CEBU, Philippines - Nagkagubot ang kapulisan sa dakbayan sa Sugbo niadtong Domingo sa gabii human tulo ka mga lalaki ang nangilog og mga sakyanan ug motorsiklo sulod sa lima ka higayon ug namusil pa og duha ka mga drayber.
“Triping lang sa mga bugoy,” kini ang gibutyag sa hepe sa Theft and Robbery Section sa Cebu City Police Office sa gibuhat sa tulo ka mga lalaki nga nangilog og mga sakyanan.
Sa imbestigasyon sa kapulisan nasayran nga una nga gisakyan sa tulo ka mga lalaki ang usa ka Emerson Taxi nga gimaneho ni Elinito Catalia, gikan sa may dalan Jakosalem, Cebu City, diin nagpahatod ang tulo paingon sa Tungkil, Minglanilla.
Matud pa sa drayber sa taxi, nga pasado alas 5 sa hapon mipara kaniya ang tulo ka lalaki nga gihulagway niya nga ang usa menor de edad, ang usa tambok ug bangason samtang niwangon ang ikatulo.
Pag -abot nila sa usa ka gasolinahan sa Barangay Pooc, sa usa ka gasoline station gipulihan siya sa manobela sa usa ug gipadagan kini paingon sa barangay Tabunan, Cebu City ug pag-abot didto gibanggaan ang usa ka motorsiklo.
Naangol ang sakay sa motor nga si Gasoni Alibanggo, 29, taga Sta. Lucia, Asturias ug ang back rider niini nga si Julius Capuno, 38, taga Kantibas, Balamban. Human niini migawas pa sa taxi ang usa sa mga suspek ug gipangitaan og armas si Capuno, tungod kay wa may armas ang biktima gipusil kini dayon sa iyang tiyan. Lain nga drayber sa motorsiklo nga gimaneho ni Ramil Abatayo, 26, nga taga Tungkay, Toledo City nga milabay sa maong lugar mihunong unta sa pagtoo nga dunay aksidente.
Apan giduol hinoon kini sa mga lalaki ug gihapak ang ulo gamit ang armas ug gikuha ang iyang motor nga gigamit sa pagsibat.
Pag-abot sa maong mga gikatahapan sa Barangay Lahug, ila na ‘sab gihapit ang sports utility vehicle nga gi-parking kilid sa kalsada nga gimaneho ni Eleanor Rivera, 53, taga Baragay Lahug kauban ang iyang helper. Walay daghang pangutana gipusil ‘sab kini sa mga gikatahapan ug gisakyan ang SUV paingon sa Barangay Bonbon.
Pag-abot sa maong lugar, ila na sab nga gibabagan ang usa ka motorsiklo nga gimaneho ni John Paul Zamora ug pugsanong gikuha ang motor ug ilang gisakyan palayo.
Hangtud nga ilaha na usab nasugatan ang usa ka multicab nga ilaha na usab gidrayban ug nag-ilis sa ilang mga sinina ang tulo ug pag-abot sa crossing Plaza Housing nanakay sila og rota nga 04H, pabalik sa downtown area sa dakbayan.
Sa nakita nga rota sa kapulisan, kombinsido ang hepe sa TRS Police Chief Inspector Noli Cernio nga dili pagpangarnap ang motibo sa tulo ka mga lalaki. Dako ang pagduda sa kapulisan nga posibleng nag-triping lang sa maong mga lalaki nga gusto niini nga manggubot sa dakbayan.
Tulo ka tawo nangarnap nag
Ah! grabeha wa man gyuy nakadakop mura ra man nagduwa.duwa ning mga amaw.. Di mauwaw atong mga pulis ani?? Nagkatawa ra ning mga amawa karon.. Hilig siguro ni duwa ug GTA..
Originally Posted by wh3ng2004
Reply With Quote
Posting Permissions
