USA ka 75-anyos nga biyuda gidaginot pa sa nag-inusarang tulisan, gipahimuslan ang iyang pagka babaye human siya kulataha.
Human sa pag-rape, gidala ang P34,000 nga cash sa biktima nga taga Sitio Upper Katugasan, Brgy. Can-asujan, dakbayan sa Carcar.
Ang ginang nga dunay deperensya na sa panan-aw ug tigpatanto sa lugar nalandig sa Vicente Sotto Memorial Medical Center (VSMMC) human siya nabalian sa gusok dihang gikulata sa tulisan una pa gilugos.
Ang suspek giingong nagtabon sa nawong ug abtik usab kaayong nakasibat human sa iyang gihimong niluog nga krimen.
Si SPO1 Reynaldo Fuentes, imbestigador sa Carcar Police, nagkanayon nga mga alas 12:30 sa miaging kaadlawon nakasulod ang tulisan agi sa kusina sa panimalay sa biktima pinaagi sa pagguba sa kawayan nga lababo.
Human makasulod sa balay, gisaka niini ang biktima sa taas ug didto gihimo ang iyang yawan-ong kalipay ngadto sa tiguwang.
Matod ni Fuentes nga ang biktimang tiguwang nitug-an nga nakabanatay siya nga nitupad niya sa paghigda ang tulisan dayon gikalitan lang siya sa pagkulata pinaagi sa pagsukmag sa iyang kalawasan hinungdan sa pagkabali sa iyang gusok.
Gidugang sa biktima nga wa pa matagbaw ang tulisan, gihilabtan ang iyang pagkabaye.
Human sa paglugos, gidala ang iyang P30,000 nga tinigom sa alkansiya ingon man kapin sa P4,000 nga cash sa pitaka.
Si Fuentes niingon nga human gilugos ang biktima, nibalik sa iyang agi ang tulisan sa luyo sa balay base sa mga tunod niini nga tsinelas sa lapok kay nag-uwan-uwan.
Ang anak na sa biktima nga si Felix, kinsang balay didto sa atbang mga 10 metros ang gilay-on maoy nakatabang sa iyang inahan human nisinggit nga nangayog panabang apan uwahi na kay nilampos na ang tulisan sa pagsibat.
Ang kilid sa balay napuno sa tanom nga mga mais ug sa unahan niini usa ka lugot nga lugar nga libon.
Wa hinuon nila isalikway ang posiblidad nga taga diha lang ang tulisan, apan di lang sila makasulti kon kini ka batan-on o kaha tiguwang.
Gitan-aw usab niini ang posibilidad nga utangan sa biktima sa iyang negusyong pagpatanto ang nihimo sa krimen nga nasuko niini.
Usa ka lalake giimbetar kagahapong adlawa sa kapulisan apan ilang gibuhian sanglit di kini mao.
Wa silay nakitang garas-garas sa lawas nga posibling nasangit sa giguba niini nga gamay nga lungag sa kawayan nga lababo.
Ang biktima nibutyag nga gihilabtan siya sa suspek hinungdan nga dihang nalandig sa Carcar District Hospital, gibalhin sa VSMMC diin gipaabot pa nila ang resulta sa iksaminasyon sa pink room.
DA PAMAN!
75 anyos nga Lola gi-rape! Da Paman!
Posting Permissions
