All about Meditation.

[Stingray Sr.]

---

Katong gustong magmeditate:

Osa kamo makameditate kinahanglan sundon osa ninyo
ang 3 laws of the universal soul.

Sunda kini ninyong mga balaod sa kalag

1.) Ayaw paghukom.
Ayaw paghukom sa bisan kinsang tawo.
Kay ang paghukom nagatigum og negatibong energiya nga makaapekto sa tanang kalag.
Walay "peace of mind" ang tawong maghukom kanunay.

Ayaw hukmi ang mga ginikanan.
Ang mga ginikanan ana sa taas nga level kumpara sa dili pa ginikanan.
Busa ang paghukom sa ginikanan adunay negatibong epekto sa kinabuhi sa naghukom.

Ayaw hukmi ang imong maestro o magtutudlo.
Kung mohukom ka kanila,
maglisod sila pagtudlo kanimo
ug ikaw dili na makakat-on kay lisod ka na man tud-loan.

Ayaw hukmi ang imong isig ka tawo.
Kung dili kita mohukom, sayon ra kaayo para kanato ang pagsabot sa kahimtang sa atong isig ka tawo.
Kung dili kita mohukom kanila,
Sayon ra kanato ang pagtabang kay makita man nato
nga angay nato silang kaluy-on sa ilang kahimtang.

Kung dili ka mohukom, dili usab ikaw hukman sa imong isig ka tawo.
Mas daghan ang gustong makighigala kanimo kung dili ka mohukom.

[br]Posted on: October 01, 2007, 02:01:59 AM_________________________________________________2 .)Pagmatinud-anon sa kanunay.(Be honest)
Ayaw pamakak. Ang pagpamakak makapahak sa pagsalig sa imong isigkatawo nganha kanimo.
Kung mamakak ka, kinahanglan tabonan kini nimo ug laing bakak aron mamahimong katuhuan.
Hangtod nga dili nimo mamatngonan nga ang usa ka bakak, nagkutaykutay ug daghan pang bakak.

Ang pagpamakak musangko sa ubang dautang binuhatan, sama sa pagpangilad, pagpangawat, pagpanglibak, pamasangil ug pagtumotumo.

Ang pagpamakak maoy binuhatan sa usa ka irresponsabling tawo.
Ang pagpamakak makahugaw sa imong kasingkasing ug kalag.

Adunay duha ka klase sa pagpamakak, ang white lie o bakak nga makaayo. ug malicious lie o bakak nga makadaot.
Apan usahay hanap ang linya nga nagbahin sa maong mga bakak.
Busa ang dili pagpamakak o dili pagtubag mao ang pina kamaayong buhaton.

Example:
Naay lalake nangutana kanako kung gwapo ba kuno siya.
Kung mosulti kog OO, makapamakak man ko.
Kung mosulti kog DILI, mapasakitan sad nako iyang pagbati.
Aron dili ako maka pasakit
ug dili usab ako mapugos pagpamakak,
mao kini akong gitubag.

Kung Gwapo ka, Gwapo ko!
(Nangatawa dayon ming duha!)
[br]Posted on: October 01, 2007, 02:18:41 AM_________________________________________________3 .) Respetuhi ang tanag butang.

Ang mga Mananap angayng respetuhan kay binuhat kini sa diyos.
Apan adunay mananap nga kinahanlanon sa tawo aron mabuhi ang tawo.
Sama sa isda, baboy, baka, manok, kanding, karnero ug uban pa.
Kining mananapa pwede natong patyon aron kan-on.
Apan dili kini sila nato patyon sa walay hinungdan.
Sama sa pagsabung sa manok, kaka ug uban pa.
Sama sa pagpusil sa langgam aron makatarget shooting.

Ang kakulang sa respeto maghatud og balik kanato sa mga kadautan.
Kung mokaon kag iro, lagmit mapaakan usab kag iro.

Ang kinaiyahan angayng respetuhan.
Sama sa mga kahoy, tanom, tubig ug yuta.
Ang kahoy mas tiguwang pa kanato mao nga angay kining respetuhon.
Unsay nahitabo sa Luzon diin kusog ang illegal logging?
Gibungkag sa baha nga nagdalag mga dagkong kahoy
ang ilang kabalayan
ug nidangat sa kamatayon sa daghang lumulopyo didtong lugara.

