Citom enforcer gireklamo sa magtiayon | Sun.Star
SAKOP sa City Traffic Operations and Management (Citom) gipasanginlang nanukmag samtang nagdumala sa trapiko sa pamilyang nagsakay og motorsiklo nga niresulta sa pagkalamba nila ug pagkaangol sa magtiayon ug sa ilang usa ka tuig pang anak.
Gumikan sa hitabo, ang motorsiklo nakabangga pag laing tulo ka mga tawo diha sa karsada niadtong Domingo sa hapon sa may dalan Archbishop Reyes, siyudad sa Sugbo.
Ang nagpakitabang sa Sun.Star Superbalita mao ang managtiayong Nixon ug Jay-an Apricano nga nangaangol atol sa hitabo.
Sigun sa ilang asoy nga samtang nagsubay sila sa dalan Archbishop Reyes Ave. gikan sa Talamban kalit siyang gipara sa enforcer nga naila sa ngan nga Jonathan Romare, kinsa nadistino sa dapit.
Nahibulong ang bana nga sa dihang paingon na siya sa molugar unta sa motorsiklo, kalit siyang gisukmag ni Romare hinungdan sa pagkaigo sa iyang mata.
Gumikan sa kakuyaw ug nakalitan siya sa, insedenti nalubag niya ang iyang gasolinador nga nikusog ang dagan ang dagan ug nasarasay sila hinungdan nga napaingon siya sa tulo ka mga babaye nga iyang nabanggaan ug nalamba.
Samtang naapil pa sa pagkalaamba ang iyang usa pa ka tuig nga anak babaye nga gikugos sa iyang asawa.
Siya nipasangil nga wa gani sila tabanga sa enforcer ug gikuha ra ang iyang lisensya nga wa isyuhig temporary operators permit (TOP).
Lakip pa sa gikuha mao ang iyang motorsiklo.
Ang enforcers giingong wa motabang kanila ug ang guwardiya na sa Ayala Business Center maoy nanawag og ambulasnya.
Ang managtiayon ug ilang usa pa ka tuig nga anak ningdangat sa tambalanan samtang ang tulo nga ilang naligsan ila na usab nga nagastohan sa tambal.
Sa record sa Citom gikataho nga ang enforcer nga si Romare igo lang ni-turnover sa lisensya ug mipahibawo nga ang tag-iya sniini nakadasmag apan wa gisulti nga iya kining gisukmag hinunggan nga nalamba ug nakabangga sa tulo ka mga babaye.
Ang Sun.Star Superbalita nisuway sa pagkuha sa habig sa enforcer apan wa diha sa ilang buhatan.
Citom Gireklamo sa magtiayon
Posting Permissions
