Kini ang akong suliran

[pruce]

---

Ahahahahahahaha, lingaw ko ug basa ani da... Sa pagkakaron ang akong suliran tungod sa kwarta... Para sa kaalaman siguro kita gyod tanan gikaluhaan na ug suliran sa pagkahimugso niining kalibutan.

Mangayo ko ug bulawanong pasalamat sa nagpasiugda niining Thread.

tinoud gyud, ako usab mapasalamaton ug dako sa nagpasiugda aning maong tulumanon nila ni TTJ ug ni Y_B. Buweno, akong ikaasoy ani, mao kini. Klase-klase nga mga problema ang sagad gisagubang sa tanan. Ang uban may kalabot ang kwarta, may kalabot sab ang gugma, pamilya ug uban pa. Kani kay kwarta, angay unta natong hinumdoman nga ang kwarta makit-an ra pinaagi sa kakugi ug mga paningkamot sa tinarong lang nga paagi. Bisan man gani ang katong naa sa pinaka-bukid ilaha lang gyung lakton ang pipila ka kilometro para mamaligyang mga utanon,itlog ug mga lagotmon. Pero sa atong bahin kung naa man gani ta diri sa dakbayan, daghang trabaho nga pwede kasudlan para naay kita ginagmay kana lang pud nga tinarong nga trabaho. Usbon ko ang tanan pinaagi sa kakugi. Naay mga panahon nga apiki, nangita kag kahulman or kautangan pero walay magpahulam ug magpautang. Kana, nagkinahanglan gyud na pag-salig ug pag-ampo. Kay luyo sa kalisdanan adunay kaharuhay ug kalampusan.

[tatajhun]

Sos diara man diay si titing pruce kaantigo pud gayud diay motambag..kuwang nalang c titing joop asa naman kaha karon kato gibutang sa Ginoo wala naman gayud kadalikyat ning lagkaw tambayanan..

[vashty]

source: Jsebastian!

Sa atong pagkahimugso niining kalibutana kinaluhaan na kitang daan sa atong suliran. Mga suliran nga di nimo mapas-an kung ikaw ra ug kini nanginahanglan ug tabang sa mga tawong gibantog nga magtatambag sa katilingban nga mamahimo usab nimong ispirasyon ug kapanalaminan sa umaabot nga katu-igan.



Hika-uwaw ayaw ang ang butyag sa inyong mga lain-lain nga suliran aron kana mahatagan ug kasulbaran.

Mura naman nuon nig radyo haha

[pruce]

Sos diara man diay si titing pruce kaantigo pud gayud diay motambag..kuwang nalang c titing joop asa naman kaha karon kato gibutang sa Ginoo wala naman gayud kadalikyat ning lagkaw tambayanan..

Higalang tatajhun, maayong hapon diha. Atong takna, duha'g siyam ka gutlo human mag ala una. sakto ba TTJ, hehehe. Abi nimo higalng TTJ, kaning akong mga tambag ug pulong nga sama sa sagad nga pinulungan diri ning atong tulumanon "Kini ang akong suliran" tipik ug kabahin lamang kini sa mga gipabilin sa akong mga apohan kaniadto. Kalooy sa Diyos bisag dugay-dugay nato apan nagpabilin gihapon nga kanunay nag-pahinumdom kanako sa ilang mga pulong agig pag-agak namo gikan sa among pagka-bata hangtud nga nia karon. Ug sa eninglis pa, this is the best treasure that I get from them. Mao nga mapasalamaton gayud ko'g dako nga nia ni nga tulumanon.

[tatajhun]

Higalang tatajhun, maayong hapon diha. Atong takna, duha'g siyam ka gutlo human mag ala una. sakto ba TTJ, hehehe. Abi nimo higalng TTJ, kaning akong mga tambag ug pulong nga sama sa sagad nga pinulungan diri ning atong tulumanon "Kini ang akong suliran" tipik ug kabahin lamang kini sa mga gipabilin sa akong mga apohan kaniadto. Kalooy sa Diyos bisag dugay-dugay nato apan nagpabilin gihapon nga kanunay nag-pahinumdom kanako sa ilang mga pulong agig pag-agak namo gikan sa among pagka-bata hangtud nga nia karon. Ug sa eninglis pa, this is the best treasure that I get from them. Mao nga mapasalamaton gayud ko'g dako nga nia ni nga tulumanon.

Titing pruce, wala gayud akoy laing mapulong kung dili ang pagpak-pak sa akong mga duha ka kamot agig dakong pasalamat sa imong pagtampo niining atong kutay nga daw usa ka bahandi para kanatong tanan dinhi nga nag lunsay-lunsay sa pinulongang binisaya agig paila nga kita diay dinhi sa istorya.net nga kaantigo pud makigkokabildo sa mga tawong dumudu-om nga susama kanato ug edad (TTJ 23 anyos pa ako) ug sa edad-edaran pang mobisita niining atong giamo-mang pasundayag bisan tu-od sa tumang kagamay sa atong oras migahin gayud kita ug gamayng panahon aron lang mali-li ning atong tapukanan daw usa ka bulawan sa tumang pag-amping niini...Dakong pasalamat nako sa uban labi gayud nila ni titing joop(dugay napud wala magpatim-aw),yanong_banikanhon,bohetmothrr,Jsebastian (asa nakaha karon gibutnag sa Ginoo)..ug sa uban pang wala nako malitok pasaylo-a ning inyong yanong higala daw dili nako ma memorya sa tumang kadaghan nga ni bisita niining kutay daw daghan gayud nga mga luha ug leksyon nga dawat sa ilang gipa-ambit nga suliran daw nakigbisog aron lang mabuhi sa matag-adlaw nga pagpuyo, niining atong kalibutan nga pastilan dili gayud ti-aw ang kalisod nga gibagu-od sa atong mga kaigsoonan.