Ang imong kaugalingong lawas angay nimong respetuhan,
pinaagi sa dili pag-inom, sigarilyo o pagyupyup og mga ginadiling druga.
Respetuhi usab ang imong sekswalidad, ayaw abusuha pinaagi sa pagsigeg *** o m_s_u_b_tion.


[br]Posted on: October 01, 2007, 02:32:33 AM_________________________________________________K ung matuman nimo ang tulo ka balaod sa kalag,
anha pa nimo maexperience and tinuod nga epekto sa meditation!
Kada tawo lainlain ug epekto o eksperyensa sa meditation.
Kini personal kaayo nga butang
nga respetuhon sa tanang mga nagmeditate.
Dili angayng pugson pagpasulti
kung unsay iyang nakita sa meditation ang usa ka tigmeditate.
Kinahanglan makaeksperyensya ang maong tawo kung unsa gyud kini,
aron makasabot kung unsa ang meditation.

Kung musuway kag meditate nga wala tumana daan ang balaod sa kalag,
magduka o makatulog ka lang.

[br]Posted on: October 01, 2007, 02:42:33 AM_________________________________________________A kong tubagon ang inyong mga pangutana bahin sa meditation.
(Ayaw lang mo paghisgot ug relihiyon kay ma-"out of topic" ta ug ma-erase ang tibook topic.)

[BushidoFMA]

sakto ka bro nga ma erase tood ang tibook topic.

heheheh, kato laing topic nimo mura man gud ka nag buhat na ug imong relihiyon. hehehehe

pero sayang to ha nindot baya toh!

[Stingray Sr.]

Salamat bro.
Gusto lang ko maaware ang mga tawo nga ang kalag wala nagkinahanglan ug religion.
Nahinumdum ka sa kanta ni John Lennon? Sakto manto siya!

[e_l_q]

[silent-kill]

kanta ni john lennon imagine! . asa naman tong thread nimo. heheeh bilib ko nimo bai you think for yourself.! not like others who make other people deside for themselves ehehehe peace

[Stingray Sr.]

kanta ni john lennon imagine! . asa naman tong thread nimo. heheeh bilib ko nimo bai you think for yourself.! not like others who make other people deside for themselves ehehehe peace

Yes, Imagine by john Lennon.
Si Jonh lennon ang akong idol bro.
Siya man gud ang nagintroduce sa transcedental meditation sa west.
Imagine, 151 songs iyang nacompose
ug tanan nindot nga mga kanta ug original pa.
Kung musikero ka
makaapreciate jud ka sa iyang mga kantang nahimo
nga dili standard ang mga chords.

[The_Child]

Sa Zen, dili na kailangan aning mga butang nga imong gipanghisgot. Ang Zen dili relihiyon. Wala man gani maghisgot ug Soul ang Zen. Ang kailangan lang sa Zen meditation kay Emptiness in thought.

[JX]

OT: asa na man to imo topic.. sayanga naa rba koy pangutana did2..

[BushidoFMA]

bitaw petisyon ta sa ADMIN ibalik to kay naay daghan nindot nga ponto didto about sa soul.

kahinumdum pa ka ato Stingray?

In Zen wala man guy fixed nga principle when it comes to that matter(soul). They say wala pero in practice kung imong tan awon murag motoo cla nga naa,hehehe. anyways dili man ko expert sa Zen buddhism, opinion ra to nako.

[The_Child]

bitaw petisyon ta sa ADMIN ibalik to kay naay daghan nindot nga ponto didto about sa soul.

kahinumdum pa ka ato Stingray?

In Zen wala man guy fixed nga principle when it comes to that matter(soul). They say wala pero in practice kung imong tan awon murag motoo cla nga naa,hehehe. anyways dili man ko expert sa Zen buddhism, opinion ra to nako.

other forms of Buddhism cguro but in Zen wala na. Unless of course you equate Soul with Consciousness. Sa Zen there are no unnecessary rituals, just meditate away in nothingness.