Kani lagi nag edad na ta, di na jud malikayan nga malagas ang buhok sa agtang.
Nag anam na kasinaw, mura'g bukid nga sa unang panahon napuno sa kahoy pero karon nabiktima na sa illegal logging. Ayaw ug kumpyansa diha, katawa tingali ka pero padung pud ka ani unya.

Ang mga sayantis nag ingon nga subay sa ilang research dunay mga chemical changes sa atong lawas nga maoy nakaingon sa pagkalagas sa atong buhok. Pagchur mo diha oy mga sayantis, kung tinuod pa na inyong nadiskubre abir sultii kuno ko ngano nga kung kanus-a magsugod ug kanipis atong agtang mao man say pagsugod ug baga sa atong bungot?

Sa iningles pa, is some kind of joke?

Turn off kasagaran ang babaye kung sinaw na ug sugod imong agtang. Mensahe para sa Ginoo kung nakadungog man gani siya karon, "Unsa man ning imo Lord, bugalbugal?" Karon nga nagkinahanglan na ta sa atong buhok para pang chicks, manglagas na hinuon. Sa bata pa ta nga di ta mocare ug iring iring, baga kaayo tag buhok, angayan kaayo. Unya karon sa edad nga magpatsansing na unta, nag-anam na man nuon kahanaw?

There comes a stage in your life when hair starts falling away from where you need it the most and starts growing in your face. Abot pa gani sa suwang ug li-og usahay. Why not put all those growing mustache and beards in my head instead?

Mao nang makaingon ko usahay bugalbugal man tingali ni, mag-anam kasinaw imong agtang pero mag-anam kadaghan imong bungot. Ibalhin kaha na diri sa ibabaw?