[IMG]
[/IMG]
Para ni sa tanan nag trabaho sa Mactan Export Processing Zone
Ang Siyudad sa Lapu Lapu adunay memo nga gipasaka nga naga ingon nga mo kolekta sila ug tag usa ka gatos pesos kada tuig sa matag empleyado sa MEPZ 1 Pusok, MEPZ 2 Basak Tamiya ug MEPZ 3 Cebu light industrial park. Para sa tuig 2014 hangtod sa mga sumosunod nga tuig mo due kini sa dili pa ang ika 20 sa Enero. Murag usa nasad kini sa pamaagi aron mo income o madugangan ang income sa siyudad sa Lapu Lapu buot huna-hunaon dako jud kaayo ning kwarta kay pila kaha ka libo ka mga trabahanti nga nag trabaho sa MEPZ 1, II ug III
ayay ka! e multiply daw nag 100
Ang pangutana asa man daw gamiton ang maong tag 100 nga singil sa Lapu Lapu City ngadto sa mga trabahanti sa MEPZ? Asa man na paingon kwartaha ug unsay purpose ana? purpose ba... PURPOSE... Unsay makuhang benipisyo sa mga trabahanti sa MEPZ anang ilang tag 100 nga kolekta? Makatabang ba ni sa mga trabahanti sa MEPZ? Makatabang ba ni sa Katawhan sa siyudad sa Lapu-Lapu? Unsa may makuha nato ani? Tanan trabahanti sa MEPZ magpatubil ug gasolina sa lapu lapu naay discount? Unsa may mga project nga mahimo ani? tanan waiting shed sa Lapu Lapu ipa aircon?
Ako isip trabahanti sa usa ka kumpanya ngari sa MEPZ ug residenti sa lapu lapu nagpamungot ani nga ordinansa.
Dako na gani kaayo ang deduction sa akong witholding tax kada sweldo unya naa pa jud ning tag 100 nga yano ra kaayo gipangayo sa Lapu Lapu City nako kada tuig. Gamay ra kaayo nang 100 kada tuig uy halos di na makita sa akong yearly expense pero kung akong huna-hunaon pila mi kabook trabahanti sa among kumpanya diri sa MEPZ 1? 3 shift unya kapin 100 person every shift gamay ra gani kaayo ni amo trabahoan unya ang MEPZ 1 dunay 165 ka kumpanya wa pa nay labot sa MEPZ 2 ug MEPZ 3 karon inig human sa tuig makita paba kaha to akong 100 sa kadaghan namayad? TSK TSK TSK!
Naa pa jud.... Kung mangapply ka diri sa MEPZ secure sa kag working permit sa city hall tag 100 ra sad noon.
Haaay pagka nindot manarbaho diri sa MEPZ lapu lapu city uy! Dagko nag deduction, Daghan pa jud deduction unya gamay rag sweldo.
Mag post nalang kaha kos buy & sell : For sale Lapu Lapu City Php100 fix price
naa kahay mo palit?
NOTE: Bisan taga asa pa ka nga siyudad o probinsya o planeta kung diri ka mag trabaho sa MEPZ andam nalang nang pang ice water nimo for 100 days obligado gyud mao nay giingon nga kung dunay No Work - No Pay naa sad tay No Pay - No Work unya ganahan ka?
Comment
Lapu Lapu City to charge MEPZ employee 100php annually
Reply With Quote
Posting Permissions
