Faith and Photoshop
By Gerard Pareja
Cebu Daily News
First Posted 14:01:00 01/13/2009
Filed Under:
Sinulog
Sinulog na sad, ?say ayo? Makig siko-siko ka ba sa panon o mangape nga mag sud-ong sa TV?
Sinulog na sad, super Photoshop ilad na sad? Duna na say hayag nga kalangitan gikan sa laing lugar nga mosapaw tinuod nga dag-um ibabaw sa gasayaw og sinulog.
Duna na usay mga pinangitngit nga hulagway ug mga kinagisang ilok sa mga nanga-ihas sa layers sa Photoshop. Wa pay labot mga unggoy nga gibaliw sa High Definition.
Okay ra man kining maong gimmickry kon gibayran ka paghimo niani. Ingnon ta pananglitan nga dunay taga Santander nga buot may hulagway nga naa sila atubangan sa Mayon Volcano. O diba dunay ginikanan sa bata nga ga-grass skirt nga buot dunay beach sa luyo sa ilang anak. O diba hinuon dunay bayot sa Alaska Mambaling nga gusto nga makig tupad ni Papa Piolo sa usa ka 5R. Okay ra kaayo kini.
Apan dili kini mayo nga himuon kon ang bangga kabahin sa pagka maayong laki nga manin****. Kay ang mga photography contest man gud kabahin mas paabtikay sa pagdakop sa higayon ug sa pagsabot sa kinotuban sa imong hinagiban nga mao ang camera.
Sa akong pagsabot ang photo contest duol sa speed chess diin kinahanglan nga igmat ka ug lawom ang imong kahibawo sa duwa nga semi-instinctive na ang imong lihok ug nga dina kinahanglan nga mopinsar kag pipila ka minuto. Kay kon iuli pa nimo ang imahen sa inyo haron imong wiwi-on layu na kini sa speed chess ug mas duol na kini sa jigsaw puzzle. Dili na kini duwa sa cowboy (nga pa abtikay sa draw) kon dili duwa na kini sa beautician/mortician diin ang bati nga kaplag pagwapahon. Ang tumong baya ning maong kalihukan mao man ang panindutay og kaplag.
Ug sa photocontest sa usa ka event sama ning Sinulog mosamot ka surambao kining pag Photoshop. Ang tumong mao ang pagkaplag og imahen nga mopakita sa kaanayag sa pista, dili ang pag-usab sa nahitabo. Kon dag-um usba ang imong aperture ug ISO, ipakita nga bisan sa dag-om dili mawa ang kadasig sa mga debuto ug sa mga mananyaw. Dili kay ang langit maoy imong usbon, binayot man na. Dawaton nimo ang hagit sa panahon dili kay mouli kas inyo ug mangita kag blue skies sa imong files.
Ug kon law-ay alang kanimo ang balhibuon og ilok nga mo-isag kandila pangitag laing angle. Ayaw pagbinugo nga magkiskis kana hinuon niani sa Photoshop.
Ug kon way drama sa sidewalk nga imong gibarugan, ayaw pagtinapulan, suroy! Ihalad kang Senyor ang imong mga baktas ug lakang. Ayaw og pamiktyor lag candle vendor unya imong dayong pangitngitan ginamit ang multiply tool sa layers dayon pakapinag desaturation. Duwa man ni sa amaw.
Ang pag gamit sa photoshop sa usa ka photo contest sa usa ka event mao ang pagangkon sa way pagsalig sa kaugalingong trabaho. Sa ato pa wa kay Faith sa imong entry. Mura ra kag mi-intrag relihion para mangwarta.
Ang tanang kalihukan dunay kultura ug pilospiya ug ang kalihukan sa photography dili exempted niani. Duna kini iyang pamalaud ug pamaagi sa duwa nga kinahanglang sundon para makuha mo ang kalampusan ug kalipay sa kaplag sa usa ka imahen. Tingali mahibaw-an mo kini kon kanunay kang magbitibit og camera sulod sa pipila katuig.
Mao nga gihangyo nato ang ga organize niining maong photo contest nga mopilig jurado nga dili painter o politico ang kadaghanan. Kon mahimo tulo unta sa lima ka jurado mga manin**** nga tinuod.
Originally Posted by radiostar
Reply With Quote
Posting Permissions
