Kini ang akong suliran

[juntech12]

---

hahah kayasa muran ka ug naa sa dyhp bro

[tatajhun]

Atong balikon ang atong sponsor nga ang tigdumala mao si yanong banikanhon, ang tindahan nga nag ginganlan ug "Bongbong and Dingding Construction Supply" supplier sa amakan nga dagkog mata, kabilyang taya-on, lansang nga dumpol, gabas nga way ngipon,sundang nga way pu-an ug hilabi na gayud nga mao ang ilang kinaham nga produkto ang hollow blocks nga see thru.

Katong adunay mga suliran nga gikumkom ug nakahatag ug tumang kahoot sa ilang mga galamhan ipadayag lang sa atong mga kakaubanan...

[heliopause]

Maayong adlaw ka natong tanan karon nga ga apong niining atong pinang gang kutay gihagu-an aron sa pag alagad sa atong mga kaigsoonan nga gayud nag pas-an sa ilang sulirang nga dili gayud mapas-an kung sila ra nangita gayud ug motabang aron kini mahatagan ug dakong kasulbaran, hikauwaw ayaw, kini ipaambit ning atong kutay aron matagaan ug dakong kahayag pinaagi sa atong mga aktibong mga kakaubanan nga makigtambayayong sa inyong kasubo nga way sama. Sa dili pa ko kini tapuson atong ilampornas ang sonata nga nag ulohan: "Hubag sa Dughan ni Inday" Daghang Salamat.

TTJ

makalingaw jud ka TTJ. pagka anindot palandungon sa mga kanhi-ay nga panahon ilabi na katong magtungkaro ko ilawm sa landong sa tugas magbira2 sa akong nanungod nga tabanog nga binuhat sa akong apohan samtang maminaw sa iyang mga pasiaw.

[tormentor_jack]

pagka daghan gyud diay nag pas-an niining atong gi tawag og Suliran sa Katawhan.

[tatajhun]

makalingaw jud ka TTJ. pagka anindot palandungon sa mga kanhi-ay nga panahon ilabi na katong magtungkaro ko ilawm sa landong sa tugas magbira2 sa akong nanungod nga tabanog nga binuhat sa akong apohan samtang maminaw sa iyang mga pasiaw.

Titing heliopause maayong pag-abot niining atong kutay, hikalipay ko gayud ug dako sa imong pagtampo niining atong lagkaw pasilunganan hinaot sa magkadaghang ikaw magalantaw dinhi aron gayud sa paghatag ug alibyo sa atong mga kaigsoonan nga daw nangita sa kahayag sa ilang gidalang suliran. O sa imong ginapulong parehas gayud kita mahiligon sa tabanog apan ako lang sa unang panahon sapi sapi lang intawn nga daw ginama sa plastic gikan sa merkado...dili intawn gayud ako maka apord sa gitawag ug papel de hapon nga daw mahal na kini alang sa usa ka bata. Apan wala gayud panumbalinga ang lambo para itugot sa akong sapi sapi mao gayud ang netbag, hehe dakong kalipay gayud niining inyong higala kay taas na gayud maabtan ang akong sapi sapi ug samtang ako nagpasilong sa ilawm sa punoan sa chicos sa among silingan ug dala ang taas na kuhit aron lang maka kaon sa prutas nga pwerting tamisa...apan usahay gukoron sa ilang dakong iro nga daw malubat lubatan intawn ako ug samtang nagdagan gunit sa purol nga dagkog mata sa sampot nga bahin..hehe mao sigurong permi ko gukdon sa iro....

[heliopause]

hahahhah! makapahinuklog gayud ang kanhiay nga panahon TTJ., ilabi na sa atong pagkabata nga walay laing sulod sa hunahuna kundi ang duwa nga bato lata, takyan, tago2, syatong, kaka, tirador, taksi, jolen, lastiko. Makahinumdum lang sad ko sa imong plastik sa merkado nga stripe2 nga puwa or blue ug ang tugot sa sapi2 nga nindot paminawn kung makatangkas ta sa nagbalighot nga netbag. Ako sang malingawan TTJ kay ang jolenay nga perte ka hingigo sa akong kontra, mabaw intawn kog tuwad2 ug pasikit pag ayo sa jolen kay iya kong hatagan ug partida pinakiss kuno. Magngisi ang bogoy dalhan sa iyang pina sayt sa may pagkahiyong nga mata dayong tilap2 pinatuyok sa jolen nya hagtos sa awayan nya ang resulta kay mapagan diay to,hahahha!

Masuko dayon manghagad sumbagay kung dili nako hatagag barato.

[drew_ortega2k11]

aw magpa hinumdom sa tah ts..this program is brought to you by TAWAS..walay BAHO..wala say HUMOT!!! nyahhahahaaha

[heliopause]

asa naman ang atong pinanggang TTJ. murag nanikaysikay sad tawn ni siya. Kumusta na TTJ imong binuhing kanding ug baka?

[tatajhun]

maayong gabii sa tanang sumusunod niining atong payag pahungawan, pasensyae gayud ning inyong alagad nga daw karon pa nakagahin ug panahon aron sa paglili niining kutay nga daw daghan pud ang nagpahiyom sa ilang mga nasinati nga laglum nga mga pulong binisaya, nga daw sa magkadugay tingalig mahanaw na. mao pud gayud ang among dakong tinguha nga daw atong maibalik ang kanhi pulong nga gihatag sa atong mga katiguwangan.

atong balikan ang atong igsoon nga si titing heliopause, nga gayud akong dakong pasalamat sa iyang mga tampo dinhi, bisan sa kadaghan trabahoon, nakahatag pa gayud sa iyang gamayng oras aron lang makatampo sa akong pagbasa titing sa imong mga sugilanon ako nahimoot kung balikon ta ang atong nasinating kalingawan nga dili pagayud panahon sa mga butang di kuryente. hehe kung sa akong bahin niadtong mga duwa sa jolen, bato lata, buwan buwan sos ako ang makalolooy sa tanan nakong kaduwa tungod ako lang permi ang hago permi lang gayud ako maisahan sa akong mga kaduwa tungod sa akong pagkabootan kunohay. Pero ang akong paborito sa tanang duwa mao gayud ang duwa nga balay balay ug ako ang papa dayon ganahan ko ako permi ang papa. hehehe...dili nalang kaayo nako tas-on titing heliopause kay basin lain na gayud akong masumpay nga mga pulong. maayong gabii...TTJ

[itunes]

haha...nice one..