Plaihog lang ko ug tambag. Sa maong sitwasyon.

"Gugman'g bisaya"

Pagka-sauna kini si Dodong naa ni cya'y uyab. Gihigugma niya pag-ayo. Pero daghan laging problema. Daghang dili uyon, amiga/amigo, pamilya, ug murag hasta pud ning gitawag nila ug "destiny". Wa nagdugay, nagbuwag jud sila, wa na nila makaya. Nag-promise si Dodong sauna kang Inday (iyahang uyab sauna) sauna nga magbinut-an ug si Inday ra gayud ang iyang una ug ulahi nga ma-uyab.

Apan wala madugay gi-buak niya ang iyang mga gipanumpa kang Inday. "Unfair" daw kaayo, ngano sila pa ni Inday ang gibuwag, nga nagkahigugmaay man unta sila. Namaye si Dodong ug nagbisyo. Pero may gani kay naluwas siya kay nilakaw man siya sa laing lugar. Didto sa lugar kung asa siya pwede mag-usab. Ug tuod man nausab si Dodong.

Nilabay ang mga katuigan ug karun si Dodong naa sa maayo nga dapit na, layo sa bisyo ug sa mga dili angay nga mga buluhaton. Apan usa ka adlaw, nakakita si Dodong ug babaye, babaye nga 'murag' iyang naibgan, pili-an ni si Dodong sa mga baye pero karon, 'murag' nadagit siya sa usa ka dalaga. Naa tanan sa dalaga ang gipangita ni Dodong, gwapa, but-an ug uban pa. Nagpadayun ang mga kabulanan ug kini si Dodong gapadayun gihapon sa adlaw-adlawng pagpanglimbasog sa iyang kinabuhi.

Apan may balita nga naa daw nanguyab kang Binibini (baye nga murag naibgan sa atong bida). Dili masulti or ma-esplikar gibati ni Dodong. Murag gitusok ug mga lansang iyang kasing-kasing, wa siya katulog, wa ka tarong ug kaon. Pero wala sugta kang Binibini ang Binata (ngalan sa nanguyab niya). Ug nilabay pa ang mga adlaw ug nahibaw-an sa atong bida nga nahigugma man si Binibini kang Binata di-ay. Si Binata man gud, murag chick-boy man gud, naa nay uyab. Bisan pa man ug naa nay gihigugma si Binibini, padayun gihapon si Dodong sa paghigugma kaniya. Nibalak si Dodong pagpanguyab, pero daghan na kaayong gubot sa iyang utok. Mga pangutana sama sa "Dili na kaha mi magbuwag sama sa akong uyab sauna?", "Siya na kaha?", "Unsaon nako kung maka-uyab siya'g lain?". Daghan pa kaayo usab prioriy si Dodong, sama sa pamilya, studies. Gahuna-huna pud si Dodong nga basin dili cya ang right guy kay lagi ga bisyo siya sauna. Ug sa laing bahin, bata pa man sad si Binibini, naa pa sa tunga-tunga sa pagka-ten-edyer. Hangtod karun, gahuwat pa tawon si Dodong, wala gasaba sa iyang gibati. Pasiklap nalang, nagahung-hung sa mga pulong sa iyang kasing-kasing.

So unsa man? Maghuwat ba si Dodong kung kanus-a ma prioritize niya si Binibini? Maghuwat sa saktong oras? or Manguyab na jud ni si Dodong karun dayon? Unsaon man kung ma-unhan siya? Takos ba siya para manguyab or ma-uyab si Binibini nga ga bisyo man siya sauna? Unsa naman si Inday, huwatan nalang ba niya siya mahuman ug skuyla? or kalimtan nalang?

Sa mga mutubag. Daghang salamat. Di ko maka hingalan kung si kinsa ni nga sitwasyon.

PS: Bitaw, if ma happy ending man gani ni or dili (Hope not sad tawun), ako ipadala sa radyo.