Agig pasalamat kaninyo mga higala labi na gayud kadtong wala na ka bisita niining atong kutay dawata kining sonata akong ihalad kaninyo gi-awit kini ni Pred Panohot "Lawasnong Kalipay ayawg Lihay"....TTJ

[yanong_banikanhon]

paila nga kita diay dinhi sa istorya.net nga kaantigo pud makigkokabildo sa mga tawong dumudu-om nga susama kanato ug edad (TTJ 23 anyos pa ako)

Halos kaedad ra diay ta, abay TTJ. Mag 23 anyos naman pud ko puhon.

Bitaw, sakto gayud kanang imong gisulti, TTJ. Ingon nga mga bag-ong tubo (new generation), atong dakong responsibilidad ang pagtipig ug pagpalambo sa atong pinulongan ug sa atong lumad nga budaya (culture) kay sama sa giingon ni abay pruce, kini ang mga bulawanong kabilin gikan sa atong mga katigulangan.

Dili nato angay ikaulaw, hinunu-a, angay natong ipasigarbo nga bisan sa makusog nga bul-og sa teknolohiya ug mga langyaw'ng ideya, kitang mga batan-on (apil baya ko ana ha ) nagpadayon sa pagmanggad ug pag-amping sa atong budaya.

Padayon kita sa paglabyog.

[devilmer]

waaaaaaaaaaaaaaa, ayus grabe mga pulong bisaya diri oi....nice one ts..basa basa lang ko basig makapanghagdaw tag suliran...

[tatajhun]

nyahahaha..titing yanong oi mao-mao ragyud diay tag edad titing bisan to-od linghod pa ang atong pangidaron ako mapasigarbuhon sa atong nakat-unang lingwahi daw gikan pa gayud kini sa atong mga katiguwangan bisan tuod sa bul-og niing makabag-ong teknolihiya nga imong gipamulong ato pa gihapon gibanyos aron lang dili malimtan sa uban pang mga katawhan daw kini gipakamatyan sa atong mga niaging henerasyon hilabi na gayud c titing Lapu-Lapu nga usa ka yanong sugbuanon nakigbatok sa mga langyaw nga gusto mo okopar sa atong mahal nga sugbo aron ipasigarbo ang ilang tradisyon apan sa tumang kaisog ug panlimbasog sila ni titing Lapu-Lapu ug kakaubanan nag magdaugon ug malampuson sa ilang tinguha.

[pruce]

maayong buntag sa tanan, sa makausa pa nia na pud ta ning atong tulamon "Kini ang akong suliran" ni TTJ UG ni Y_B. Sa tinoud akong na lang ibutyag diri,sa permiro pa lang nako ug basa-basa diri ning thread ako nakaingon nga "ayay salamat kay naa pud diay ni sila diri, kani magkasinabot gyud mi ani labi na sa pinulungan lang daan". Ako nag-too nga ang edad nila ani maingun tang punga nga molapas na sa tahod sa hiniktan sa akong apohan kaniadto. Apan ako mapasalamaton kay nasayop ko. Naa ra man diay nagsubay sa linya sa susama sa akong edad karon, kaninyo TTJ ug Y_B. Matod pa ni TTJ bisan sa unsa man ka-moderno atong panahon karon wala gihapon ta malimot sa atong pulong tinugdan gikan sa atong mga katigulangan. salamat ninyo TTJ ug Y_B ug sa ubang misalmot ning tulmanon "Kini ang akong suliran".

Sa laing bahin, kung kinsa man gani ang naay bug-at nga gipas-an diha karon. Puwes ayaw na pagduha-duha kay aron mahatagan ug kahupayan kung unsa man galing na gugma, kwarta pamilya ug uban pa. Andam ug ania sila diri or kami diri paghatag sa kung unsa may among ikahatag agig pulong tambag labi nila ni TTJ ug Y_B.

[tatajhun]

Diara ang tambal sa inyong kasubo daw mahatagan ug kahayag ang inyong mga balati-an daw murag gikomot sa kapalaran. Andam ug tagana ang atong mga ekspertong magtatambag dinhi ug wala nay lain pa ipadangat dinhi sa atong gamayng buhatan...Maayong udto sa tanan kining takna-a gihatud kanatu sa Motolyt brake fluwid " Kung ikaw ga kalibanga, mao na kini ang imong gipangita" mohunong man gani ang trak de karga ang e-ats pa kaha!...