Handlebar Dili na Smooth I Steer on Slow Speed

[redcat_13]

---

Ang sakto unta ani kay ako ni dad-on ni Mr. Mekanik pero wa pay budgetz... ngayo lang sa kos inyung mga opinion sa.. karong sweldo na nako ipatan-aw..hehe

Mga 1 week na ni siya.. kung nag hunong lang akong scooter, okay raman i liko2x ang handlebar although motingog na siya gamay (squeaky sound).. ang problema if magdagan na siya then inig menor nako.. or bisan at slow speed (at high speed medyo stiff naman ang handlebar jud ana so ok ra)..

especially filtering in traffic, hasul kaayu kay kailangan pag effort para lang maliko gamay ang handle bar.. ig lusot2x kay mo brake nalang gud ko usahay kay ig liko nako dili naman lumoy i adjust gamay ang steering so usahay masobraan na nako nuon kay ako naman pangusgan gamay.. dili jud ingon nga gahi ha.. pero medyo ungot jud gamay.. lumoy raman unta ni before.. everyday ko lusot2x sa traffic, karon lang jud ni mga pila ka days..

mura ni siyag: kasulay mog agi anang groovy nga dalan, like kanang ga re-asphalt (or tarmak).. di ba medyo effort gamay kung mag adjust kas handlebar.. medyo ing-ana siya ba pero a little harder pa guro..

akong duda before kay basin over or under inflated lang ang front nga ligid, mao to nag try jud kog lain2x nga pahanginan, mao ra japon using the recommended psi which is 29 sa front..

ako pud gi try check for bulges ang ligid or anything, ok raman pud.. ang medyo suspicious lang kay dili kaayu mo free wheel ang ligid (front wheel).. mura bag gapa-ak gamay ang front brake (disc brake).. which pointed to me nga kapila na pud d i ko na biktima sa akong disc lock.. hahaha..

bag-o pa man ko kapalit gud anang disc lock kay uso na ang kawat sa IT then usahay akong malimtan.. kapila pud nga time nga ni dasuk ang disc lock gud, lisud kaayu kuhaon..gi dukduk pa aron matangtang.. i don't know if mao ba ni siya ang rason.. pero basin mao ni hinungdan guro dili na kaayu mo free wheel ang front wheel.. basin ni bawg gamay ang rotor.. paet..

so, fellow riders.. what do you think? thanks..

[666satan]

naa problem sa imung ball race ana bro...kana gani mag dagan ka...mosukol asa ka dapitbarato raman ang ball race sa para scooter...kung mio na...adto sa 3's shop...

[redcat_13]

naa problem sa imung ball race ana bro...kana gani mag dagan ka...mosukol asa ka dapitbarato raman ang ball race sa para scooter...kung mio na...adto sa 3's shop...

yup, in-ana bro.. at least if dili makuha sa akong mekanik, naa koy ma suggest.. thanks..

[666satan]

mao mana ang common problem...

[redcat_13]

update.. okay ra daw ang rotor sa disc brake.. dili man jud daw na mo free wheel ang mga ligid daw.. well, motoyok gamay pero moabot ug usa ka tuyukan jud.. unless kung kusgon jud nimog patuyok.. so no probz ra ang rotor..

sa handlebar, wala ko kapangutana kay naay nitawag nko sa phone.. then pagkahuman pud kay nisulod na balik si mr. mekanik.. wala nalang nako gipatawag pud kay busy.. pero akong nakita ato kay giduk2x man to niy ang kanang dapit sa tunga2x sa tubo nga nag connect sa handlebar ug sa fork.. gigamitan niyag martilyo ug puthaw nga murag gilansang kunuhay niya.. mao ra to akong nakita.. pagka taud2x gibalik nag taud mga front fairings..

karon ok na.. ambot murag lumoy raman pud kaayu or basin nabag-ohan lang ko kay mga 1 week pud ko atong inantus sa ungot2x nga handlebar..

and also, wala raman sila pabayad.. under warranty pa man sad gud ni akoa.. tagaan lang nakog 50 petot si mr. mekanik.. hehe..