Biktima sa sunog

[joannecoralde]

---

Hello,


In summary, usa mi sa biktima sa sunog nga nahitabo sa may villa zacate basak pardo bag-ohay plang - August 2017. Ako lang unta ishare akong mga pangutana, kahiubos og kalibog basin naa moy ma advise o kabalo sa mga tubag.


Ang kanang yuta nga gitukuran sa among balay sa wala pa nasunog ginatag-iya sa mga ocariza - si buenaventura ocariza o itawag ta lang nga Toben og ni Tito Ocariza iyang igsuon. Mga 50-60 yrs na mi nagpuyo anang yutaa as renters - nagbayad mi og renta sa yuta pero amoa ang balay.


Usa ka adlaw after pagkahitabo sa sunog nga ilang paryente ra pod ang naghimo, nagpatawag og meeting ang si Toben og nagpahibaw namo nga kami dili na pwede makabalik pa sa yuta kay daw kuno iya na kini nahatag sa iyang mga anak og apo og ang desisyon nila kay patukuran og apartment ang yuta. Kung ganahan daw mi mo abang ila mi iprioritize pero kay apartment style man ang building for sure mahal jud ni og abang - kasagaran ra intawn sa amoa kay nanagtrabaho as construction worker o mga security guards so dili jud mi ka afford ani nga renta. Sugtan ra mi nila nga magtukod og barong barong sulod sa 3-4 ka bulan pero sa adlaw nga kinahanglanon na jud ang yuta dapat na jud ming mamahawa - mao ni ang ilang kondisyon.


Although kasabot mi nga sila ang tag-iya sa yuta, makahiubos lang kay mura ra gani ming gbalewala. Sulod sa 50-60 katuig ming nag-abang sa yuta. Katong gpatas-an nila ang ilang abang, nisugot ra mi kay lagi nag-abang ra mi sa yuta wala gani sila nag release og opisal nga resibo sa amoa everytime mobayad mi sa abang although naa silay gpakita nga tax declaration sa amoa - take note tax declaration og dili titulo sa yuta. Dakong question pa jud na sa amoa kung sila ba jud ang tag-iya kay matud pa sa katigulangan nga maoy nag una jud og puyo anaa nga yuta, dili daw na ilaha. Ang original nga tag-iya sa yuta mga wala daw alamag anang mga titulo titulo og ang mga ocariza ra ang nag sugod og bayad og tax - wala ko kabalo sa unsa juy istorya kung ngano pero ang hungihong sa amonga mga silingan, naa daw ocariza sauna nga nagtrabaho sa register of deeds og pakahibalo nga naay yuta nga duol ras ilaha nga walay titulo ilaha daw gsugdan og bayad ang tax aron ingnon nga ila ang yuta - again, rumors ra ni sa among mga silingan.


Pangutana..


1. Ma consider ba jud nga sila ang tag-iya sa yuta kung ang ilang ghuptan nga papeles ang tax declaration ra? Kung tinud.anay jud sila nga ga tax sa yuta, ngnao dili man sila mo relese og opisyal nga resibo nga unta dako mana nga business ang magpa renta og yuta.


2. Wala ba mi pagahuptan o katungod nga manag-iya o ba kaha mo offer og paliton ang among tagsa tagsa ka yuta nga g.abangan nga sulod sa 50-60 katuig naman ming naa ngara og kada bulan mi walay paltas nga ga-abang?


Sa pagkakaron, naa pa mi nag puyo sa gym tanan, nag-antos og naghulat sa desisyon sa gobyerno og sa tag-iya sa yuta kay wala naman jud mi lain nga kapaingnan.


Salamat.

[cloudduster]

Maypa mo adto ka sa DYAB, kay maka dungog man ko ana sa radyo usahay mga ing-ani nga problema, nya ila mong tagaan og advise. Daghan mga kaso ani, I'm sure matabangan mo nila. But then again, dili lang mo mag expect kay, di man kamo tag iya sa yuta.

[Dwardzed]

Kung sila nay gabayad sa tax ana TS, sila gyud maoy dayag nga tag-iya.
Kasagaran sa mga yuta nga wala pay tag-iya mao man na ilang buhaton ilang posisyonan human pahimoan dayon ug tax declaration.

[dinero]

it does not matter kung sila ang owner jud sa yuta or not. what matters is - kung kamo ba ang owner sa lot. ang real questions will only revolve around ani.

[jgore]

Adto mos Mayor's office maam kay basin makatabang si Tomas or adto mo sa mga media facilities para daghang makatabang ninyo ug matagaan mo ug Legal advice. Ayaw dire kay although naa miy mga insights but kani nga issue e-adto jud ni ug abogado. Adto mo ni Atty Gerry Carillo kay kana nga mga kaso iyang forte.

[Watever_watever]

TS pila mo kabuok diha nga pamilya? kamo tanan pareha ug case nimo? or kamo ra? patabang mo sa mga Public Attorney naa sa capitol aron madali na inyong case kay luoy pud mo diha sa gym

[slabdans]

1. una wala nila himoang negosyo nga magpaabang sa maong luna para makatukod mo ug panimalay mahimong ang sabot kaniadto mahug lang ug sabot2x sa inyong ginikanan. sila nag bayad sa tax declaration aw sila gyud tag-iya.

2. dili na under agrarian law nga yuta na after years of tenure pwede ng ma inyo, dili man mo saop, suma gud mao nay nadatoan sa mga ayala ang mga negosyante motukod ug building pinaagi sa pag abang sa yuta sa mga ayala after many years of leasing kung dili na e renew sa ayala or sa nag rent ang contract ayala nasad ang tag-iya sa building.

swerte pa gani mo kay gihatagan mo ug 3months nga lugway ngara