Kini ang akong suliran

[yanong_banikanhon]

---

Ug akong matambag ni Tikya para malikayan niya ang sunod sunod nga paglitok sa iyang bana sa mga pulong nga matam-is ngadto sa iyang kompari mao kini, Ayaw tuba ipainom kun dili kanang naa sa sugong nga gitawag ug arinola aron kini mauli-an...

Hahaha...payter kaayo ang imong tambag, papaTa. Hinaut nga makabaton ug kahupayan si Tikya ug iyang pagasundon kanang imong tambag sa labing madaling panahon.

Tikya, daghan kaayong salamat sa imong tampo. Among ipahinungod sa imong bana kining awit nga nag-ulohan: 'Pare ko, nganong nang-lipstik ka?'

[joop]

@yanong
kalooy diay ni Tikya bai sa?... maypa kadto nalang sad iya pare maoy iya uyabon,lol
duda ko kanang iya bana sa ulitawhay pa pataka sad guro na ug pasirit anang iyang agipo de aninipot para pwerta el tuga-tuga, sa kadaghan gipasiratan kaniadtong batan-on pa basin ug milubad karun naminyo na unya ngita na sad laing ka engkwentro ang karaho ug ang iya pare maoy gi amungan hasta paetæ kinabuhi-a.
nahala Ya Tikya, paminawa kanang tugtog nga gipalarga na karun ni bai Yanong_Banikanhon basin ikaw makahuna huna maayuhon ug lapdusan ikog sa pagi na imong bana,lol

[yanong_banikanhon]

Mao bitaw, ba'y. Naunsa naman noon ning banaha nga nilubad man. Tsk.tsk.tsk...basin epekto na sa mga chemicals ug organic compounds nga gikan sa mga lagong ug kwaknit nga naglangoy2x sa tuba nga iyang giinom.

[joop]

ænga diay nang tuba sa? kusog diay na makalukmay ug balati-an?
basin ug mao niya na himoon sa mga aswang este asawa nga ang mga bana mga mangtas ug bisan kinsa nalang sad pasiritan arun malukmay ila bana paimnun nalang sad anang lawa sa tungog nga gisayaw sayawan sa mga kwaknit....
lisud ug ma diskubrehan sa mga misis kani alibyuha, ang kalibutan puro na unya ungo este malumo ug kasing kasing atot na!.... ipahilayo lang tawon....

[tatajhun]

ayaw lagi mog sigeg inom anang tuba ug bahal kay makadaot na sa pagkalalaki hehe...perik perik ang mas maayo mga titing..

[joop]

kuyaw sad kaayo nang tirik tirik papaTa kay pikat pikat sad mata nato ana ug mo sikad na ang kabangis sa maong ilimnun, hasta ilong gud mo busikad pud... pæta maypa undangon nalang na mga bisyoha,lol

pero lami man jud na duna tagayon ui, labina ug duna sad mo ugay2x samtang nag tagay2x,lol

[tatajhun]

Maayong gabii sa tanan natong mga suki dinhi lang sa atong lagkaw nga hapit na mabahaw hinaot naa kita sa atong mga maayong panglawas ug pangisip niining takna-a.

[yanong_banikanhon]

Daghan kaayong salamat sa imong mga panimbaya, tinahud nga papaTa. Ania gihapon kami nagpadayong nagtambay2x niining atong pinalanggang lagkaw.

Kun makalugsong ko puhon sa lungsod, manarap ko og mga suliran didto aron akong ikapadangat dinhi.

[joop]

Mau kay sa sinugdanan sa buwan migil-it ug sa makausa mituwaw kini atong programa nga makapapukaw sa mga balati-an labina tong gitunglo sa butang ginganlan GUGMA.!. ayaw kamo pagpanuko ug hampak ana dire inyo mga yango-ngo kay kutob sa among mahimo andam ug tagana mo palarga sa among mga tambag de taranta el pueblo dies por syento mo solbad kini!,lol

Ug sa atong mga kaubanan ako sa makadaghan mo palanog ug usa ka tugtog nga gina ulohan,. ''Dunggan Bungogon, Mata Mutaon''....

[yanong_banikanhon]

Mga tinahud nga magtatambag, atong saw-an kining sulat nga gikan ni Meling.

Mga tinahud nga tigpasiugda niining maong programa, maayong adlaw kaninyong tanan.

Ako si Meling nga taga barangay Taghapyod, lungsod sa Agipo. Kining akong suliran bahin kini sa akong bana nga damanon kaayo. Halos kada gabii, inig pangatulog namong tanan, mokalit lang siya og syagit "Ako si Kulafu ang Mangluluwas". Kun akong pukawon, magkimod-kimod lang iyang baba unya mobalik ra pud siya'g katulog.

Duna pa to'y higayon nga kusog gyud kaayo ang iyang yawyaw samtang natulog. Matud niya "Sige! Sige! Maligo ta! Maligo ta. Linaw kaayo ang dagat". Naulaw gyud ko kay bukid baya ning among gipuy-an, 50 kilometros ang pinakaduol nga dagat. Madungog ra ba gyud pag-ayo ang iyang yawyaw kay hilom man kaayo ang kagabhion.

Mao tong sa akong kaulit, nagkuha ko og usa ka pitsel nga tubig unya ako dayong gisablig sa akong bana aron makamata. Naunsa man kaha nga nibangon man nuon (bisan piyong ang mga mata) kay magkuha kuno siya og salbabida.

Ako lang gyud siyang gisundan, didto nipadulong sa abohan ang kwanggol. Dayon niyang ingon: "Oy, naay daghang uwang. Manikop ta." Iya dayong gikaraw-karaw ang mga baga. Da! Nakasyagit lagi siya'g tabang kay gipamaak kuno siya sa uwang.

Nakamata ang akong bana unya didto milingkod sa duol sa abohan, nagsige'g huyop-huyop sa iyang mga tudlo nga nangapaso. Imbis akong kasuk-an kay naka-istorbo siya sa mga silingan, nalooy naman pud kong nagtan-aw sa iya.

Mga magtatambag, unsa may akong buhaton aron mawala na kining pagka-damanon sa akong bana? Nahadlok ko nga moabot ang panahon nga damanon siya unya dili nako mabantayan. Basin unya'g moadto sa among silingan, lahi unya iyang makarawan. Isogon ra ba'g hitsura tong bana sa akong kumare. Basin unya'g mahurot og kaputol ang mga tudlo sa akong bana.

Palihug tabangi og tambagi ninyo ako.

Inyong ubos nga magtatampo,
Meling