8 ang minimum fare sa Sugbo. SCG

[jonxzibit]

hunahuna-on jud na nila ug maayo kay maski .50 centavos pa ila e umento musunod jud tanan palitonun ug umenton, kita ra gihapon tanan ang mag-antos, wala naba ni kahumanan? or sulosyon lain? so everytime nalang mag-umento ang gasolina umento sad ang tanan, so next year ug ka lima mag-umento ang gasolina umento napud sa pletihan ug musunod napud ang mga palitonun ug umento dayon, hantod kanus-a mana mahuman? dapat mangeta ang goberno ug solusyon before ulahi na ang tanan na si Pedro dili na makapalit ug bugas tungod sa kamahal

[Dondon]

https://www.istorya.net/forums/politi...-increase.html