Misis, `kabit’ naaktuhan
Ni Philip A. Cerojano
Tuesday, June 28, 2011
“WAY aso nga makumkom,” matod sa usa ka panig-ingnan.
Mao ni ang nahitabo sa tinago-tagong relasyon sa usa ka babayeng minyo ug sa giingong iyang kabit nga negusyante.
Tungod sa hitabo niadtong Hunyo 16 sa gabii, kanus-a nasakpang hubo sa ilang mga sapot ang katunga sa lawas sa iyang asawa ug giingong kabit, ang bana nga negusyante usab mipasaka og kasong adultery batok sa duha.
Ang asawa ug giingong kabit natanggong gyud sa Waterfront police human dakpa sa bana pinaagi sa citizen’s arrest ang duha.
Mga ngan sa magtiayon ug sa giingong kabit gipugngan ning mantalaan.
Ang bana, sa iyang affidavit, nagkanayon nga dugay na siyang naniid sa iyang asawa human niya mahibaw-i nga dunay kabit.
Napakyas siya sa pagpaniid sa makadaghan kay wa niya masakpi sa akto ang iyang asawa.
Apan niadtong Hunyo 16, iyang nasundan ang iyang asawa nga nagmaneho sa awto niini sakay ang giingong kabit.
Nisulod ang duha sa parking area sa usa ka hotel sa downtown Cebu City dayon nanaka sa hotel.
Wa gyud makabantay ang iyang asawa ug ang lalakeng kuyog niini, nga kaila ra sab sa bana kay nagkatagbo sila pipila ka mga higayon, kaniya ug sa lain niyang mga kuyog.
Ila kining nasundan nga ningsulod ang duha sa room 501 nga iya na untang hasmagan, apan gisanta siya sa iyang mga kauban kay manawag pa sila og pulis.
Tuod man, niadto siya sa Waterfront police sa Cebu City Police Office (CCPO) aron pag-report sa hitabo.
Nibalik siya sa hotel kuyog sila si PO3s Alfredo Pandaan ug PO3 Tremaine Sotto.
Sa didto na sila sa pultahan sa hotel, iyang gituktok ang pultahan ug tuod man, giablihan sa usa ka lalake og gamay ang pultahan ug dihang nakita ang bana ug mga pulis, sirhan unta kini.
Apan napugngan siya sa bana hinungdan nga nakasulod sila sa lawak, diin ilang naabtan nga hubo ang katunga sa mga lawas niini.
Matod sa bana nga hayan nahuman na og *** ang iyang asawa ug ang kabit niini nga iyang gikasakit og maayo human sa kapin sa pito ka tuig nilang kaminyuon.
Samtang matod pa sa kapulisan nga nagpakitabang kanila ang bana niadtong Hunyo 16 alas 9:00 sa gabii sanglit iyang nakita ang iyang asawa kuyog sa iyang kabit.
Ang duha natanggong sa station 3 ug nag-atubang sa kasong adultery kun pagpakighilawas ngadto sa laing lalake nga di niya bana ubos sa Article 333 sa Revised Penal Code.
Ang bana ug asawa adunay mga nga anak diin ang kamagwangan niini nagtungha pa sa elementary.
Si Judge Estela Alma Singco sa Regional Trial Court (RTC) branch 12 sa dakbayan sa Sugbo nitugot sa duha nga makapiyansa og P12,000 matag usa.
Gipatik sa mantalaang SuperBalita Cebu Hunyo 29, 2011.
Misis, `kabit’ naaktuhan
Originally Posted by watashi
tsk... to bad they got caught
Posting Permissions
