Adlaw Sa Paghukom... (para maundang inyong lalis)

[YJOB]

---

Ug sa gikatakda nga panahon niabot na gayud ang adlaw sa paghukom sa mga buhi ug mga minatay.
Sa katapusan naaninaw na sa tanang katawhan ang dagway sa Dios sa dihang nikanaog siya gikan sa langit.
Inubanan sa mga anghel, si Kristo Hesus nagbarog tapad sa iyang Langitnong Amahan.
Wa sila manglingkod ka'y wa man silay lobot.

Ug tuod man, usa ka malanog nga tingog ang nagmando sa tanan sa paglinya aron masugdan na ang paghukom.
Taas kaayo ang linya apan wala kini panumbalinga sa mga tawo ug sa mga nipanaw na.
Pila ka gutlo human misubang ang adlaw nagsugod na pagpanawag sa mga ngalan.

Pag-abot sa alas dose sa udto, ubay-ubay na ang nahukman, pulos balhog sa imperno.
Laing pangalan na usab ang gitawag, nabalhog lang gihapon.
Wala pa'y bisan usa nga nahukman nga pasaka-on sa langit.

Nilandong ang kalangitan pag-abot sa kahaponon.
Wala pa gihapon bisa'g usa nga nakasaka sa langit.
Kini nagmugna na karon ug gamay nga kasikas gikan sa mga nahabilin sa linya.
Gihugonhugon nga basin silang tanan ma-imperno.

Sa pwesto nga gibarogan sa Dios Amahan ug ni Kristo Hesus mabatyagan nga dunay gamay'ng pagkatingala.
Dili makato-o si Hesus nga sukad pa ganinang buntag wa pa gihapo'y naswertehan nga malangit.
Ang mga anghel usab nahibulong na, apan wala sila magpadayag kay dili sila buot mosamok sa maong paghukom.
Pagka alas singko wala na mahimutang ang Dios Amahan ug siya namulong,
"Ang mga apostoles palihog bulag sa pundok ug paduol kamo diri sa akong atubangan".

Tuod man, ang mga apostoles nibulag sa linya ug nagpaduol sa ganghaan.

Ang Dios Amahan nagkanayon,
"Pedro, wala ako mahimuot sa nahitabo karon. Hapit na mosawop ang adlaw wala pa gayud ako'y nakuhang ma-langit bisan usa".
Si Pedro nagkanayon sa nagkurog nga tingog,
"Ginoong Dios, wala ako'y igong katakos pagtubag sa imong gipamulong".
Si Hudas mipaduol kang Pablo ug mihunghong,
"He He tabla diay ta tanan ani kun mao"

Namulong pag-usab ang Dios Amahan,
"Mateo, dad-a sa akong atubangan ang kasulatan".
Tuod man gibutang ni Mateo sa lamesa ang Bibliya nga iyang gisipitan.
"Unsa man kini?", matod ni Kristo Hesus sa dihang nakakita siya sa libro diha sa lamesa.
"Magtutudlo, mao kana ang Bibliya nga imong gipasulat kanamo."
"Mao ba? Ngano'ng baga man kaayo ni?", matod ni Hesus.
"Among gitipon diha anang libroha ang mga lain lain nga libro nga imong gipanugon Kristo Hesus", tubag ni Mateo.

Niining tungora niapil na pagtubag ang ubang mga apostoles.
"Naapil sad diha ang akoa, Magtutudlo", matod ni Juan.
"Ang akoa pud naa diha", matod ni Pedro.
Ug ang ubang mga apostoles nagbanos-banos pagpasigarbo sa ilang mga nasulat sa Bibliya.
"Tinahod nga Magtutudlo, gisagulan pud kana namo sa libro sa mga Akto, sa Henesis, mga Pasumbingay, mga Rebelasyon ug uban pang mga pagtulun-an", nisagbat si Lucas.
Nipuno si Mateo, "Wala na lang na namo mahan-ay sa sakto kay naglibog na mi. Ang uban naa sa awahi nga parte".

Si Hesus nangalot sa iyang ulo ug nagkanayon,
"Sa katapusan natong panihapon nagbatbat ako ug mga libro. Apan gipahimangno-an ko kamo nga kining mga libroha nga akong gitugon mao kini ang mga libro nga ayaw i-apil sa Bibliya kay kini sila pulos sipyat pagkasulti. Hastang paita ninyo, wa gyud diay ta magkasinabot. Pulos wa'y labot ang inyong gihan-ay. Bantog ra perte baga-a aning inyong Bibliya!".

[amingb]

Lawgawa nimo bro oi ... dis-a man ka ana ? Nipis rajud diay unta ?

[YJOB]

Naglabad man gud akong ulo diri nagtrabaho sa website mao nakahunahuna ko ana he he

[barcode 999]

sakto jud!
pwerte jud mingawa sa langit inig abot sa adlaw sa pag hukom!
kita lang nya ta ngadto sa impyerno ha! wahahahahaha! :mrgreen: