Pikat sa ikatulong distrito
ARANGKADA By Leo Lastimosa (The Freeman) | Updated May 24, 2013 - 12:00am
Si Mayor Gay Yapha sa Pinamungajan wa igdungog nga dunot og taras. Bisan sa iyang pagpangahas pakigsakbang ni suspendidong Gobernador Gwen Garcia sa piniliay pagka kongresista sa ikatulong distrito sa Sugbo, wa siya mabaniog nga bagis. Bisan diriyot niya mapilde si Garcia, wa siya mabantog nga maginukdanon. Bisan napukan ang ilang liderato sa Pinamungajan, way makapasangil ni Yapha nga madinumtanon.
Maong di tang kapaabot ni Yapha nga mamikat sa mga botante sa ikatulong distrito nga nipaluyo sa iyang kaatbang. Bisan kon ang iyang mga kontrobersiya sa Kapitolyo maoy gitumbok nga nitapos sa dul-an sa duha ka dekada nilang pagpanghawod sa politika sa Sugbo.
***
Apan may abundang sukaranan si Yapha sa pagpamikat. Kay tungod sa ilang pagpili ni Garcia, ang mga molupyo sa ikatulong distrito mahimong kahikawan sa ilang katungod nga marepresentahan sa Kongreso. Kay samtang nagkapupos nang unom ka buwan nga pagka suspenso ni Garcia, nitumaw ang dakong kahigayonan nga di nang kabalik si Garcia sa Kapitolyo. Mahimo ganing di dayon kalingkod sa iyang bag-ong katungdanan sa House of Representatives.
Kay dunay nag-ung-ong nga laing unom ka buwan nga pagka suspenso batok ni Garcia. Tungod sa mga kasong kriminal nga gipasaka batok niya nga gipaabot nga husayon na sa Sandiganbayan sa mosunod nga mga adlaw.
***
Ang ikaduhang hugna sa pagkasuspenso ni Garcia di mapapas bisan nidaog siya sa niaging piniliay. Kay ang maapil sa kontrobersiyal nga “Aguinaldo Doctrine” mao rang silot sa mga kasong administratiba. Nga maoy hinungdan sa pagkasuspenso ni Garcia sugod sa Disyembre 19 sa niaging tuig hangtod sa Hunyo 19 karong tuiga.
Ang tigpamaba sa Liberal Party (LP) sa Sugbo, Atty. Democrito “Mocring” Barcenas, nihingan og laing doktrina sa pagkasuspenso ni Garcia tungod sa tulo ka kasong kriminal sa Balili property: “Muntinglupa Doctrine.”
***
Kon masumpayan ang pagkasuspenso ni Garcia karong Hunyo 19, mahimong di siyang katubag sa roll call sa bag-ong Kongreso karong Hunyo 30. Mahimo ganing di kalingkod hangtod sa Disyembre 19 karong tuiga.
Kay sayo mang mobakasyon sa Pasko ang mga magbabalaod, mahimong unya na makalingkod si Garcia sa liwas sa bag-ong tuig sa 2014. Nga wa say seguro. Tungod sa daghang kasong kriminal ug administratiba batok ni Garcia, mahimong masumpayan pa gyong iyang pagkasuspenso.
***
Nisugo na si Ombudsman Conchita Carpio-Morales nga ikiha si Garcia tungod sa giingong mga anomaliya sa pagtukod sa Cebu International Convention Center. Padayon sang gisusi ang kasong kriminal sa pagpatabon ni Garcia og anapog sa dagat sa Balili.
Kon di dayon kalingkod si Garcia sa Kongreso, motudlo ang House Speaker og kasamtangang representante sa ikatulong distrito. Mahingpit ang insulto batok sa mga Garcia kon ang itudlo mao si Congressman-elect Willy Caminero, ang nipukan ni Kongresista Pablo Garcia sa silingang ikaduhang distrito.
Pikat sa ikatulong distrito | Freeman Opinion, The Freeman Sections, The Freeman | philstar.com
Pikat sa ikatulong distrito - Leo Lastimosa
Originally Posted by vahnhelsing
^ingnon sad kang manang gwen boss smile, pikat nimo smile..
Reply With Quote
Posting Permissions
