Cebuano Barefooters

[maniniyot]

---

Nindut ng barefoot running mga brad. Mao ni akong experience...

Sa una ga sapatos man ko mag dagan. Pag sugod nako dagan, ginagmay pa ako rounds sa abellana. 5 rounds, then 7 rds, 12, hangtod ning abot ko'g 30, 31, 32. Max na gyud na ang 32 kay sakit na kaau akong tuhod ana. Pugos na gyud na kay bisan mga 28,29 na dapit sugod na ug sakit akong tuhod. Mag takiang na ko ana ug pauli sa balay. Mo langtod pa gyud mga 2-3 days. Mag lisod pa kog saka,kanaog sa hagdan sa balay. Abi nako ug murag pamaol lang ba nga kung cge lang nimo i-1-up imong past nga performance, magka kusgan pud imong lawas. Pero abot nag pila ka bulan mao ra man gyud gyapon.

Gi pasagdan ra nako abi nako mao ra gyud na akong limit. Pero naka bantay ko'g site about barefoot professor. Maayo daw mag barefoot kay makawala daw sa mga injuries. Na intriga ko ato pero wala lang ko mo try kay ma uwaw ko. Pero wala ko ma satisfy sa akong 30 rounds lang kay balo ko kaya pa sa akong ginhawa, ako lang tuhod ang mo surender. So kaisa, ni try ko ug barefoot sa abellana. Pastilan! Mura man ug magic. Ni abot ko ug 50 rounds, gikan ko 7pm hangtod almost 9pm na. Kung 6pm ko nag sugod ato way cguro mo labaw pa to. Wala gyud ni sakit akong tuhod. Pero gi pamaolan lang ug maau akong bagtak kay ang natural tendency man gud kung mag tiniil ka kay mag mid-foot or tigki-tigki strike gyud ka kay sakit man kung heel-strike. So na-workout ug maau akong bagtak ato. Wala ra ko luthi kay humok man ang track sa abellana.

Pag seminary run atong 2009 ni dagan ko ug 10k, barefoot. Pastilan, burot-burot akong tiil sa luto. Naa pa gyud dugo sulod sa luto. Pero pasagdan lang kay ma antos pa ang luto kaysa sakit sa tuhod. hehe. Cge ra ko dagan dagan nga tiniil sa among village ato, usahay sa IT park. Ning gahi ug baga na akong kubal, wala na ko ga luthan. Ka dagan pd ko ug 21k sa 2010 nga cebu marathon. Dagko na pd kog luto ato. Pero ma antos ra.

Karon iligan na ko ga puyo. Cge gyapon ko dagan dagan mag tiniil. Trail run na pud akong trip karon, barefoot gyapon. Bisan bato-on. Bira lang gyapon. Payter na man ug kubal. hahaha.

Mao ni ako profile sa sports-tracker: Barefoot's runs

(Warning lang diay. Kung dugay-dugay na maka undang ug barefoot run, magka humok/nipis pud imong kubal, ma luthan na pud kag balik)

[goldfoxph]

naa nay daghan mag barefoot running diri cebu. naa mi kauban na mag barefoot bisag mountain route mi nya rough road...^_^
pero d pa ko sukol ani barefoot kay nipis pa kubal sa tiil! ^_^
pwede minimalist using sandals pareha anang huaraches.

[mio]

Kudos sa mga barefooters. Di lalim mag tiniil. Sakit na gani akong tiil na Nike Free pa akong gamit.

[icon_king]

@manin****

bilib ko nimu bay ni abot ka ug 50rounds

sum ol na kaayo gani maf tuyok tuyok ka ug ka 20, sa 50 pa

di gyud lalim ang mag tiniil hehehe

[vahnhelsing]

kasakit sa tiil aning barefoot pero kun maanad naka kumbate ra tingali.. sama rasad sa basket, dili ko ganahan magsapatos.
Ug mapaksit ang luto sus mura ra jud ug nangwakli ug sagbot sa tiil, nig taod taod dagan nasad..

[Code Talker]

kani moy gahi na hardcore na old school runner. amping pirmi sa dagan TS.
OT: kakita ko ug locals ga puyo sa tiilan sa Mt. Talinis, magdagan uphill/downhill ga barefoot ga pas-an pa ug prutas.

[maniniyot]

@mio
sulayi mag tiniil bro. basin mawala ra na ang sakit. nike free 3.0 gani to ako gamit sa una pero bun.og diay ako tuhod.

@icon_king
mao lagi bro. human atong 50rds wala na gyud ko mibalik ug dagan sa abellana, gi bidli na ko. hehehe

@vanhelsing
mas payter diay ka bro ka barefoot basketball. at least sa run kay dagan ra gyud. imo kay mo layat-layat pa, kalit nga liko, kalit nga brake. mao nay maka paksit gyud ug luto. hehe

[vahnhelsing]

dili kuyaw makatunob ug bildo bro? basin malinga ta ba, di kabantay nga naay bildo, saon nalang
maslice bread jud ang tiil..

[adzilla81]

paksit panit ani TS...

[maniniyot]

2x na ko natunok pero kanang gamay ra kaau, wala ra milubong gyud sa unod. kubal ra taman. mabantayan ra mn pd ug dagko na gyud nga bildo, kana likay na gyud dayon.

dili kuyaw makatunob ug bildo bro? basin malinga ta ba, di kabantay nga naay bildo, saon nalang
maslice bread jud ang tiil..