Maestro `mi-rape
laing magtutudlo nga nagpaka-uwaw sa iyang propesyon...
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxx
BUGNAW nga selda ang gipuy-an karon sa usa ka maestro nga nasakpan sa giingong paglugos niya sa 13-anyos nga tinun-an sa 1st year high school sa computer class niadtong Lunes sa gabii sulod sa classroom sa pampublikong tunghaan dinhi sa dakbayan sa Sugbo.
Ang maestro itago lang sa ngalang Cesar, 28, nagtudlo sa computer class sa 1st year ug 3rd year high school, dunay duha ka mga anak sa iyang kapuyo, taga Barangay Bulacao, ning dakbayan, nasakpan sa iyang mga tinun-an.
Have something to report? Tell us in text, photos or videos.
Nipasangil kaniya ang iyang estudyante nga si Rachelle, 13, class president ingon man vice-president sa Student Supreme Council sa iyang tunghaan, taga Banawa, Barangay Guadalupe ning dakbayan.
Si PO3 Allan Vallejo, desk officer sa Fuente police nga nahinabi sa Sun.Star Superbalita, nagkanayon nga ang biktima apil sa gipahigayong leadership seminar sa tunghaan.
Sumala pa sa class adviser niini nga babaye nga uban sa inahan nga ni-report sa Fuente Police nga sa pag-abot sa alas 11 sa gabii, dihang nahuman ang ilang kalihukan, nanghipos na unta sila sa mga gamit aron sa pagpangatulog diha ra usab sa tunghaan.
Nahibulong ang class adviser nga si Rachelle wa na kini igkita.
Tungod sa iyang kabalaka kay gibilin kini sa iyang inahan ug itupad sa pagpangatulog, iyang gisugo ang ubang mga estudyante nga kauban niini sa leadership seminar sa pagpangita.
Ang mga estudyante nagtibangay sa pagpangita hangtod nga napunta sila sa ikaduhang andana sa tunghaan.
Bisan kon mingaw nipadayon sila sa pagsuhid hangtod nga napunta sila sa room sa suspek.
Tungod sa ilang kasaba sa gawas, si Cesar nangabli sa pultahan ug nigawas kay gipangasab-an ang mga estudyante nga way pamatasan tungod sa ilang pagsaba-saba.
Tungod sa ilang nahiaguman nga kasaba, nanganaog sila pagbalik ug nipahibawo sa adviser nga dunay tawo sa taas bisan kon ngitngit kaayo ang palibot.
Wa magdugay, ang biktima niabot sa ilang lawak unta nga katulgan nga giingong pwerti nang luspara sa kahadlok.
Apan dihang gisukit-sukit sa pagpangutana sa iyang adviser ug mga kaubang estuyante, nitug-an kini nga gihilabtan siya sa iyang maestro didto sa ikaduhang andana.
Diha-diha ang adviser nitawag sa inahan ug gipahibawo usab niini ang paryenting pulis sa biktima nga sakop a City Anti-Illegal Drugs Special Operation Task Group sa Cebu City Police Office (CCPO) ug gidakop si Cesar dayon gi-turnover sa Fuente Police Station.
Matod pa ni Vallejo nga dunay nakuhang condom sa crime scene base sa gisulti sa pulis nga paryente, apan wa hinuon masuta kon nagamit ba kini o giablihan lang.
Hinuon ilang gipaabot ang resulta sa eksaminasyon sa pink room sa Vicente Sotto Memorial Medical Center (VSMMC) diin didto ang biktima gipahiling, samtang ang tukmang kaso ilang ipasaka.
Ang suspek way klarong tubag kay magsulod gawas sa iyang pamayag una nihimakak sa krimin.
Apan dihang gipangutana niyag pag-usab, nipadayag kini nga way nahitabong sexual intercourse tali nilang duha kon di igo lang niyang gihikap ang lawas sa biktima.
Wa ma establisar kon nagkauyab ba ang duruha.
Maestro 'mi-rape sa tinun-an'
Originally Posted by lejean
Posting Permissions
