::Mga Kaigsu-onan.....dinhi ta MAg Binisaya og lawom...

[tormentor_jack]

---

unsa may atong hisgutan karon ning atong hilo nga labihan ka lugway, mga kaigsuunan? wala ba kitay mapa ambit nga bisan dyutay nga kulukabildo bahin sa politika ba kaha o bahin sa nasudnong panghitabo.

[behemothharr]

nahala, samtang ang usag usa kanato mag huna huna pag mga ma anindot nga mga panahom, magka lingaw una akog kaon ning tinugnong!

[yanong_banikanhon]

Mga higala, nia ko'y ipaambit nga mga binisaya nga gikan sa kaban sa mga katigulangan.

internet = dagitwanang
website = balayan
forum = tapukanan
thread = kutay
file = hapnig
e-mail = dagitsulat
computer = dagitabyan

[sweetpotato]

magdugo man ako ilong dinhi dapita. muagi lang ko mga kaigsuonan..

maayung gabi-e sa inyu tanan.^^

[sygbyn619]

ang akong alimpatakan na puno na sa kalawom sa gipanghisgut sa tawo dinhing dapita.!

[clidim]

lumos ko sa ka lawm oi..agi agi lang pud ko hap

[yanong_banikanhon]

Mas maayo pa nga malumos sa lawod sa kaalam kaysa ibanlas ngadto sa mamingaw'ng lapyahan sa kaburong.

[SteveFoxv2.0]

Aduna ko'y manok ug baboy'ng binuhi. Mingtambok ug maayo mingtubo'g dali.

[joop]

kay diha sa atong adlaw-adlaw'ng panikaysikay mabatunan ang singot sa singit, sanglit hapdos kini pero giantos arun sa kagutum sa tilaok ug sa tiyan mahi-aguman ang ka-huharuhay nga panginabuhi...

[yanong_banikanhon]

Tugoti ako sa pagpukaw niining nahikatulog nga kutay (thread). Tungod sa kapaspas sa mga panghitabo sa dagitwanang, dali kaayong motiglom sa lawod sa kalimot ang mga bulawanong hilisgotan nga sa mata'g karon ug unya motuyhakaw dinhi ning atong tapokanan (forum).

Unsaon, pirmi mang lumsan sa way hinungdang mga tema - mga tema nga ang bugtong tinguha mao ang panagbangi ug kagubot. Inay pagtahud sa nagkadaiyang pagtoo ug panglantaw, pagbugalbugal ug pagyubit man hinuon ang gipakuyanap.

Kun ang atong tumong ug tinguha mao ang kahiusahan, nan, ihikling ta ang tanang klaseng panagbingkil tungod sa nagkabanging pagtoo. Sugdan ta pagpugas ang mga binhi sa panag-igsuonay. Atong saluhan ang pribilihiyo nga gipaambit sa mga tigpasiugda sa istorya.net uban sa tumang kaaghop, pagtahud ug kamatinud-anon.